Politikikkut aalajangiisarnerit ingerlasarneri qanilluinnarlugit sulineq kajumigaajuk aamma suliat ingerlanerinut, ataqatigiissaarinermut suleqateqarnermullu piginnaaneqarluarpit? Ataqatigiissaarinermik, siuariartornermik aamma politikikkut suliat naammassineqarnissaanut eqeersimaartumik pingaartilluarneqarnissaannik ukkassisumik angusaqarluarniartumik Naalakkersuisut Siulittaasuata Naalakkersuisoqarfia allaffimmi pisortassarsiorpoq.
Naalakkersuisut Siulittaasuata Naalakkersuisoqarfia
Naalakkersuisut Siulittaasuata Naalakkersuisoqarfia qitiusumik ataqatigiissaariffiuvoq ingerlasunullu aqutsisuulluni, Naalakkersuisunik aamma qitiusumik aallaffeqarfimmik suleqatiginninnermut tunngaviusoq sapinngisamik pitsaanerpaamik Naalakkersuisut Siulittaasuannut qulakkeerniarlugu. Naalakkersuisoqarfik aggulussimavoq Aqutsisoqarfeqarluni, Inatsisinut allaffeqarluni, Sulisut ineriartorsinnissaanut allaffeqarluni aammalu Tunngavisumik inatsisiliornissamut immikkoortortaqarfik aammalu Aqutsinermut allaffik tassaniippoq uani inuttassarsiuussaq.
Atorfik pillugu
Naalakkersuisuni aamma qitiusumik aallaffeqarfimmi politikikkut ingerlatsinernik sulianillu suliaqarnermi pingaarnertut aamma pilersaarusiornermut tunngasut ineriartortinnissaat nukittorsarnissaallu naalakkersuisut ataqatigiissaarneqarnerannut allaffimmi pisortatut akisussaaffigissavatit. Ataqatigiissaarinerup, siuariartornerup aamma politikikkut suliat pingaartinneqartut naammassineqarnissaasa qulakkeerneqarnissaat allallu suliniutit anginerusut ingerlatsinerillu politikimut atasut, aaqqissuussaaneq akimorlugu ingerlanneqartut aallaffiup annertuumik ukkatarai. Tamatuma saniatigut akimuilluni politikikkut ineriartornernut allaffik ilapittuuteqassaaq.
Suliassat naammassisinnaajumallugit naalakkersuisoqarfiit allat qanimut suleqatigisariaqassavatit.  Taamaalillutit suliffeqarfik tamaat naalakkersuisoqarfinnit pisortat qanimut suleqatigalugit tapersersussavat.
Suliassatit ilaatigut makkuussapput:

• Allaffik ingerlalluartoq kajumittunik suliamullu pikkorissunik sulisulik ingerlatissallugu.
• Suliani pingaartinneqartuni, ataqatigiissaarinerup, siuariartornerup nukittorsarnissaa siunertaralugu Naalakkersuisut politikikkut oqaluuserisassaannut eqeersimaartumik pilersaarusiornikkullu tamakkiisumik isiginninneq pilersissallugu allanngutsaaliussallugulu.
• Naalakkersuisut aamma qitiusumik aallaffeqarfik akimorlugit pingaarnersiuineq ataqatigiissaarinerlu nukittunerusoq tapersersussallugu.
• Nalinginnaasumik ingerlanerup paasineqarnissaa pillugu kiisalu aaqqissuusseqqinnernik politikikkullu isumaqatigiissutinik suliaqarnermi naalakkersuisoqarfiit allat isumasioqatigisassallugit.
• Naalakkersuisut piginnittuunermut inissisimanerannut tapertaaneq aammalu suleriaasiannut ikorfartuineq
• Naalakkersuisut Siulittaasuanut Naalakkersuisunullu saqqummiussiissutinik aammalu nalunaarutinik assigisaannillu suliaqarneq.
• Namminersornerullutik oqartussat pigisaanni ataatsimeersuarnernik pileraarusiorlunilu ingerlatsineq.
• Suliffeqarfiit Naalakkersuisullu ataatsimiinnerinik, isumasioqatigiinnerinik aammalu oqaloqatigiinnerinik ataqatigiissaarineq.

Naalakkersuisut Siulittaasuata Naalakkersuisoqarfiata pisortaqatigiivinut ilanngutissaatit. Naatsorsuutigaarput, naalakkersuisoqarfiup aamma qitiusumik allaffeqarfiup tamarmiusup ineriartorteqqinnissaanut akisussaaffimmik tigusissasutit tunniussaqarlutillu. Naalakkersuisut Siulittaasuata Naalakkersuisoqarfiani pisortaa toqqaannartumik pisortaralugu atorfeqassaatit.
Ilinnut tunngasut
Pilersaarusiornermut tunngasunik politikimullu paasinnittuuguit pissarsiariniarpatsigit. Aqutsisutut sulinermut piginnaasaqartutit imaluunniit ukiut marlussuit misilittagaqartutit naatsorsuutigaarput. Tamakkiisumik isiginnissinnaassuseqassasutit kiisalu sulianik aqutsinissamut ataqatigiissaarinissamullu anguniakkanut, pilersaarutinut isumalluutinullu tappiffeqartutit.
Aalajangersimasumik naatsorsuutigaatsigit:

• Naleqquttumik ilinniagartuutut ilinniagaqartutit, soorlu cand.scient.pol., cand.scient.adm. imaluunniit assingusumik inooqatigiinnik ilisimatusaatinik ilinniarsimasoq.
• Politikikkut aqutaasumit imaluunniit Kalaallit Nunaanni Namminersorlutik Oqartussanit akisussaaffinnut assingusunik misilittagalik.
• Nalilersuisinnaaneq aammalu assigiinngiiaartunik suliaqarsinnaaneq pikkoriffigalugu.
• Sulisunnut suleqatigisannullu ersarittutit aamma erseqqissumik sammiveqartitsisutit.
• Suliamut tunngasunut ukkassilluartoq ataatsimoortumik sulinermut tatiginnittoq qaffasissumillu angusaqarluarniartoq.
• Atassuteqaatissanik iluamik ingerlasunik pilersitsisinnaasoq aamma suliffiup iluani avataanilu kingunissaqarluartumik suleqateqarsinnaasoq.

Aningaasarsiaqartitaanermi atorfeqartitaanermilu atugassarititaasut
Aningaasarsiat aammalu atorfeqarnermut tunngasut isumaqatigiissutit malillugit inissisimapput.
Ineqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.
Paasissutissat sukumiinerusut
Atorfik pillugu apeqqutissaqaruit pisortaq Simigaq Broberg oqarasuaammut 34 51 44 imaluunniit mailikkut SBRO@nanoq.gl attaveqarfigisinnaavat.
Kingusinnerpaamik ulloq 27. maj 2026 nal. 12:00 qinnuteqataatit tigoreersimassavarput.
Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq.  1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut  Kr. 57.531 ukiumullu Kr. 690.372.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.