Angerlarsimaffik Ivaneq Isumaginninnermik ikiortinik atorfinittussanik sulisussarsiorpoq

Sulilerfissaq: 1 november 2025, imaluunniit isumaqatigiissuteqarnikkut atorfininneq ingerlanneqarsinnaalluni.

Angerlarsimaffik Ivaneq Namminersorlutik Oqartussanit pigineqarpoq aamma aaqqissuussaaneq naapertorlugu Isumaginninnermut Aqutsisoqarfiup ataani inissisimavoq.

Inissat amerlassusaat aamma immikkoortortaqarfiit
Imikkoortortanut arfinilinnut agguataarsimasunut 34-inut inissaqarpoq. Ukioqatigiiaat 0-17 inut ukiulinnut inissisimavoq. 

Siunertaq
Toqqissisimanartumik, angerlarsimaffippalaartumik aaqqissuussaasumillu avatangiiseqarluni patajaatsunik inissaqartitsisunillu inersimasortaqarluni meeqqat ilorrisimaarlutik ineriartorlutik ilinniartinneqarnerinik akisussaaffilinnik siunertaqarnissaq Ivaneq-rup neqeroorutigissallugu siunertaraa. Meeqqat inuit ataatsimoornerini takuneqarlutillu tusaaneqarnertik malugissavaat. Meeqqat inuit attaveqarfigisarnerini assigiinngitsunilu ataatsimoortarnerini attaveqartariaatsit ilinniarnissaat aamma siunertaapput pingaarutillit, paaqqinnittarfimmi inuuneq, atuartuuneq, sunngiffimmi inuuneq aamma ikinnguteqarneq ilinniagassaanut pingaartunut aamma ilaapput. Meeqqap angajoqqaaminnut imaluunniit qanigisaminnut allanut attaveqarsinnaatitaaneri najorteqarsinnaatitaanerilu Ivaneq-rup tapersersussallugit pingaartitarai. Meeqqat ulluinnarni suliassanik unamminartunillu ilinniartinneqarnissaat aamma siunertaavoq, taamaalillutik siunissami paaqqinnittarfimmiikkunnaarunik nammineerlutik inuuneqarlutik akisussaaffimmik tigusisinnaanngortillugit sungiusarneqassapput.

Inummik perorsaariaaseq
Ivaneq-rmi akuersaarluni, attaveqartarluni attaveqaqatigiittarlunilu tunngaviusumik perorsaasoqartarpoq. Inunnik allanik naapitsisarluni inooqateqarlunilu meeraq imminut paasiartulertarpoq, imminut naleqartikkiartulersarpoq aamma imminut tatigiartulertarpoq, soorlu aamma inuit allat inooqatigalugit meeqqap akuersineq tigooqqarlugulu tunniussornissaanut ilinniartartoq. Patajaatsunik akuutitsisunik akuersaartunillu inersimasunit tunngaviusumik attaveqartarluni meeraq ilorrisimaarluni inuulertarpoq namminerlu piginnaasami misilerarsinnaalersarpai. Perorsaasup pingaarnerup pingaarnerullu tulliata meeraq toqqissisimanartumik isumannaatsumillu talerarnissaanut inissisimaffiit tigummisarpai. Ivaneq-rmi sullissinermi suleqatigiinnermilu oqaatsit pingaarit allat tassaapput akuersaarneq, peqqissaarneq, akisussaassuseq aamma suliaq aallaavigalugu sullissineq.

Isumaginninnermut Aqutsisoqarfiup kommuninillu suleqatiginerisa saniatigut suleqatigisartakkat
Ivaneq-rup najukkami atuarfiit, peqqinnissaqarfik politiillu pitsaasumik suleqatigissallugit pingaartitarai. Tarnip pissusaanik immikkut ilisimasallit suliffeqarfiup avataaneersut atuartitsisartut aamma oqaloqatigiinneq atorlugu imaajaasartut suleqatigineqartarput.
 Immikkut ittumik neqeroorutit/ atugassarititaasut
Ivaneq inunnik persorsaanermini pinngortitaq akuttunngitsumik atortarpaa, imaatigut angalaarneq illuaqqaniinnerlu matumani ilanngullugit atortarlugit.
Isumaginninnermut ikiorti Akisussaafiit- piginnaasallu

• Isumaginninnermi ikiorti qaninnertut suleqatigissavaa immikkoortortami aqutsisoq

Isumaginninnermi ikiortip suliassarai:

• Immikkoortortami ataatsimiinnermi isumaqatigiissutit malillugit, aamma immikkoortortap aqutsisuata perorsaanikkut suleriusissanik maleruaqqusaai malillugit sulisarnissaq.
• Suleqatit peqatigalugit meeqqat ukiui aammalu piginnaasaai malillugit alaatsinaattarnissaq, aamma meeqqat najugaqatut isumassorlugit toqqissisimasumik angerlarsimaffeqartinnissat qulakkeeqataaffigalugu paaqqutarinissaat.
• Suliffimmi immikkoortortami, immikoortortani allani, immikkoortortami aqutsisoq, aqutsisoqarfimmiillu suleqatit tamarmik pitsaasumik tatiginartumillu suleqatiginissaat.
• Alaatsinaannikkut aamma eqqarsaatigilluakkamik perorsaanikkut ineriartortitseqataanikkut, meeqqanut suleqatinullu aamma najugaqartut suleqatillu immikkortortani allaniittut ilanngullugit ingerlatitsisarnissaq.
• Eqeersimaartumik sulifeqarsimmi ineriartortitseqataasumi suleqataanissaq immikkoortortami immikkoortortallu allani. 
• Aqutsisut qanimut suleqatigalugit sammisamut ilisimasanillu, suliap pitsaasumik naammassinissaanut periarfissarsiorluni naammassinninniarsinnaanissaq.
• Suleqatit, aqutsisullu suleqatigalugit suliffeqarfiup iluani suliassat sinaakkutit malillugit sulineq, aammalu najugaqartut kommuneqarfigisaanut maleruagassat malillugit angallassisinnaanissaq, tamatuttaarli angalalluni asiartitsilluni projekterluni sulisinnaanissaq.

 – Sulinermi piumasaqaataavoq supervisioninut-ilinniartitsissutigineqartunut pikkorissarnernullu assigisaanut peqataasarnissaq.

Ilinnut tunngasoq

• Isumaginninnermut ikiorti-tut ilinniarsimasoq
• Ilisimaarissagit najugaqartut inuunerannut akisussaaffigiligassannut isumaqartorujussuusinnaassagavit
• Sumiginnagaanerup kingunerisartagaannik kingunerluutigisinnaasartagaannilu ilisimasaqartuunissat
• Ullormut iluatsitat aallaavigalugit nuannaarutiginnissinnaaneq
• Aaqqiagiinngissutit iluarsinissaanut aqussinnaaneri
• Positiv-imik isiginnittaaseqarluni periarfissarsiortartoq aporfissarsiornerit atornagit
• Ilinniagaqaqqinnissamik ineriartornissamillu ammasoq
• Kalaallisut qallunaatullu oqalussinnaasoq (tamannali piumasaqaataanngilaq)

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.