Meeqqat Angerlarsimaffiat Ivaaraq Inuussutissalerinermi assistentimik ilinniarsimasumik pissarsiorpoq

Immikkoortoq:
Facebook Twitter LinkedIn E-mail Udskriv

Qinnuteqarnissamut piffissaliussaq:
septembarip 10.-at, 2025 12:00

Saaffigisassaq:
Inge Kolby Pedersen
+299 64 57 44

Atorfinitsitsinermi pissutsit:
Nal. atorfinitsitsineq

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Kiffartuussineq

Nunap immikkoortua:
Kommune Kujalleq

Naalakkersuisoqarfik:
Ivaaraq

Ineqarneq:
Inissiartaqartitsisoqanngippat, tulleriiaarinermut normulerlugu immersoruk 00.00.00-00.000-00

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Atorfimmik ammasuuteqarpugut 1. september 2025 atuutilertussamik isumaqatigiissuteqarnikkulluunniit.
Meeqqat angerlarsimaffiat Ivaaraq marlunnik immikkoortortaqarpoq, taakku immikkut illutaqarput 15-nullu inissaateqarlutik.
Ineqartuutitsinnut innarluuteqartunut nerisassiornermi inerisaanermi naleqqussaanermilu peqataanissannut soqutiginnippit, taava ataani allassimasut atuakkit.
Nerisassiornerup saniatigut suliassat ilaatigut makkuupput, immikkoortortaqarfimmi aqutsisoq forstanderilu peqatigalugit nerisaqarnissamut pilersaarummik pilersaarusioqataanissaq, tassani peqqinnissaq assigiinngisitaarinissarlu pingaartillugit. Illu suliffigiligassat pitsaasumik suleqatigiinnerup iluani ingerlasumut iserterumaarputit.
Nerisassiornerup saniatigut iggavimmi akisussaaffiit
•   Nerisassiornissamut pilersaarusiorneq
•   Nerisassanik piareersaaneq aaqqissuussinerlu
•   Iluarsaasineq erruinerlu
•   Iggaviup eqqiluitsuutinnissaa
•   Nioqqutissanik inniminniineq
•   Tallimanngornerit tamaasa allaffimmioq peqatigalugu nerisassaasivitsinni kisitsineq
Sapaatip akunneranut ataasiarluni sulisut ullaakkorsioqatigiittarput, igaffimmiorlu tamatumunnga iffiugaqartarpoq piareersaasarlunilu.
Suleqat kissaatigaarput;
•   Iggavimmik atortuinillu inerisaanissaminut piumassusilik
•   Namminersorluni sulinissaminik nuannarisaqartoq ineriartorfiusumilu piumassuseqartoq.
•   Suleqatigiinnerup pitsaasuutinnissaanut suleqataarusuttoq
Ivaaraq nutaarluinnarmik iggavittaarnikuuvoq augustimilu nutarterineq naammassineqassalluni.
Suliffik sapaatip akunneranut 40 tiimi suliffiuvoq, ullukkut weekendillu allortarlugit.
Qinnuteqarnermi ilinniarsimanermut uppernarsaat cv-lu forstander@ivaaraq.gl-mut nassiunneqassapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.