Suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu sullissivimmi nutaaliaasumi qaasuitsup killeqarfiata avannaani inissisimasumi, innarluutilinnut tunngasutigut ineriartortitsineq sunneeqataaffigalugulu pitsanngorsaaqataaffigerusuppiuk?
  
Ulloq atorfiniffissaq: 1. oktobari 2025 imaluunniit isumaqatigiissuteqarnikkut

Ulloq qinnuteqarfissap killinga 1. august 2025

Atorfik pillugu
Pissassarfik attaveqaqatigiinnermut sulisumik, sullissiviup iluani avataanilu attaveqarnermi attaveqaqatigiinnikkut sulianik ataqatigiissaarisinnaasumik pissarsiorpoq.

Pissassarfiup ingerlatitseqqiisarnerani, ersarissuunissaanut aammalu periusissiornikkut pissanganartumik ineriartornerani, qitiusumik attaveqaqatigiinnermut sulisutut atuuffeqassaatit. Aqutsisut sulisullu suliaminnut ilinniagaqarsimasut qanimut suleqatigalugit oqariartuutitta ersarissuunissaat, siunnerfilersornissaat paasiuminartuunissaallu qulakkeerinneqataaffigissavatit.

Suliassat assigiinngissutsimikkut siammasissuupput, ineriartortitassat ingerlatsinikkullu suliassat pineqarlutik, ilaatigut makkuusut:

• Attaveqaqatigiinnikkut periusissianik suliaqarneq atulersitsinerlu
• Ingerlatsiviup attaveqarnerani siunnersuineq siunersiueqateqarnerlu
• Allakkianik sanaartorneq kukkunersiuinerlu
• Avammut nittarsaassassanik, saqqummersitassanik iliusilersuineq 
• Nittartakkap inuillu attaveqatigiittarfiisa nutartertarnissaat ineriartortinnissaallu

Naatsorsuutigaarput:

• Naleqquttumik ilinniagaqartuussutit paasissutissiinerup/ attaveqaqatigiinnerup iluani
• Oqallorittuullutillu allattariarsornikkut piginnaasaqarluartuusutit
• Ammasumik ilusilersueqataasumillu avataanit suleqatigisanut attaveqaqateqarnernut peqataasinnaanissat
• Alapernaassuseq, nammineersinnaaneq akisussaaffimmillu pimoorussisinnaasutit
• Ammasuunissat suleqatigiinnilu suliat tapertariisillugit suleqateqarluarsinnaasutit
• Atugarissaarnemik sulinermilu atukkanik nuannersumik tapertaaqataassasutit
• Aaqqissuussaalluakkamik, akisussaassuseqartumik aaqqiissuteqarluarsinnaassuseqarlutillu sulisinnaasutit
• IT-mik atuisinnaaneq CMS-systemullu ilisimasaqarnissaq pingaarnertullu Sitecore

Pitsaaqutaassaaq:

• Kalaallisut danskisullu oqalussinnaallunilu allassinnaanissaq
• Attaveqaqatigiinnikkut suliassanut pilersaarusiukkamik periuseqarluni suliaqartarneq
• Grafikkimik ilusilersuinermik inissitsiterinermillu misilittagaqarnissaq

Neqeroorutigaagut:

• Atorfik pissanganartoq, allanngorartoq ilinniakkamullu unammillernartulik akisussaassuseqarluartorlu
• Inunnik innarluutilinnut ineriartortitsinissamut sunneeqataasinnaanermullu atorfik periarfissiisoq
• Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq

Atorfimmi matumani ilinnut tulluussoriguit, nunatsinnilu innarluutilinnut sullissinerup iluani kivitseqataarusukkuit, taava qinnuteqaatit uatsinnut nassiukkiuk. 

Pissassarfik pillugu annertunerusumik uani atuarsinnaavutit www.pissassarfik.gl

Paasissutissat sukumiinerusut:
Naja O. Lennert
Centerchef
Tlf. +299 34 50 78
E-mail: naja@nanoq.gl

Sapaatip akunnera 32-imi 33-imilu oqaloqatiginninnerit ingerlanneqarnissaat naatsorsuutigineqarpoq.

Ataavartumik oqaloqatiginninnissamut immitsinnut pisinnaatippugut, ornigulluni takkunnikkut isiginnaarulluunniit atorlugu ataatsimiinnikkut (videokonference) ingerlanneqartussanik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.