Suliassat ajornakusoorsinnaasut paasiuminarsarlugit suliarinissai soqutigisaraagit? Nutaanik pilersitsisinnaavit, aaqqissuussilluarsinnaavit aammalu attaveqaqatigiinnerni atortussanik nutarterisinnaanermut pikkoriffeqarpit? Attaveqaqatigiinnerup pilersinnerani pimoorussinermik allannguerusussusermillu pilersitsisinnaavit? Aammalu tappiffigiviuk soqutigalugulu suliniummik suliaqarneq? Taamaappat illiuvoq ujartugarput.

Attaveqaqatigiilluarsinnaasumik, pilersaarusiorluakkamik aammalu akisussaaffimmik tigussillaqqissumik suliaqarsinnaasunik attaveqaqatigiinnermi sulisussarsiorpugut.

Suniluunniit suliniutini iluatsittuni attaveqaqatigiinneq pingaaruteqartuuvoq, pingaaruteqarportaaq pisortaqarfiit ataatsimoorussamik nuna tamakkerlugu suliniutit iluatsitsinissaat. Isumaqarpoq illit atorfiit pingaaruteqartoq qulakkiissallugu nalunaarutit sullitanut eqqortunut apuunnissaat, attuumassuteqartunut ilaatitsinerit, aammalu paasissutissat paasiuminarsarnissaat eqqortuunissaallu sulissutigissallugit.

Sapaatip akunnerata ingerlanerani animationimik videolianik ineriartortitsissassaatit, sulinimiummilu aqutsisoq iliuusissanik avitseqatigisassavat, atortussanillu ajornaallisaanermi workshopertitsinermi ikiuutaasassallutit, aammattaaq Oqaasileriffik suleqatigalugu digitaliseeriinermi taaguutit nutaat suliarisassallugit. Pingaarutilimmi inissisimanissat naatsorsuutigissavat, teknikkikkut aammalu pilersarusiornermut nalunaaruteqartarnerit paasiuminarnerusumik innuttaasunut, pisortaqarfinnut aammalu suliffeqarfinnut attaveqaqatigiittoqarnerussammat.

Sulerissavit?

• Ineriartortitsineq aammalu attaveqaqatigiinnermi periusissiap naammassinissaa, allannguisussaq
• Attaveqaqatigiinnermi atortussamik pilersitsineq – Nutaarsiassanit aammalu nittartakkap imarisaanik ilitsersuusiorneq
• Animationinik videolianik ingerlatsineq aammalu takussutissanik, suliniutit uummaarissisillugit
• Atortussianik ilanngussinerup nukittorsarnera, soqutiginarsinnaasunillu oqaloqateqarneq
• Pilersaarusiorneq aammalu workshopini, ataatsimiinnerni, konferenceni webinarinilu ikiuunneq
• Sunniuteqaqataaneq aammalu kalaallit oqaasiinik digitaliseeriinermi Oqaasileriffimmik suleqateqarneq
• Attuumassutillinnik suliaqarnermi suliniummi aqutsisoq ikiorlugu
   

Kinaavit?

• Ilisimasaqarluartuuvutit sulianik ajornaallisinnaasoq
• Suliassanik aallussisinnaalluartoq, nutaanik pilersitsinnaasoq aammalu ineriartortitserusuttoq, digitalimik attaveqaqatigiinnermilu atortussanik pilersitserusuttoq
• Pitsaasumik ilusilersuillaqqittuuvutit, isumassarsiullaqqissoq, sulianullu tappissoq – aamma suliat arlallit ataatsikkut suliarisinnaallugit
• Suliniutinut paasisimasaqarluartuuvutit, suliassanik tigusisinnaasoq, ajornartorsiutinillu aaqqiisinnaassusilik
• Sulianik pingaarnersiuinerni nikerarsinnaaassuni sulisinnaasuuvutit aammalu suliat piffissaq eqqorlugu suliarisinnaallugit
• Suleqatigiinnermi suleqataasinnaalluartuuvutit aammali naammineerlutit sulisinnaasuullutit
   

