Naalakkersuinikkut ingerlatsinermut immikkoortortamut nutaamut pilersinneqaqqammertumut sunniuteqarusuppit? Politikikkut aalajangiisarnerit ingerlasarneri qanilluinnarlugit sulineq kajumigaajuk aamma suliat ingerlanerinut, ataqatigiissaarinermut suleqateqarnermullu piginnaaneqarluarpit? Naalakkersuisut Siulittaasuata Naalakkersuisoqarfia immikkoortortaqarfimmi pisortamik ataqatigiissaarinermik, siuariartornissamut politikkikkullu suliassanut pingaaruteqarluinnartunik naammassinninnissamut kiisalu suliffeqarfinnik Namminersorlutik Oqartussanik pigineqartunit akisussaaffeqartussamut sullarissumik sulisussarsiorpoq.

Naalakkersuisut Siulittaasuata Naalakkersuisoqarfia
Naalakkersuisut Siulittaasuata Naalakkersuisoqarfia qitiusumik ataqatigiissaariffiuvoq ingerlasunullu aqutsisuulluni, Naalakkersuisunik aamma qitiusumik aallaffeqarfimmik suleqatiginninnermut tunngaviusoq sapinngisamik pitsaanerpaamik Naalakkersuisut Siulittaasuannut qulakkeerniarlugu. Naalakkersuisut Siulittaasuata Naalakkersuisoqarfia Aqutsisunut Allattoqarfimmi Inatsisilerinermi immikkoortortaqarfimmilu inissisimavoq. Naalakkersuinikkut ingerlatsinermut Immikkoortortaqarfik pilersinneqaqqammersoq Aqutsisunut Allattoqarfimmiissaaq. Naalakkersuisut Siulittaasuata Naalakkersuisoqarfiani immikkoortortaqarfiit marluk pioreersut ataatsimoortillugit imikkoortortaqarfinngortinneqalerput. Naalakkersuisut ataqatigiissaarneqarneranut Allaffik Siulersuisunullu Ingerlatseqatigiiffinnullu Allattoqarfik.

Atorfik pillugu
Naalakkersuinikkut Ingerlatsinermi Immikkoortortaqarfimmi pisortatut Naalakkersuisut Naalakkersuisuni aamma Qitiusumik Allaffeqarfimmi naalakkersuinermik suliallit periusissiai immikkut ittumik inerisarlugillu aqunneqarnissaat aamma periusissiornissai, ilaatigut Naalakkersuisut sinnerlugit piginnittutut ulluinnarni isumaginnittutut akisussaaffeqarnikkut tapersussavatit.

Ataqatigiissaarinerup, siuariartornerup aamma politikikkut suliat pingaartinneqartut naammassineqarnissaasa qulakkeerneqarnissaat allallu suliniutit anginerusut ingerlatsinerillu politikimut atasut, aaqqissuussaaneq akimorlugu ingerlanneqartut aallaffiup annertuumik ukkatarai. Tamatuma saniatigut suliassaqarfiit akimorlugit politikikkut ineriartornernut allaffik ilapittuuteqassaaq.

Immikkoortortaqarfiup Naalakkersuisut pingaartumillu Naalakkersuisut Siulittaasua Namminersorlutik Oqartussat ingerlatseqatigiiffii piginnittutut suliaqarnerini tapersornissai sullinnissaallu akisussaaffigaa.

Suliassat naammassisinnaajumallugit naalakkersuisoqarfiit allat qanimut suleqatigisariaqassavatit. Taamaalillutit Naalakkersuisut tamarmik naalakkersuisoqarfinnit pisortat qanimut suleqatigalugit tapersersussavatit.

Suliassatit ilaatigut makkuussapput:

• Allaffik ingerlalluartoq kajumittunik suliamullu pikkorissunik sulisulik pilersissallugu.
• Suliani pingaartinneqartuni, ataqatigiissaarinerup, siuariartornerup nukittorsarnissaa siunertaralugu, Naalakkersuisut politikikkut oqaluuserisassaannut eqeersimaartumik pilersaarusiornikkullu tamakkiisumik isiginninneq pilersissallugu allanngutsaaliussallugulu.
• Naalakkersuisut politikkikkut suliaannik tapersissallugit.
• Naalakkersuisut aamma qitiusumik aallaffeqarfik akimorlugit pingaarnersiuineq ataqatigiissaarinerlu nukittunerusoq tapersersussallugu.
• Nalinginnaasumik ingerlanerup paasineqarnissaa pillugu kiisalu aaqqissuusseqqinnernik politikikkullu isumaqatigiissutinik suliaqarnermi naalakkersuisoqarfiit allat isumasioqatigisassallugit.
• Namminersorlutik Oqartussat ingerlatseqatigiiffiisa aqutsinermut allagaatissaanik atuutsitsilernissaq ataavartumillu nutarteriuarnissaq.
• Naalakkersuisut Siulittaasuata Naalakkersuisoqarfiani pisortaq suleqatigalugu Naalakkersuisut Namminersorlutillu Oqartussat piginneqataaffiini pissutsit pillugit siunnersuisassaatit.
• Naalakkersuisut Siulittaasuannut Naalakkersuisunullu Namminersorlutik Oqartussat piginneqataaffigisaat pillugit nalunaarusianik, saqqummiussassanik ilisimatitsissutinik il.il. suliarinnittoqarnissaanik qulakkeerinninnissaq.
• Namminersorlutik Oqartussat suliffeqarfiutaani ataatsimeersuartoqartarnissaanik tassungalu attuumassuteqartunik qulakkeerinninnissaq.
• Naalakkersuisut suliffeqarfiutigineqartullu akornanni oqallinnerit, isumasioqatigiinnerit ataatsimiinnerillu ataqatigiissaarnissaat.

