Suliassat ingerlanneqarnissaat qulakkeersinnaaviuk? Aningaasaqarniarnerup tamakkiisumik malinnaaffiginissaa pikkoriffigaajuk? Taamaappat illiuvoq suleqatissarput, Meeqqanut, Inuusuttunut, Ilaqutariinnullu Naalakkersuisoqarfimmi aaqqissuussinermik aningaasaqarnermillu suliaqartutut suleqatissarput.

Suliassat tamatigoortuupput aammalu suliassaqarfiit assigiinngitsut ataatsimoorlutik suleqatigiinnermi ilaasinnaanissaq, kiisalu nammineq suliassanut suliniutinullu namminersorluni akisussaaffeqarsinnaaneq piumasaqaataapput. Suliassanut nutaanut sukkasuumik paasinnissinnaanermik tamatigoortuunissamillu atorfik piumasaqaatitaqarpoq kiisalu aaqqissuussaanermi suliassat minnerit angisuullu paarlakaaffianni naammagisimaarinnilluni sulisinnaanissaq aamma ilaavoq.
 
Allattariarsornikkut oqaluttariarsornikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuunissat, kiisalu suleqatigiillaqqittuunissat iluaqutaassaaq. Naalakkersuinikkut aaqqissugaanermik aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarlunilu tunniussinissanut sivikitsunik piffissaliussaqartarput.

Suliassat
Suliassatit tassaassapput Naalakkersuisoqarfiup oqartussaaffeqarfiini suliassanut tamanut  ilinniakkatigut suliassatigullu aningaasanut tunngasunut akisussaaneq.
Tamatuma nassataraa:

• Aningaasanut inatsisinik suliaqarnermi Naalakkersuisoqarfiup ilassutissaanik suliaqarneq.
• Inatsisissatut siunnersuutinik, politikikkut saqqummiussassanik il.il. suliaqarnermut atatillugu aningaasatigut kingunerisassanut naatsorsuutinik suliaqarneq.
• Isumaginninnermut Aqutsisoqarfik suleqatigalugu Naalakkersuisoqarfiup aningaasaqarnera pillugu Naalakkersuisut ataatsimiititaliallu isummerfissaannik tunngavissiorneq.
• Aningaasaqarnikkut aqutseriaatsinik ineriartortitsineq atuutsitsilernerlu.
• Naalakkersuisoqarfimmi missingersuutinut malitseqartitsineq aningaasaqarnermillu aqutsineq.
• Aningaasartuutissat pillugit misissuinernik ingerlatsineq.

Namminersorlutik Oqartussani oqartussaaffiit, pingaartumillu Isumaginninnermut Aqutsisoqarfik kiisalu Naalakkersuisoqarfimmi suleqatigut peqatigalugit suliassaqarfiit assigiinngitsut akornanni aningaasaqarnikkut ingerlatsinerit suleqataaffigissavatit. Naalakkersuisoqarfik mikisunnguuvoq 16-inik sulisulik.

Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarpugut. Ulapaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik suliatigullu unammillernartulik, tassani suleqatigiissinnaaneq suliamullu tunngatillugu pikkorissuseqarneq assut pingaartinneqarput.

Naatsorsuutigaarput illit:

• Aningaasaaqarnermut aamma inuiaqatigiilerinermut kandidatitut, assersuutigalugu, cand.oecon., cand.polit., cand. scient.pol. ilinniagaqarsimasuusutit. 
• Nammineerluni sulisinnaassuseqartutit, aaqqissuussillaqqissoq, kiisalu Naalakkersuisoqarfimmi aningaasatigut suliassanik pitsaasumik inerniliisinnaasutit.
• Tamakkiisumik iluarsiinermut peqataaneq aammalu kulturikkut suliaqarusunneq, kiisalu oqartussat assigiinngitsut suleqatiginissaannut piumassuseqartuusutit.
• Suliffinnut suleqatinnullu ammasumik pitsaasumillu pissuseqartuusutit

Tamatuma saniatigut pitsaaqutaassaaq, piumasaqaataananili, illit :

• Inuiaqatigiinnut kalaallinut kulturiannullu ilisimasaqarluaruit.
• Aningaasaqarnikkut aqutsinermut ilusilersuinermullu misilittagaqaruit. 
• Marluinnik oqaaseqartuusutit, piumasaqaataanngilarli.

Atorfinitsinneqarnissaq  1. januari 2026 isumaqatigiissuteqarnikkulluunniit.

Annertunerusumik paasisaqarusukkuit
Atorfik pillugu annertunerusumik paasisaqarusukkuit, imikkoortortaqarfimmi pisortaq  Susanne Qvist-Aaen på sulq@nanoq.gl, imaluunniit Naalakkersuisoqarfimmi pisortaq Heidi Lindholm oqarasuaatikkut: +299 547371 attaviginissaanut tikilluaqquneqarputit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.