Suliassanut tunngatillugu piginnaasatit

• Naleqquttumik oqaatsit pillugit, attaveqaqatigiinnermi, tusagassiuutilerinermilu assigisaanilluunniit ilinniagalik
• Attaveqaqatigiinnermik sulinermi misilittagalik – ajornanngippat pisortat ataanni
• Attaveqaqatigiinnermut allannguutinik misilittagalik aammalu aqutsineq
• Ineriartortitsinermik aammalu animationinik videolianik misilittagaqarluarneq
• Digitaliseeriinermik atortussanngortitsinermillu paasisimasaqarneq
• Politikkikkut ingerlasumi sulisimaneq misilittagaqarfigisimassavat
• Kalaallisut qallunaatut tuluttullu allassinnaallutillu oqalussinnaassaatit
• Inuiaqatigiit pisortaqarfinnilu ataatsimoorussat ilisimasaqarfigissavatit

Sooq qinnuteqassavit?
Suleqatigiilluartut akornanniilissaatit, suliat assigiinngitsut akimorlugit sulinermik pilersitanik inerniliisartunik allannguisunillu suleqateqalissaatit.
Tunniussinnasagut:

• Digitalinngortitsinermut Aqutsisoqarfimmi atorfimmik pissanganartumi, inuiaqatigiinnilu pingaaruteqartumik suliaqarnermi atorfik
• Suliniutinik suliaqarsinnaanermut periarfissaqarneq, Kalaallit Nunaanni nuna tamakkerlugu digitalinngortitsinermi pingaarutilimmi sunniuteqaqataaneq
• Sunniisinnaassuseqarneq aammalu suliffeqarfik suliassanut aammalu inuttut ineriartortitsinermik periarfissiissoq.

Suleqatigiissinnaaneq pingaartipparput, qiimasuuneq nutaanillu pilersitsisinnaanermik eqqarsarsinnaaneq aamma pingaartillugu – illiua suleqatigiinnissami amigaatigisarput? Taava qinnuteqaatit nassiuguk – tusarfiginissat qilanaaraarput!
Atorfiniffissaq aggustip aallaqqaataanni 2025-mi imaluunniit isumaqatigiinnikkut pissaaq.
Naatsorsuutigaarput suliffissarsiortut oqaloqatigineqassasut sapaatip akunnerani 23-mi.

Uagut pilluta
Una atorfik Suliniutinut immikkoortortaqarfimmiippoq, pisortat ataatsimoorussat qanimut suleqatigalugit nuna tamakkerlugu digitalinngortitsinermik periusissiap iluani suliniutit ingerlannissaat ineriartortinnissaallu akisussaaffigineqarput.

Siunnerfilimmik suliniutit aqunnissaat suliffiullu iluani suliniutit ingerlalluarnerisa pisortallu ataatsimoorussat nukittorsaavigineqarnissaannut immikkoortortaqarfimmiit sulissutigineqarpoq. Suliniutinut immikkoortortaqarfik Digitalinngortitsinermut Aqutsisoqarfiup ilagaa.
Digitalinngortitsinermut Aqutsisoqarfimmi siunissami digitalimik atuineq isumannaatsoq anguniarneqarpoq, aqutsisoqarfimmiillu inuiaqatigiit digitalimik aaqqissuussanik isumannaatsumik assigiissakkanillu atuisinnaanissaat qulakkeerniarneqarluni.

Digitalinngortitsinermik Aqutsisoqarfimmi Kalaallit Nunaanni aammalu Namminersorlutik Oqartussaqarfimmi IT-qarnermi atortunik digitalinngortitsinermik suliaqartarpugut. Aqutsisoqarfimmi suliassaqarfiit assigiinngillat, aqutsisoqarfiullu suliassaannut naatsorsuutit aamma assigiinngitsuullutik. Kalaallit Nunaanni digitalinngortitsinermik suliaqarnerput tulluusimaarutigeqaarput, suliarlu maniguulluta suliaralutigu. Suliassat suliarinissaannut ilisimasaqartariaqarlutalu piginnaaneqartariaqarpugut, tamannalu ulluinnatsinnik ulapaartitsillunilu allanngorartitsivoq. Ulluinnarni sulisut naammagisimaarinninnissaat anguniarlugu suliat pillugit inuttullu assigiinngissutsit ataqqillugit suleqatigiinneq qitiutillugu sulivugut – sulianillu pitsaasumik naammassinninnissaq ukkataralutigu.

Aqutsisoqarfik nunalu tamakkerlugu digitalinngortitsinermut periusissiaq digitalimik.gl aqqutigalugu paasisaqarnerusinnaavutit. 
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.