Avatangiisinut Upalungaarsimanermullu Immikkoortortaqarfik Pinngortitamut Avatangiisinullu Naalakkersuisoqarfimmi suleqatissamik sulianut tunniusimalluartumik pikkorissumillu – ajornanngippat avatangiisinut piujuartitsinermullu misilittagalimmik, aamma tamanut tunngasunut piginnaasaqarluartumik pissarsiorpoq.

Atorfik pillugu

Avatangiisinut Upalungaarsimanermullu immikkoortortaqarfiup siammasissunik eqqagassalerinerup, imeq imerneqarsinnaasup, immami sinerissamut qanittumi avatangiisinut, imeq errortuivikup, ASN-ip, pingaartumik suliffeqarfiit mingutsitsisut kiisalu upalungaarsimanerup iluani suliassaqarpoq. Tamatumani immikkoortortaqarfiup avatangiisinik illersuineq pillugu nunani tamalaani isumaqatigiissutit arlallit naapertorlugit ingerlatsinerit akisussaaffigai. Immikkoortortaqarfimmi immikkoortortami pisortaq aamma AC-fuldmægtigit 12-it atorfeqartuupput.

Avatangiisinut Upalungaarsimanermullu immikkoortortaqarfimmi AC-fuldmægtigitut imaluunniit immikkut siunnersortitut assigiinngitsunut suliaqarnissannut periarfissaqassaatit ass.:

• ASN, avatangiisinut akuersissutit
• Nunat Avannarliit Siunnersuisoqatigiivinut, Issittumi Siunnersuisoqatigiinnut imaluunniit Naalagaaffiit Peqatigiivinut atatillugu nunani tamalaani avatangiisit pillugit apeqquteqarneq.
• eqqagassanut suliassaqarfimmi pilersaarusiornermut suliniutinut – tamatumani kommuninik suleqateqarneq aamma Kalaallit Nunaanni utertitseriaatsimut suliaqarlutit.

Atorfik oqartussat suliassaannik, pilersaarusiornermut ineriartortitsinermut suliaqarneq aamma politikkikkut soqutiginaatilinnik suliaqarneq. Siammasissumik suleqateqartassaatit – naalakkersuisoqarfiup iluani aamma allani kommunini, oqartussani aamma nunani tamalaani sulianut attuumassuteqartunut.

Suliassatit ilaatigut ukuussapput

• Suliassaqarfimmi ataatsimi imaluunniit arlalinni piginnaasat, atorfissaqartitsineq aamma soqutigisat apeqqutaatillugit suliassamik isumaginninneq
• Aalajangiiffigisassatut isummernissamut tunngavissianik, allakkiorneq aamma politikkikkut qaffasissusilimmik akissutinut suliaqarneq
• Oqartussaaffiit akimorlugit tusarniaanernik ataqatigiissaarineq
• Inatsisinik, nalunaarutinik maleruaqqusanillu suliaqarneq iluarsaassinerlu
• Kommuninut suliffeqarfinnullu ilitsersuineq Siulersuisunut Naalakkersuisumullu atortussanut pitsaassutsinik qulakkerinninneq
• Ajornanngippat pilersaarusiornermi sulisunik aqutsineq, suliatigut piginnaasatit apeqqutaallutik

Immikkoortortaqarfimmi sulisut qanimut suleqatigissavatit aamma avatangiisinut suliassaqarfiit akornanni suliassaqartarsinnaassallutit.

Ilinnut tunngasut

Naatsorsuutigaarput:

• Ilinniagartuutut ingerlaqqiffiusumik ilinniarsimassasutit imaluunniit suliatigut attuumassutilimmik allamik tunuliaqutaqassasutit.
• Ajornanngippat avatangiisinut suliassaqarfimmi ataatsimi imaluunniit arlalinnit misilittagaqassasutit soqutigisaqassasutillu
• Kalaallisut, qallunaatut tuluttullu – allattariarsornikkut oqalunnikkullu – attaveqarsinnaalluassasutit. Inuiaqatigiinnut kalaallinut kulturianullu ilisimasaqartuunissat imaluunniit soqutigisaqassasutit aamma kulturit assigiinngitsut sumiissisersiorsinnaassagitit.

Neqeroorutigaarput

• Atorfik tamatigoortoq inuiaqatigiinnullu pingaarutilerujussuaq
• Suleqatigiit pikkorissut oqaloqatigiuminartullu
• Kalaallit Nunaanni aamma nunani tamalaani avatangiisinut politikki pillugu suliaqarnissamut periarfissaqartitsisoq
• Suliffik atugarissaarnissamik, sulianik ineriartortitsinissamik akisussaaffeqarnermullu pingaartitsisoq
• Ersarissumik ilitsersuussineq sulianillu avitseqatigiinneq

Uatsinnut tunngasut
Pinngortitamut Avatangiisinullu Naalakkersuisoqarfik 40-t missaannik sulisoqarpoq taakkunanilu immikkoortortaqarfiit assigiinngitsuullutik, tamatumani Pinngortitamut immikkoortortaqarfik, Silap Pissusia pillugu immikkoortortaqarfik, Avatangiisinut Upalungaarsimanermullu immikkoortortaqarfik kiisalu Sullissinermut, Aningaasaqarnermut Sulisoqarnermullu immikkoortortaqarfik. Naalakkersuisoqarfiup ataani Aatsitassanik Suliassaqarfinnut Avatangiisinut Aqutsisoqarfik, Pinngortitaleriffik aamma Asiaq immikkoortortaqarfiupput. Angusaqarluarniartuuvugut piumassuseqarluarlutalu – assigiinngissutsittalu nukittorsaatiginera upperaarput. 

Paasisaqarnerorusuppit?
Immikkoortortaqarfimmi pisortaq Githa M. Olsen attavigiuk oqa. +299 34 64 57 imaluunniit e-mail: gibo@nanoq.gl.
Atorfinitsitsiniarnermut oqaloqatiginninnerit ingerlaavartumik ingerlanneqassapput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.