GUX Nuummi piffissaq tamakkerlugu suliffiusussanik inuttaqanngitsunik aggustip aallaqqaataani 2026-mi imaluunniit isumaqatigiissuteqarnikkut atorfinitsinneqartussanik ilinniartitsisussarsiorpoq. Atorfiit aalajangersimasuupput, kisianni ataasiakkaat isumaqatigiissuteqarnikkut piffissami killeqartumi inuttalerneqarsinnaapput. Ilinniartitsisunngortussaq faginik marlunnik imaluunniit amerlanerusunik kajungerineqarnerupput, fagillu tulliuttut immikkut soqutiginartinneqarput (ajornanngippat ilinniarnertuunngorniarfiup fagit allat atuartitsissutigisartagai ilanngullugit): Assilialiorluni eqqumiitsuliorneq, biologi, danskisut, tuluttut, fysik, kalaallisut, timersorneq, kemi, matematik, nipilersorneq, upperisarsiorneq, inuiaqatigiilerineq aamma science.

GUX Nuuk Kalaallit Nunaanni ilinniarnertuunngorniarfiit annersaraat ukiumilu atuarfiusumi nutaami atuartut 500-t missaanniipput ingerlavinni arfineq-marlunni ukiuni pingasuni atuartussat ilinniartitsisunit 55-it miss. atuartinneqartussaapput. Takkua saniatigut atuarfimmi PAM-it 15-it missaanniittut sulipput. Atuartuutivut fagitigut aamma inuttut inuuniarnikkut assigiinngilluinnartunik tunngaveqartuupput, kisianni ataatsimut takorluugaraat ilinniarnertuunngornissaq. 
Kollegiat marluk atuarfimmut atapput, atuartut amerlanerit Kommuneqarfik Sermersuumeersuupput, kangiani Tasiilamit kitaani kujammut Paamiunit aggersuullutik.
Atuarfimmi oqaatsit marluk atorlugit pædagogik ingerlapparput aamma kulturi tunngavigalugu atuartitsisarluta,  aamma atuartut ilinniagassatik atuarfimmi suliarisinnaavaat, atuartullu atuarfiup atuartitsinerani qitiutittarlutigik.
Ilinniartitsisunik aallussilluartunik, allanngortitsinissamut sillimasunik ulluinnarnilu atuartitsinermi eqqissisimasumik pissuseqarsinnaasut tamanullu malinnaasinnaasunik sulisussarsiorpugut. 
Naatsorsuutigaarput:

• Kandidatitut imaluunniit tamatuma assinganik qaffasissusilimmik ilinniagaqartuusutit
• Pædagogiskiusumik aamma atuartitsinermut tunngasunut ineriartortitsinermi suliaqarnissamut illit peqataalluarsinnaasuusutit
• Allanngortitsisoqarnermut aamma qanimut suleqataanissamut piareersimasuusutit suleqatinnillu aqutsisunillu ammasumik oqaloqatiginnissinnaasutit, tassuunakkut ulluinnarni unamminartunut iliuuseqarnissamik qitiutitsisuulluta
• Pikkorissumik aamma inoqatinnik akuersaarpaluttumik periuseqartuusutit, atuartut imaluunniit suleqatit pineqarpata
• Illit atuartitsinerit atuartunik suliaqarusutsitsinermik kinguneqarnissaa, assigiiaarnissaa aamma peqataatitsinermik kinguneqarnissaa
• Illit malunnartumik klassimi atuartunik aqutsisinnaanermik ingerlatsisinnaasutit
• Iluaqutaassaaq pædagogikumimik aamma atuartitsinermik misilittagaqartuunerit, kisianni tamanna piumasaqaataanngilaq.

