Sisimiuni Kalaallisuuliornermik Ilinniarfik ataatsimik paarlattaasussamik ilinniartitsisumik sulisussarsiorpoq, piffissamik aaliangigaanngitsumik.
Ulloq allartiffissaq 01.08.2026

Atorfik pillugu
Suliassat akisussaaffillu Kalaallisuuliornermik Ilinniarfimmi ilinniartitsisutut/faglærer-ritut atorfik assigiinngitsorpassuartigut unammillernartuuvoq, nuannersoq, pissanganartoq pissarsiffiulluartartorlu. Faglærerip pisussaafigivaa kalaallisuuliornermik ilinniartitaanerup siunertaa, ilinniartup ilisimasassatigut piginnaasassanik ineriartortitsillunilu pigisaqaleriartornissaa tamakkiisumik kalaallisuuliornermik suliassat iluani piginnaaneqarluarluni namminersorlunilu sulisinnaalernissaminnut. Aammataaq anguniagaavoq ilinniartup sungiusartullu nataaliornermik naleqqussaanernillu aallusisinnaalernissaa misilittagaqalernissaalu, taamatullu pilersitsisinnaassuseqarnermik aallarniisinnaassuseqarnermillu inerisarnissaa. Aammattaaq Pc-kut Design –niinissaq piginnaasaqafiussaaq Pc-kut suliarineqattaramik, sapangaaqqat, avittat, allapalaakkat, nissikallutaaneq. Mersorneq, atunngerneq, avittarneq, sapangaaqqat, allapalaarineq, nissikalluttaaneq allalu mersugassat kalaallisuunut tunngasut. Ammerineq: Qapiarneq, atungassineq, kaatitsineq. Ilaaffigisassavai: Siumut tiiminik suleqataaneq, siumut allanik pilersaarusioqataaneq. Ilinniartut suliaannik Evaluer-reeqataaneq, Design ilisserutinik allannguisinnaaneq sanasinnaaneq. Qallunaatut piginnaaneqannissaa, piumasaqaataanngilarli.

Sapaatip akunneranut suliffissaq 40 tiiminut aalajangigaavoq. Inissaqarneq Atorfimmut pineqartumut inissaqartitsisoqanngilaq.

Paasissutissat allat
Atorfik pineqartoq pillugu sukumiinerusumik paasisaqarusukkuit Kalaallisuuliornermik ilinniarfiup aqutsisua attavigalugu uunga mail pilunnguaq@kalilin.gl imaluunnit allaffimmi mail: kalilin@kalilin.gl allakkatigut qinnuteqaatit tiguneq ajorpagut. Qinnuteqartuni oqaloqatiginnerit ingerlallattaarumaarput. Qinnuteqarnissamut killiliussaq tassaavoq 19.06.2026 Kallallisuuliornermik ilinniarfik Tlf: +299242232 3911 sisimiut

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.