Kukkunersiuinermik misilittagaqarpit, allattarissatigut attaveqarnermut piginnaasaqartoq suleqatigiinnut ikittunnguanut piumassuseqarluartunut ilaalerusuppit? Taava immaqa illit tassa Naalaakkersuisut Kukkunersiuisoqarfianni suleqatissarput nutaaq.
Naalakkersuisut Kukkunersiuisoqarfiata kukkunersiuisut avataaneersut suleqatigalugit Namminersorlutik Oqartussani kukkunersiuisarneq  akisussaaffigai. Qanimut suleqatigiippugut, persuarsiunngitsumik oqaluttariaaseqarpugut suliamullu tunngasut, pitsaassuseq akisussaassuseqarnerlu pingaartillugit.

Atorfik pillugu
Naalaakkersuisut Kukkunersiuisoqarfianni siunnersortitut kukkunersiuinermik, siunnersuinermik suliaqarnermi aamma suliffiup iluani suliat ingerlasarnerannik ineriartortitsinermut qitiusumik inissisimassaatit. Namminersorlutit suleqatigiinnilu sulisariaqartassaatit, ilaatigullu suliassavit ilagissavai:

• Namminersorlutik Oqartussani immikkoortortanik kukkunersiuisarneq
• Kukkunersiuinermi nalunaarusianik suliaqarneq
• Naatsorsuusiornermut ilitsersuutit akuersissutigineri, matumani ilanngullugit illup iluani pisattat allassiffiat il.il.
• Namminersorlutik Oqartussani immikkoortortanik siunnersuineq
• Kukkunersiuinermut pisortaq suleqatigalugu kukkunersiuinermi nalunaarusiornermilu suliat ingerlasarnerisa ineriartorteqqinneri nunani tamalaani kukkunersiuinermi malitassat sammillugit

Kukkunersiuinernut atatillugu angalasoqartarsinnaavoq.

Illit piginnaasatit
Naatsorsuutigaarput:

• Naleqquttumik suliamut tunngatillugu ilinniagaqarsimassasutit, ajornanngippat cand.merc.aud.
• Kukkunersiuinermik minnerpaamik ukiunik sisamanik misilittagaqarneq
• Kukkunersiuinermi malittarisassanik misilittagalik
• Allannermi ersarissumik eqqortumillu oqaasertaliullaqqissoq  

Inuttut piginnaasassatit
Illit makkunannga piginnaasaqarnissat pingaartipparput:

• Suleqatigiinni sulinermik nuannarisalik
• Nammineq sulisinnaasoq, ataqatigiissumik aaqqissuussamik aaqqissuussamillu
• Akisussaassusermik, pitsaassutimik suliamillu qaffasissumik pitsaassuseqartumik ukkassisoq
• Ilakkuminartoq, saaffigiuminartoq suleqateqarusuttorlu
• Kalaallini inuiaqatigiinni pissutsinik ilisimasaqartutit
• Marluinnik oqaasiliusinnaavutit

Qinnuteqartoq tulluuttunik piginnaaneqartoq naammattumillu misilittagalik, piviusumik  naliliineq tunngavigalugu immikkut siunnersortitut atorfininnermik neqeroorfigineqarsinnaavoq.

Uagut pilluta
Naalaakkersuisut kukkunersiuisoqarfiat aaqqissussaanikkut Aningaasaqarnermut- aammalu Sulisoqarnermut Aqutsisoqarfimmi Aningaasaqarnermut Naalakkersuisoqarfiup ataani inissisimavoq aqutsisoqarfiullu pisortaanut nalunaartartussaalluni.
Immikkoortortaqarfimmi persuarsiortuunngilagut nammineerluta sulinitta saniatigut suleqatigiittorujussuusarpugut.

Paasissutissat sukumiinerusut:
Atorfik pillugu sukumiisumik paasisaqarusukkuit Kukkunersiuinermi pisortaq Lea Serwin oqarasuaatikkut +299 34 64 39-imut mailikkulluunniit lese@nanoq.gl -imut attaviginissaanut tikilluaqqusaavutit.

Atorfinittoqassaaq septemberip aallaqqaataani 2026 imaluunniit erseqqinnerusumik isumaqatigiissuteqarnikkut. Qinnuteqarnissamut killissarititaq tassaavoq ulloq 13. juli 2026. Oqaloqatigiinnerit sapaatit akunneranni 29-mi ingerlanneqarnissaat naatsorsuutigineqarpoq imaluunniit erseqqinnerusumik isumaqatigiissuteqarnikkut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.