Naalakkersuisut Siulittaasuata Naalakkersuisoqarfiata pisortaqatigiivinut ilanngutissaatit. Naatsorsuutigaarput, naalakkersuisoqarfiup aamma qitiusumik allaffeqarfiup tamarmiusup ineriartorteqqinnissaanut akisussaaffimmik tigusissasutit tunniussaqarlutillu. Naalakkersuisut Siulittaasuata Naalakkersuisoqarfiani pisortaa toqqaannartumik pisortaralugu attaveqassaatit.

Immikkoortortaqarfimmi piumassuseqarluartunik suliaminnullu pikkorissorsuarnik sulisulerlutit immikkoortortaqarfik pilersinneqaqqammersoq siuttuuffigissavat. Atorfimmi immikkut illuinnartumik pisortatsialattut ineriartornissamut periarfissiivoq, ilaatigut sulianik aqutsineq, ingerlatsinermi aqutsineq, sulisunik aqutsineq, pilersaarusiornikkut aqutsineq aallutaralugit.

Ilinnut tunngasut
Pilersaarusiornermut tunngasunik politikimullu paasinnittoq pissarsiariniarpatsigit. Suliffeqarfimmi politikkikkut aqunneqartumi pisortatut misilittagaqartuunissat politikkikkullu ilisimasaqarluarnissat naatsorsuutigaarput. Tamakkiisumik isiginnissinnaassuseqassasutit kiisalu sulianik aqutsinissamut ataqatigiissaarinissamullu anguniakkanut, pilersaarutinut isumalluutinullu tappiffeqartutit.

Aalajangersimasumik naatsorsuutigaatsigit:

• Inuiaqatigiilerinermi, aningaasaqarnermi imaluunniit inatsisilerinermi qaffasissumik ilinniarnertuujusutit (soorlu cand.scient.pol., cand.scient.adm., cand.scient.soc., cand.scient.oecon., cand.polit., cand.merc. cand.jur., imal. assingusuni).
• Immikkoortortaqarfiup suliassaqarfittut akisussaaffeqarfiini politikkikkut aqunneqartumi imal. Namminersorlutik Oqartussat ataani siornatigut misilittagaqarluarnissat.
• Misissueqqissaarinissamut piginnaasaqarluarneq.
• Suliassat assigiinngissitaartut ataatsikkut suliarisinnaagitit.
• Suliani ajornartorsiutit sukumiisut nassuiarsinnaassagitit.
• Sulisunnut suleqatigisannullu ersarittutit aamma erseqqissumik sammiveqartitsisutit.
• Suliamut tunngasunut ukkassilluartoq ataatsimoortumik sulinermut tatiginnittoq qaffasissumillu angusaqarluarniartoq.
• Atassuteqaatissanik iluamik ingerlasunik pilersitsisinnaasoq aamma suliffiup iluani avataanilu kingunissaqarluartumik suleqateqarsinnaasoq.

Iluatsitsilluarneqassappat angusanik piviusunngortunik pilersitsisariaqarputit. Taamaaliussaatit eqiingassuseqarnikkut paasisimannilluarnikkullu sulianik naammassinnissinnaanikkut.

Kalaallini inuiaqatigiinni pissutsinik ilisimasaqarluarnissat paasisimasaqarnissallu naatsorsuutigaarput. Kalaallisut danskisullu marlunnik oqaaseqaruit pitsaaqutaassaaq.

Naalakkersuisut qitiusumik allaffeqarfianni aqutsineq
Aqutsinermi qaffasissusilinni tamani ersarissumik piginnaasaqartumillu sulinermut annertuumik ukkassiffiusumi aaqqissugaanermut ilaalissaatit. Ersarissumik ilinnut naatsorsuuteqarpugut, aqutsinermi tunngavigisagut paasisassarsiorfigisinnaavatit. Pingaartipparput aqutsinermik suliaqarneq akimuilluta oqaloqatigiinnikkut, isumaliutiginninnikkut suleqatigiinnikkullu aqutsinermi suleriaaseq nukittorsarlugu.
 
Aningaasarsiaqartitaanermi atorfeqartitaanermilu atugassarititaasut
Atorfik akissarsiat sinaakkutaannut 38-mut massakkut akissaateqartinneqarpoq/ aalajangersimasumik akissaateqartinneqarpoq. Akissarsiat sinaakkutaannut 38-mi akissaatit immikkoortui aalajangersimasut ilanngullugit akissarsititsisoqartassaaq, 1. april 2022-mi qaammammut 59.906 koruuniupput ukiumullu 718.873.   

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq. Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Akissarsianut atorfeqartitaanermullu atugassarititaasut, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Inissaqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Paasissutissat allat
Atorfik pillugu apeqqutissaqaruit Christian Friis oqarasuaammut  34 51 66 imaluunniit mailikkut CFRI@nanoq.gl imaluunniit Pisortaq Simigaq Broberg oqarasuaammut 34 51 44 imaluunniit mailikkut SBRO@nanoq.gl attaveqarfigisinnaavat

Qinnuteqarneq 
Qinnuteqaatinni imminut ilisaritinnerit aamma soraarummeersimanermullu uppernarsaatit attuumassutillit kakkiunneqassapput. Qinnuteqarnissamut killigititaq tassaavoq ulloq 9. juli 2025 nal 12.00.

Atorfininnissat isumaqatigiissutigisinnaavarput periarfissaappallu ingerlaannaq atorfinissinnaavutit.
Oqaloqatigiinnerit sapaatip akunnerini 30 aamma 31 ingerlanneqarnissaat naatsorsuutigineqarput.

Qinnuteqaat, imminut ilisaritinneq, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.

e-mail-ikkut qinnuteqaatinik tigusineq ajorpugut.