Neqeroorutigaavut:

• Ilinniarnertuunngorniarfik issittumi illoqarfiup pingaarnersaanniittoq, tamaani pinngortitaq aamma illoqarfimmi inuuneq qitiutinneqartumi
• Atuartitsinermik avatangiisit, tamaani atuartunik inooqateqarneq attaveqaqatigiinnermik pilersitsinermik, allanik peqataatitsisinnaanermik aamma pisussaaffinnik sunnerneqarsimasoq
• Ilinniarnertuunngorniarfik suliatigut ineriartortitsiuartoq suleqatigiinnilu ataatsimuussusermik misigisaqarfiulluartoq
• Suliffimmi ilitsersorneqarnissaq, suleqatigisanik aamma aqutsisunit isumasioqatigiissinnaaneq qanittuararsuupput
• Pikkorissartitsinermik aqutsisut ilitsersuisullu misilittagallit ilinniartitsisoralugit ilitsersuinertalimmik pædagogikumimik ilinniarnissamut periarfissaqarneq
• Sulinermi ilisarititsinermik (onboarding) ingerlatsineq aggustip aallartinnerani suleqatinut nutaanut tamanut ingerlataqassaagut.

Tooruk GUX Nuuk sukumiinerusumik paasisaqarnissamut aamma ilinniarnertuunngorniarfiup, illoqarfiup aamma avatangiisit qanittut periarfissaqartitsinerat neqeroorutaallu paasiniarlugit.
Aammattaaq linki tulliuttoq tooruk: Iserasuaat atuarnermi sammiviit, fagit, atuartitsineq, atuartitsinermut pilersaarutit aamma allarpassuit pillugit paasissutissat pissarsiarinissaannut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inissaqartitsineq 
Maannakkorpiaq nalorninarpoq atorfinnut tamanut atorfimmut atatillugu inissamik innersuussisoqarsinnaanera. Imaassinnaavoq inissat ikittuinnaanissaat aamma ilimagisariaqarpoq utaqqiisaasumik ineqartitsisoqarnissaa, tamatumunnga ilanngullugit ataatsimoorluni inissiat anginngitsut  imaluunniit inissiat akunnittarfinnut atasut. Qinnuteqaateqartut nammineq ineqarnissamut periarfissaqarunik, tamanna atorfininnissamut oqaloqatigiinnermut atatillugu inussiarnersumik ilisimatitsissutigeqquarput.

Imaappat Ilinniartitaanermut Naalakkersuisoqarfimmit  atorfimmut atatillugu inigisassanik innersuussilluni, malittarisassat imaapput: Atorfimmut atatillugu inigisassamik pequsersorneqanngitsumik, maleruaqqusat qaqugukkulluunniit atuuttut tunngavigalugit, innersuussisoqassaaq. Inissiamik kommunimit imaluunniit Namminersorlutik Oqartussat pigineqartumik atorfeqartitaanermut atatillugu inunnut ineqartinneqareersunut innersuussisoqarsinnaanngilaq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput.  Atorfimmut atatillugu inissaqartitsineq atorfeqarnermut tunngavoq atorfeqartitaanerullu taamaatinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Atorfeqartitaanermut atatillugu imaluunniit utaqqiisaagallartumik ineqarfiusumik angisuunik uumasuuteqarsinnaaneq, soorlu qimmimik imaluunniit qitsummik uumasuuteqarnissaq periarfissaqartinneqanngilaq.

Periuseq
Paasissutissat sukumiinerusut pissarsiarineqarsinnaapput atuartitsinermi aqutsisoq Maureen Hendrikx telefonnr.: +299 256102 imaluunniit rektori Hanne Larsenimut telefonnr.: +299 363396 saaffiginerisigut.

Qinnuteqaatit ingerlaavartumik misissorneqartassapput, soorlu aamma qinnuteqartunik oqaloqatiginnittarnerit ingerlaavartumik pisassasut kingusinnerpaamik sap. ak. 20-mi. 
Qinnuteqaatit CV-t aamma soraarummeernermut uppernarsaatit ilanngullugit portal aqqutigalugu kingusinnerpaamik pingasunngornermi maajip 25 2026 nassiunneqassapput.  

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.