Peqqissaasut ilinniarsimasuuit aamma napparsimasunik sullissinermi ilinniartitsinermilu pisaatsinut atatillugu ilinniartitsinerup, inerisaanerup, atortussanngortitsisarnerit nalilersuisarnerullu iluanni suliniuteqartarnermi piginnaasavit nukittorsarnissaannut takorluugaqarpit, taava atorfimmik ilinnoortumik neqeroorpugut.
Ilisimatusarfiup Peqqissaanermik Pinngortitamillu Ilisimatusarfiani peqqissaasunngorniarfimmi ilinniartitsisumik pissarsiorpugut. Atorfik 01.04.2025 imaluunniit isumaqatigiissuteqarnikkut atorfiniffiusussanngorlugu inuttassarsiuunneqarpoq.

Atorfimmi tassani Peqqissaasunngorniarfimmi ilinniartitsinissat tamannalu ilutigalugu, Syddansk Universitet (SDU) aqqutigalugu, ukiuni sisamani avanceret klinisk sygepleje-mi - APN-imi (itisiliinerusumik napparsimasunik peqqissaanermi) inuussutissarsiornermi kandidatitut ilinniarnissat periarfissarissavat.

Ukua neqeroorutigisinnaavagut

• Peqqissaanermut immikkoortortaqarfimmi peqqissaasunngornianut ilinniartitsisutut atorfinitsinneqarneq aammattaaq ilinniarneq tamakkerlugu akissarsiaqartitaaneq
• Ilinniartitsisutut sulinermi piffissaq aalajangersimasoq ingerlareerpat napparsimasunik peqqissaanermi inuussutissarsiornermi kandidatitut ilinnialersinnaanissat neqeroorutigissavarput, ilinniagaq taanna 120 ECTS-pointinik naleqarpoq.
• Ilinniagaq ukiuni sisamani piffissap ilaannaa atorlugu ingerlassassatut aaqqissugaavoq, ukiuni taakkunani ilinniartup ilinniarnermi saniatigut ilinniartitsisutut sapaatip akunneranut agguaqatigiissillugu akunnerni 25-ni sulisassaaq. Ilinniagaq Kalaallit Nunaanni pingaarnertut ingerlanneqassaaq internetsikkullu ingerlassinermik ilaqassulluni.
• Suliassanut atatillugu annertuumik namminersorsinnaaneq. Inuussutissarsiornermi kandidatitut ilinniartuutitsitut naatsorsuutigaarput ilinniarnivit nalaani nammineq suliaqarnernit ajornartoorutit suliarinissaat salliutissagit naatsorsuutigaarput.
• Avatangiisini assigiinngitsunik kultureqarfiusuni ilikkariartornermi suliatigut pædagogikkikkullu unammilligassat, tamatumani kandidatinngorniat allat, aqutsisut, ilinniartitsisut siunnersortillu suleqatiginissaannut periarfissaqassaatit.
• Avatangiisit ilisimatusarnermi misissuinikkut eqeersimaartut ineriartorfiusullu
• Suleqatit imminnut tunniusimasut kajumissuseqartullu

Suliassat

• Peqqissaanerup iluani teoriit periutsillu kiisalu ilisimatusaatit allat pillugit ilinniartitsineq
• Soraarummeertussanik ilitsersuineq soraarummeersitsisarnerlu
• Suliffinnik misiliiffiusunik ilinniartunillu suliffinnik misiliisunik suleqateqarneq
• Ilinniartitsinerup ilisimatusarnerit tunngavigalugit ingerlanneqarnissaanut atatillugu pilersaarusiornermi inerisaanermilu suliassat.
• Piukkunnaateqarneq apeqqutaatillugu inerisaanerup aamma ilisimatusarnerup iluanni suliniutini peqataaneq

Piginnaasassat

• Peqqissaasutut bacheloritut ilinniarsimasuuvutit.
• Napparsimasunik peqqissaasutut misilittagaqarneq Tunngaviusumik ilinniakkami ilinniartitsinermik siunnersuinermillu misilittagaqaruit pitsaanerussaaq
• Ilisimatusarluni inerisaallunilu suliaqarnermik soqutigisaqarneq, ilisimasaqarneq misilittagaqarnerlu
• Aalajangiussimasuuneq aaqqissugaalluartumillu sulisinnaaneq.
• Peqqissaasutut Kalaallit Nunaanni sulisinnaatitaanermut uppernarsaateqarneq

Sap. ak. 8-mi SDU, peqqinnissaqarfik aamma Peqqissaanermik Pinngortitamillu Ilisimatusarfik paasissutissiillutik ataatsimiitsitsissapput
Sap. ak. 8-mi paasissutissiilluta ataatsimiisitsissaagut, tassanilu inuussutissarsiornermi kandidatitut ilinniagaq pillugu, aammattaaq akuerisaanissamut qanoq qinnuteqassanersutit, paasisaqarfiginerusinnaavatit. Qaqugu sumilu ataatsimiinneq ingerlanneqassanersoq pillugu paasissutissat immikkoortortaqarfinni tamani pisortanut nassiunneqarumaarput.

Ullut pingaarutillit

• Qinnuteqarfissaq kingusinnerpaaq tassaavoq martsip 1-at 2025
• Ilinniagaq septembarip 1-ani 2025 aallartissaaq

Sulisinnaatitaaneq
Atorfik pillugu paasisaqarnerorusukkuit instituttip pisortaa Anna Kleist Egede mailimut uunga saaffigisinnaavat: ankl@uni.gl
Peqqissaasunngorniarfik aamma Peqqissaanermik Ilisimatusarfik pillugit ugguuna atuarnerusinnaavutit www.uni.gl

Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut aqqaneq marluupput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.