Inuussuttunik sullissineq nuannarisaraajuk – aamma inuusuttut amerlanerit ilinniarnertuutut ilinniakkaminnik naammassinninnissaat peqataaffigerusuppiuk? Taava imaassinnaavoq illit tassaasutit suleqatissatut ujartugarput.

Qeqqani Ilinniarnertunngorniarfik/GUX Nuuk 1. septembari 2025 aallarnerfigalugu imaluunniit isumaqatigiissuteqarnikkut atuartunik  siunnersuisartutut atorfik piffissaq tamaat suliffiusoq inuttassarsiorneqarpoq. Atorfik piffissami killilimmi atuuttussaavoq 30. septembari 2026 tikillugu.
 
GUX Nuuk tassaavoq Kalaallit Nunaanni ilinniarnertuunngorniarfiit anginersaat ukiumi atuarfiusumi nutaami atuartut 500 missaanniissapput, ukiumut atuaqatigiinni pingasuusuni ilinniakkat arfineq pingasuullutik, ilinniartitsisut 50 missaanniipput kiisalu PAM-it 15-it missaanniillutik. Atuartuutivut ilinniarnermini aamma inuttut atugassarititaasutigut assigiinngitsunik tunngaveqarput, kisianni takorluugaat ataasiuvoq tassa ilinniarnertuunngorusunneq.

Atuarfimmut atasumik marlunnik kollegiaqarpoq aamma ilinniarnertuunngorniartut aggerfiat tassaapput  kangiani Tasiilamiit kitaani kujammut Paamiunut, taamaattorli atuartut amerlanersaat Nuummeersuupput. Atuarfimmi sulinitsinni tunngaviuvoq marluinnik oqaaseqartunut pædagogik aamma atuartitsineq kulturimik tunngaveqartoq, kiisalu atuartut atuarfiup ingerlaneranut qitiutinneqarlutik.

GUX Nuummi atuartut iluarisimaarinninnissaat annertuumik sulissutigaarput, inuttut, inuuniarnikkut aamma ilinniarnissamut. Atuartut tamarmik ukiup atuarfiusup ingerlanerani arlaleriarlutik iluarisimaarinninneq pillugu ilinniartunik siunnersuisartumik oqaloqatiginninnissaminnut neqeroorfigineqartarput. Atuartunik siunnersuisartutut ilinniarnertuunngorniarfimmi aqutsisut, atuartunik siunnersuisartut allat marluk, inunnik isumaginnittutut kollegiani sulisut aamma siunnersortit qanimut suleqatigissavatit. Suleqatigiit suleqatigiiaanut ilaapput, tassani qitiutinneqarput atuartut iluarisimaarinninnissaat aamma atuarunnaannginnissaat, ingammik sammineqarlutik atuartut ilinniarnertuunngorniarnerminnik naammassinninnissamut immikkut tapersersorneqarnissaminnut pisariaqartitsisut.

Suliassat tassaapput:

• Atuarfimmi aqutsisut, kollegiani inunnik isumaginninnermik suliaqartut, atuartunik siunnersuisartut sinneri, psykoterapeut, ingerlalluarnissamik siunnersuisartut aamma sulisut allat ulluinnarni qanimut suleqatiginissaat
• Atuarfimmi atuartunik aalajangersimasunik iluarisimaarinninneq pillugu oqaloqateqartarneq, kiisalu atuartunik allanik oqaloqateqartarneq taakkua pisariaqartitsinerat naapertorlugu
• Atuartut atuariartunngitsoortarnerannik nakkutiginninneq kiisalu tamanna tunngavigalugu piviusumik iliuuseqartarneq atuarfimmi rektori suleqatigalugu
• Ajornartoornermi upalungaarsimaneq.

Uagut naatsorsuutigaarput:

• Tassa inunnik isumaginnittutut ilinniakkamik ingerlatsisimanermik, soorlu isumaginninnermik siunnersortitut, perorsaasutut, isumaginninnermi assistentitut imaluunniit isumaginninnermut ikiortitut ilinniagaqarsimasutit
• Tassa illit sulisut allat aamma aqutsisut qanimut suleqatigissallugit piareersimaffigigit, tassani qitiutippavut ulluinnarni unamminartunut tunngatillugu piviusumik iliuuseqartarnissarput
• Tassa illit eqaatsumik periuseqartutit, aalajaatsumik suliartortartutit aamma allanngortitsisarnernut piareersimallutit
• Tassa illit piareersimaffigigit piffissap ingerlanerani ulapissinnaaneq naammagisimaarinninneq pillugu amerlasuunik oqaloqateqartarnissamut
• Tassa illit piareersimaffigigit atuartut akiuussinnaanermut (resiliens/ajornartorsiutinik qaangiisinnaaneq), inuit akornanniinnissamut piginnaasat aamma inuit allat peqatigalugit imminut paasisinnaanermut piginnaasaqalernissamut
• Tassa illit periareersimaffigigit atuartunik sullissinissaq, taakkua pisariaqartissinnaavaat pædagogiskiusumik ersersitsisoqarnissaa, killiussat aalajangersimasut aamma inersimasumik toqqissisimasumik tulaffeqarnissaq
• Tassa illit piareersimaffigigit ataatsimooqatigiinneq, ataqqeqatigiinneq, akisussaaqatigiinneq aamma suliatigut pikkoriffeqarneq, tamakkua atuartunik oqaloqatiginnittarnerni ingerlateqqissallugit – aamma GUX-imi naleqartitat ilaattut.

Uagut neqeroorutigaavut:

• Ilinniarnertuunngorniarfik, tassani atuartut aamma taakkua iluarisimaarinninnissaat qitiutinneqarluni
• Atuarfik suli ineriartorfiusoq tassani qitiutinneqarlutik ilinniakkat – taamatuttaarlu nalinginnaasunik ileqqorinnissamik ilisimasaqartariaqarneq
• Atorfimmi suliassat ineriartortinnissaannut annertuumik sunniuteqarnissamut periarfissat
• Suliffeqarfimmi namminermi aamma avataani ilitsersorneqartarneq (supervision)

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qaammatit pingasut misilitsiffiupput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Periuseq
Paasissutissat sukumiinerusut Ilinniartitaanermut Aqutsisoq Maureen Hendrikximut telefon + 299 256102-mut imaluunniit rektorimut Hanne Larsenimut telefon +299 363396-imut saaffiginninnikkut pissarsiarineqarsinnaapput.

Oqaloqateqartarnerit ingerlaavartumik ingerlanneqassapput.

Qinnuteqaatit nassiuguk CV-t aamma soraarummeernermut uppernarsaatit ilanngullugit portali aqqutigalugu 27. juuni 2025, nalunaaqutaq 12.00

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.