Kalaallit Nunaanni ilinniartitaanernut tunngasut iluini Ilinniarnermut, Kultureqarnermut, Timersornermut Ilageeqarnermullu Naalakkersuisoqarfik suleqatigalugu  ilitsersuinermik suliniummi pingaarutilimmi inissisimarusuppit? Ilitsersuinermik suliassaqarfiup ineriartortinnissaanut siuttuunissat kiisalu nutaamik periusissamik ilusilersuinissaq ajorinngiliuk? Aamma suleqatigiinnut tunniusimasunut sulianut ilisimasaqarluartunut peqataarusuppit akisussaaffippassuaqarusullutillu?
Taamaappat imaassinnaavoq illit AQQUT-mi allaffimmi pisortartaanngussaatit - Namminersorlutik Oqartussat ilitsersuussinermik immikkoortortaqarfianni 

AQQUT suliffiuvoq pissanganartoq pisoqarfiusoq ukiorlu naallugu assigiinngitsunik sammisassaqarfiusoq.  Immikkoortortaqarfik Ilinniartitaanermut Naalakkersuisoqarfiup ataaniippoq, taamaattorli immikkoortortaqarfiuvoq namminersortoq, ilitsersuinermik suliniutip nalilersornissaanik ineriartortinnissaanillu suliaqartartoq kiisalu ilinniartitsinermik aaqqissuussani tamani aqqutissiuussisut ilinniarnerinik  pikkorissartinneqarnerinillu neqerooruteqartarluni. AQQUT atorfinnik arfineq pingasunik ulloq naallugu suliffigineqartartunik maannakkut atorfeqartitsisinnaavoq, taakkualu ilinniartitsisunut, ineriartortitsinermi siunnersortinut allaffissornermillu sulialinnut agguataaqqapput. 

Atorfik pillugu
Allaffimmi pisortatut immikkoortortaqarfimmi pingaarnerpaatut inissisimassaatit, ulluinnarni aqutsisuussaatit taamaalillutillu AQQUT-ip ingerlanera periusikkut, suliatigut sulisoqarnikkullu ineriartornera ulluinnarni akisussaaffigissavat.  
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik qanimut suleqatigissavat Ilinniartitaanermullu immikkoortortaqarfimmi pisortaq qaninnertut pisortarissallugu.  Nuna tamakkerlugu anguniakkanut ilitsersuinermillu suliassaqarfimmi periusissanik atuutsitsilernissamut qitiusumik suliaqartunngussaatit aamma atorfik aqutsinermik, ulluinnarni ingerlatsinermik aningaasaqarnermillu aqutsinermik imaqarpoq, ilutigalugulu naalakkersuisoqarfik suleqatigalugu politikkikkut periusissatigullu anguniakkat naapertorlugit ineriartortitsinermik nutaamillu eqqarsarnermik suliaqarfimmi tassani ingerlatsisuussaatit pingaarutilittut inissisimallutit.

Suliassatit pingaarnerit
•    AQQUT-mi pingaarnertut aqutsineq ataqatigiissaarinerlu
•    Periusissiatigut ineriartortitsineq aamma ilitsersuinermik politikkikkut suliniutinik atuutsitsilerneq. 
•    Immikkoortortaqarfimmi aningaasaqarnermut missingersuutinullu akisussaaneq
•    Ineriartortitsinermi siunnersortinut ilinniartitsisunullu taassuma ataani Ilitsersuisartutut tunngaviusumik ilinniarnermut tassungalu modulinut atasunut sulisunut akisussaaffeqarneq 
•    Pikkorissartitsinernik, isumasioqatigiisitsinernik aamma workshopinik inerisaanermut, ataqatigiissaarinninnermut pikkorissaanerlu akisussaaffeqarneq
•    Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmik qanimut suleqatigisassavat oqaloqatigisarlugulu.
•    ilitsersuinermut nalunaarutip nutaap ilusilersornissaanut ilanngussineq. 
•    Naalakkersuisoqarfimmi Ilinniarnermut Immikkoortortaqarfimmi aqutsisooqatigiinnut peqataaneq. 

Naatsorsuutigaarput, illit
•    Aqutsisutut misilittagaqarnerit uppernarsaateqartikkit
•    Ilitsersuinermik, ilinniartitaanermik Kalaallit Nunaannilu suliffeqarnermik pissutsinik ilisimasaqarluartutit. 
•    Naleqquttunik ingerlaqqiffiusumik ilinniagaqarsimassasutit
•    Sulianut tunngasutigut ilisimasaqarluartutit inuttullu malunnartumik sunniisinnaalluartutit
•    Suleqatigiilernermik - ingammik suliaqarfiit assigiinngitsut eqqarsaatigalugit - pilersitsillaqqissutit. 
•    Aaqqissuussasumik suleriuseqartutit, aaqqiissutissarsiorsinnaasutit ineriartornissamullu piareersimasutit. 
•    Oqaluttariarsornikkut allattariarsornikkullu erseqqissumik piginnaalluartumillu paasititsilluarsinnaasutit. 

Neqeroorutigaavut
•    Kalaallit Nunaat tamakkerlugu ilitsersuinermik suliniummut sunniuteqarnissamut ineriartortitsinissamullu periarfissaq immikkuullarissoq. 
•    Suliffik pitsaasumik ineriartortoq, suliatigut qaffasissoq assullu tunniusimasoq. 
•    Inissisimaffik sulianut tunngasutigut namminerlu ineriartorfissatigut periarfissaqarluartoq
•    Suleqatit pitsaasut suliffillu eqeersimaartoq persuarsiunngitsorli. 

Naalakkersuisoqarfiup ilitsersuinermut suliassaqarfimmi suliassaasa allattorsimaffia ulluinnarni aqutsisinnaanermut tulleriaarinermullu allaffimmi pisortap piginnaasaanut assut piumasaqaateqarpoq Taamaammat atorfik inummik patajaatsumik ulluinnarni ulapaarfiusuni sulisunik aqutsisinnaasumik kaammattuisinnaasumillu piumasaqarpoq. 
 

Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi - INDSÆT LØNRAMME) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.