Sanaartornermut Immikkoortortaqarfimmi suliniutinut aqutsisoq / AC-fuldmægtig
Qitiusumik suliniutinik, naalakkersuinikkut inuiaqatigiinnullu annertuunik isumalinnik ingerlateqataarusuppit – aamma atorfimmi suliniutinik aqutsinermik, ataqatigiissaarinermik naalakkersuinikkullu sulianik ingiaqatigiissitsiviusumi sulinissat nuannaraajuk?

Ineqarnermut, Attaveqaasersuutinut Isorliunerusunullu Naalakkersuisoqarfimmi Sanaartornermut Immikkoortortaqarfik suliniutinut pisortassamik tunniusimasumik ataqatigiissaarisinnaasumillu pissarsiorpoq. Atorfik Sanaartornermut Immikkoortortaqarfimmi inissisimavoq, aammalu immikkoortortami pisortaq toqqaannartumik qullersarineqarpoq. Suliniutinut pisortaq immikkoortortaqarfimmi suliassaqarfiit akimorlugit sulissaaq, kisiannili qitiusumik suliniuteqarfissat marluk uku immikkut akisussaaffeqarfigissallugit: Ineqarnermik Aaqqissuusseqqinneq aamma Isorliunerusut.

Sanaartornermut Immikkoortortaqarfik pillugu
Sanaartornermut Immikkoortortaqarfik suliassanik assigiinngitsorpassuarnik, politikkikkut eqqummaariffiulluartunik suliaqarpoq. Immikkoortortaqarfimmi ilaatigut ineqarneq, inissialiortiterneq, illuutinik ingerlatsineq, sillimmasiissutit, aningaasanut inatsisinut tunngatillugu suliassat aamma digitalimik ineriartortitsinerit suliarineqarput. Naalakkersuisoq aamma Naalakkersuisut periusissiornermi, aalajangiinissamut tunngavissiornermi misissueqqissaarnernilu ikiortarpagut, aammalu Namminersorlutik Oqartussani oqartussaaffiit allat, kommunit, ingerlatseqatigiiffiit il.il. qanillugit suleqatigaagut.

Atorfik pillugu
Suliniutinut aqutsisutut immikkoortortaqarfimmi sulianik tamanik suliaqarnermi suleqataasassaatit, tamatumalu peqatigisaanik uku immikkut ittumik akisussaaffeqarfigissallugit:

• Ineqarnermik aaqqissuusseqqinneq: Aaqqissuusseqqinnermi suliassat ilaannut suliniutinik aqutsineq, ineqarnermik illuuteqarnermillu ataqatigiissaarineq, kommunit aamma inatsisilerinermi siunnersortit. Naalakkersuisut aamma Inatsisartut aalajangiinissamut tunngavissaannik suliaqarneq, siumut ingerlasunik ingerlaavartumik malinnaaneq, kiisalu immikkoortortaqarfimmi pisortaq qanittumik attaveqatigalugu politikkikkut ilisimatitsissuteqartarneq.
• Isorliunerusut: Isorliunerusunut nassuiaatinik, periusissianik iliuusissanullu pilersaarutinik ineriartortitsineq. Naalakkersuisoqarfinnut allanut ataqatigiissaarineq aamma sullissisunik attuumassutilinnik akuutitsineq. Siumut ingerlasunut akisussaaffeqarneq, politikkikkut ilisimatitsissuteqartarneq aamma saqqummiussinissamik pisariaqartitsinermik naliliisarneq – immikkoortortaqarfimmi pisortaq suleqatigalugu.

Atorfimmut atatillugu nalinginnaasumik ataatsimiinnernut suliassanillu suliaqarnernut atatillugu angalasoqartarpoq – pingaartumik Isorliunerusunut tunngatillugu, taakkunani najukkat tikillugit oqaloqateqartarnerit najuuttarnerillu suliassat suliarineqarnerinut pingaaruteqarmat.
Tamatuma saniatigut immikkoortortaqarfimmi suliniutit tulleriiaakkat atorlugit allanut ikiuuttassaatit, tassunga suliassaqarfiit akimorlugit ataqatigiissaarineq, siumut ingerlasunik malinnaaneq aamma politikkikkut suliaqarnermi najoqqutassiorneq ilaatinneqarlutik.

Suliassatit ilaatigut tassaassapput:

• Suliniutinik aqutsineq aamma immikkoortortaqarfik akimorlugu ataqatigiissaarineq.
• Aalajangiinissamut tunngavissianik, misissueqqissaarnernik aamma tunuliaqutassatut najoqqutassanik, naalakkersuinikkut oqallisigineqartussanik suliaqarneq.
• Suliat siumut ingerlanerinik malinnaaneq aamma aqutsisunut politikerinullu nalunaaruteqartarneq.
• Kommuninik, siunnersortinik suleqatinillu allanik oqaloqateqarneq ataqatigiissaarinerlu.
• Aningaasanut inatsisiliornermi tapiliussisarneq aamma immikkoortortaqarfinni suliniutit akimuiffiusut allat.

Qinnuteqartoq piukkunnaatilik

• Ilinniagartuutut attuumassutilimmik ilinniagaqarpoq, soorlu cand.scient.pol., cand.scient.adm., cand.merc., cand.mag. assigisaaluunniit).
• Suliniutinik aqutsinermik sullississutillu akornanni ataqatigiissaarinermik misilittagaqarneq iluaqutaassaaq, piumasaqaataanngilarli.
• Politikkikkut aalajangiisarnernik paasisimasaqarneq aama aalajangiinissamut tunngavissanik suliaqarnermik misilittagaqarneq iluaqutaassaaq, piumasaqaataanngilarli.
• Namminersorluni, kisiannili aamma immikkoortortaqarfimmi pisortaq suleqatillu qanittumik oqaloqatigalugit sulisinnaassaaq.
• Sulinermini misissueqqissaarsinnaassuseqassaaq, ataqatigiimmik tulleriiaarillunilu sulisinnaassalluni.
• Saqqummiisinnaaneq nukittuffigissavaa – allakkatigut oqaluuinnarnikkullu – aammalu politikkikkut allaffissornikkullu attaveqaqateqarnernik naleqqussaasinnaassaaq.
• Avatangiisit ulappuffiusut aammalu ataatsikkut amerlasuunik suliaqarfiusut avatangiisigissallugit nuannarissavaa.

Neqeroorutigaavut

• Atorfik pissanganartoq unammillernartorlu, annertuumik namminersorfiusoq akisussaaffeqarfiusorlu.
• Inuiaqatigiinni suliassaqarfinni pingaarutilinni ineriartortitsinissamut sunniisinnaaneq periarfissaqarfiuvoq.
• Immikkoortortaqarfimmi pisortaq aamma suliffeqarfiup iluani avataanilu sullissisorpassuit qanillugit suleqateqarneq.
• Suleqatit tunniusimasut suleqatigalugit sullivimmi avatangiisit pingaartorsiorfiunngitsut ammasullu, quiasaarnissamut inissaqartitsiffiusut.
• Immikkut ittumik siunnersortitut atorfinitsinneqarnissaq periarfissaqarpoq, piginnaaneqarfiit misilittakkallu uppernarsarneqarsinnaasut apeqqutaatillugit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.