Nunamut Namminermut Immikkoortortaqarfik inatsisilerituussarsiorpoq

Immikkoortoq:
Facebook Twitter LinkedIn E-mail Udskriv

Qinnuteqarnissamut piffissaliussaq:
juulip 20.-at, 2026 12:00

Saaffigisassaq:
Aka Grønvold
+45 34 65 48

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Inatsisilerineq

Nunap immikkoortua:
Kommuneqarfik Sermersooq

Naalakkersuisoqarfik:
Departementet for Sociale Anliggender, Arbejdsmarked og Indenrigsanliggender
Imaneq 4

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Kalaallit Nunaanni kommunit, demokrati aamma qinersisarneq pillugit inatsisitigut sinaakkutinik ineriartortitseqataarusuppit?

Nunamut Namminermut Immikkoortortaqarfik inatsisinik ilisimatusartumik tunniusimasumik pissarsiorpoq, Kalaallit Nunaanni inatsisitigut inuiaqatigiinnilu apeqqutit pingaarnerpaat ilaannik suliaqarnissamik soqutigisalimmik.
Uatsinni politikkikkut aalajangiisarnernut qanittumik suleqataanissamut periarfissaqassaatit, kiisalu inatsisiliornermik, kommunit namminersornerannik demokratiikkullu ingerlatsivinnik ineriartortitseqataasinnaallutit.

Nunamut Namminermut Immikkoortortaqarfik pillugu
Nunamut Namminermut Immikkoortortaqarfik ilaatigut makkuninnga akisussaaffeqarpoq:

Kommunit aqunneqarnerat kommuninillu agguataarineq
Inatsisartut qinersinerat kommuninilu qinersinerit
Kommuninik nakkutilliineq
Qinersinermut Ataatsimiititaliaq, Qinigaasinnaassuseq pillugu Ataatsimiititaliaq aamma Nakkutilliisoqarfik
Aqqutissiuussinermut nalunaarsuineq aamma arsaarinnissuteqarneq
valg.gl-ip ingerlanneqarnera ineriartortinneqarneralu
Kommuninut pisortanilu oqartussaasunut aqutsinermut inatsisit pillugit siunnersuisarneq
Nunamut Namminermut tunngasutigut inatsisiliorneq

Suliassatit
Ilaatigut makkuninnga suliaqassaatit:

Inatsisartut inatsisaannik nalunaarutinillu suliarinninneq nutarterinerlu
Inatsisinik nassuiaaneq inatsisitigullu naliliinerit
Naalakkersuisumut, naalakkersuisoqarfinnut kommuninullu inatsisitigut siunnersuisarneq
Kommunit kommuninut inatsisiliat malinneraat nakkutiginissaat
Kommunit aqunneqarnerat, suliassani peqataasinnaaneq (habilitet) aamma qinersisinnaatitaaneq pillugit suliassat
Inatsisitigut allakkianik, aalajangiinissamut tunngavissianik tusarniaanermilu akissutinik suliaqarneq
Ataatsimiititalianut, siunnersuisoqatigiinnut aamma suleqatigiissitanut allattoqarfittut sullissineq
Qinersinernik ingerlatsinissamut kiisalu Kalaallit Nunaanni demokratiip ineriartortinneqarneranut tapersiineq

Piginnaasat
Inatsisinik ilisimatusartumik makkuninnga piginnaasalimmik pissarsiorpugut:

Cand.jur.-itut imaluunniit inatsisilerinermi bacheloritut ilinniarsimasoq
Aqutsinermut inatsisinik, kommuninut inatsisinik aamma qinersinermut inatsisiliornermik soqutigisalik
Aaqqissuussamik misissueqqissaartumillu suleriaasilik
Allattariarsornermi oqalunnermilu ersarissumik eqqortumillu saqqummiussisinnaasoq
Namminersorluni akisussaaffinnik annertuunik aammalu suliassanik pisariusunik suliaqarnermik nuannarisaqartoq

Nutaanik ilinniakkaminnik naammasserlaajusut kiisalu inatsisilerinermi bacheloritut ilinniarsimasut qinnuteqarnissamut kajumissaarneqarput.

Neqeroorutigaavut

Atorfik pissanganartoq inuiaqatigiinnut pingaaruteqartoq
Kommunit, Naalakkersuisoq aammalu aalajangiisartut pingaarnerit qanimut suleqatigalugit sulineq
Namminersorluni suliassaqarnissamut akisussaaffeqarnissamullu periarfissat pitsaasut
Suliffimmi ineriartornissamut periarfissat pitsaasut
Suleqatit tunniusimasut akornanni avatangiisit sulianut tunngasut nukittuut
Kalaallit Nunaanni kommunit demokratiilu pillugit sinaakkutit ineriartortinneqarnerannut sunniuteqarnissamut periarfissaq

Akissarsiat atorfinitsitaanermilu atugassarititaasut
Akissarsiat atorfinitsitaanermilu atugassarititaasut Kalaallit Nunaanni Namminersorlutik Oqartussat aamma isumaqatigiissusiorsinnaatitaasoq kattuffik attuumassuteqartoq akornanni atuuttumik isumaqatigiissut naapertorlugu aalajangersarneqassapput. Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Pinerluuteqarsimannginnermut meeqqanullu uppernarsaatit
Naalakkersuisoqarfiup pinerluuteqarsimannginnermut meeqqanullu uppernarsaatit piniarsinnaatitaaffigai. Taamaattumik atorfininneq aatsaat atuutilissaaq Rigspolitiet-meersumik meeqqanut uppernarsaat naammaginartoq kiisalu politiinit pinerluuteqarsimannginnermut uppernarsaat tiguneqareerpata.

Qinnuteqaat
Qinnuteqaat, CV kiisalu ilanngussat attuumassuteqartut kingusinnerpaamik 20. juli 2026 tiguneqareersimassapput.

Atorfinitsitsineq isumaqatigiissuteqarnikkut pissaaq.

Paasissutissat annertunerusut
Atorfik pillugu apeqqutissaqaruit attavigisinnaavat:

Aka Grønvold
Pisortaq, Nunamut Namminermut Immikkoortortaqarfik
📞 +299 34 65 48
📧 akgr@nanoq.gl

Qinnuteqaatit tigunissai qilanaaraavut kiisalu suleqatissatsinnik nutaamik Kalaallit Nunaanni kommunit namminersornerannik, demokratiimillu nukittorsaaqataasussamik tikilluaqqusinissarput qilanaaraarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.