Projektinik aalajangersimasunik suliaqarusuppit?

Pissusitoqqavit suleriuseriuaannakkavillu unammillerneqarnissaannut sapiutinngilatit?

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik akademikerimik ataqatigiissaarinermik, sulianik ingerlatsinermik projektinik aalajangersimasunik sulianik ingerlatserusuttumik ujaasivoq.

Illit ujarpatsigit suliaqarfimmut nutaamut pulalluni ilinniartitaanerup, kulturilerinerup, timersornilerinerup ilageeqarnilerinerullu iluani politikkikkut pingaartitanik suliaqarfiusumi ataqatigiissaaraluni inissisimarusuttoq.

Naalakkersuisoqarfimmi qitiusumik inissisimanivit ulluinnatit unammillernartuutissavai, taamaalillutit killissarisartakkatit inittorsarneqassallutik akademikeritullu sakkussatit aamma amerlisarneqassallutik.

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Naalakkersuisoqarfimmi suleriuseraarput sulisut tamarmik aaqqissuussaanerup suleriutsillu pitsanngorsarnissaannut nutaamik eqqarsaatigeqqinneranut tunniussaqarnissaannik periarfississallugit. Immikkoortortaqarfinnut tallimanut aggulugaavugut; Aqutsisut allattoqarfiat, Inatsisilerinermut Immikkoortortaqarfik, Kultureqarnermut, Timersornermut Ilageeqarnermullu Immikkoortortaqarfik, Ilinniartitaanermut Immikkoortortaqarfik, aammalu Aningaasaqarnermut Ilinniartunillu Sullissinermut Immikkoortortaqarfik.

Ilinniartitaanermut, kultureqarnermut, timersonermut ilageeqarnermullu aningaasanut inatsimmi aningaasaliissutit Aningaasaqarnermut Ilinniartunilllu Sullissinermut Immikkoortortaqarfimmit qitiusumik ataqatigiissarneqartarput. Tassanilu illit aalajangersimasunik projektinik ingerlataqarneq suliassannut ilaajumaarput.

Atorfimmut tunngasut
Aningaasaqarnermut Ilinniartunillu Sullissinermut Immikkoortortaqarfimmi akademikeritut projektit anginerit aalajangersimasut tamakkiisumik pilersaarusiornerullu iluani pingaarutilinnik ineriartortitsinerit ataqatigiissaarnerilu akisussaaffigissavatit.

Aningaasanut inatsisip iluani suliassaqarfik 40-p ataani ilinniartitaanerup, kultureqarnerup, timersornerup ilageeqarnerullu iluani suleriutsinik pisariillisaanerit immikkoortortaqarfiup ukkatarai, taamaaliornikkut pitsanngorsaanerit naammassiigasuarsinnaanerillu pitsanngorsartuarumallugit, susassaqarfinnut qitiusunut, tassalu inuiaqatigiit ilinniarsimassusaasa qaffassarnerinut, kultureqarnerup nukittorsarnerinut, timersornikkut inuiaqatigiinni peqqinnerup qulakkeerniarneratigut, ilageeqarnerullu ataannarnissaanik suliat kinguneqarluartissinnaajumallugit.

Immikkoortortaqarfimmi suleqatit ilinniartitaanerup, kultureqarnerup, timersornerup ilageeqarnerullu iluani aningaasanut inatsisip ataani ingerlatsiveqarfinnut attaveqartartut qanimut suleqatigissavatit.

Suliassatit makkuninnga ilaqassapput:

• Ilinniartitaanerup, kultureqarnerup, timersornerup ilageeqarnerullu iluani aningaasaqarnikkut pingaarnersiuinerup ataqatigiissaarinerullu nukittorsarneranut tapersersuineq
• Aningaasaqarnermut Ilinniartunillu Sullissinermut Immikkoortortaqarfiup Pisortaata pilersaarusiornerani projektillu pingaartinneqartut suliarinerini ingerlaasiinilu tapersersuineq, taakkulu siuariartornissaannik qulakkeerinninneq
• Aningaasanut inatsimmi suliassaqarfik 40-p ataani ingerlatsiviit tamakkerlugit ingerlariutsinut paasinninnerulernissaannik ingerlariutsillu oqilisaaviginissaannik oqaleqateqartarnerit
• Immikkoortortaqarfiup Naalakkersuisoqarfinnik allanik ingerlatsiveqarfinnillu akisussaaffigisanik suliassaqarfiit akimorlugit politikkikkut suliniutinik sulianillu ataqatigiissaarineranik nukittorsaaneq.
• Immikoortortaqarfiup akisussaaffigisaasa iluani Immikkoortunut periusissiornerit

Immikkoortortaqarfik aalajangersimasunik projektinik anginerumaanik massakkut ingerlataqarpoq; ilinniartut ineqarfiinik aqutsinermut systemi nutaaq, aammalu ilinniartunut sullississut systemi nutaaq, suliassat ilagissallugu kravspecifikationiliornerit udbudsmaterialinillu ataqatigiissaarinerit.

Nammineerlutit akisussaaffimmik tigusinissat, immikkoortortaqarfimmullu uummaarissumik tunniussillutit immikkoortortaqarfiup qitiusumik ingerlatsiveqarfinni ineriartortuarnissaannik qulakkeerinninneranut tunniussaqarumaarnerit naatsorsuutigaarput.

Aningaasaqarnermut Ilinniartunillu Sullissinermut Immikkoortortaqarfiup Pisortaata pisortarissavat.

Ilinnut tunngasut
Illit ujarpatsigit strategiskimik politikkimillu paasinnissinnaasoq. Naatsorsuutigaarput assingusumik immikkuullarissumik taamatut suleriuseqarneq pikkoriffigingaatsiarit imaluunniit ukiualuit misilittagaqarfigereerit. Naatsorsuutigaarput qulaaniit isiginnillaqqissuusutit, taamatuttaarlu sulianik nammineerlutit aqutsillutillu ataqatigiissaarisinnaasutit, eqqumaffigalugit anguniakkat, piffissaliussat isumalluutinillu atuinerit.

Aalajangersimasumik ilinnut takorluugarput tassaavoq, illit:

• Tulluuttumik akademikeritut ilinniagaqartutit, soorlu cand.scient.adm., cand.scient.oecon. imaluunniit assingusumik erhvervsøkonomiimi imaluunniit inuiaqatigiilerinermi qaffasissumik ingerlariaqqiffiusumik ilinniagaqartutit
• Namminersorlutik Oqartussani kommuneniluunniit assingusumik akisussaaffeqarfinni misilittagaqartutit
• Sukuiaallaqqissuusutit aningaasaqarnerullu iluani naatsorsueqqissaarnernik suliaqallaqqissuusutit
• Sulianut pikkoriffigisaqarluni suleqatigiinnernut tatigeqatigiiffiusunut ineriartorfiusunullu ukkataqartuusutit
• Atassuteqaatinik ingerlalluartunik pilersitsisinnaasutit, aammalu illup iluani illullu avataani soqutigisaqaqatigiinni suleqatigeeriutsinut pitsaasumik periuseqartartuusutit
• Ersarissuliullaqqissoq, suliassannullu erseqqissumik suleriusissiortartoq, takorusussinnaavarpullu suleqatinnut taamaatut pissuseqarfiginnittartuusutit aamma

Naatsorsuutigaarput Kalaallit Nunaat TAMAKKERLUGU pissutsinut ilisimasaqarluartuullutillu nalunngisaqarluartuusutit. Takorusussinnaavarput iliuuseqarusuttartuusutit, taamatuttaarlu kalaallisut, nordiskisut tuluttullu oqaatsitigut piginnaasaqarluartuusutit.

Paasissutissat allat
Atorfik pillugu apeqqutissaqaruit Afdelingschef for Økonomi & Studieservice Ilannguaq K. Møller attavigisinnaavat ugguuna; telefon 34 56 84 imaluunniit mailikkut ILMO@nanoq.gl

Aningaasarsiat atorfininnermilu atugassarititat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Toqqagassamut tulluussarluarsimasumut ukiuni arlalinni misilittagalimmut, immikkullu nalilersuereernerup kingorna, atorfininneq specialkonsulentit atugassarititaat aallaavigalugu pisinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq.

Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.