Pinngortitamut immikkoortortaqarfimmi ilinniarnerup saniatigut sulineq – allaffissorneq pinngortitallu aqutsivigineqarnera (CITES)
Qinnuteqarfissap killinga: 5. juuli 2026
Atorfinitsitsinermi oqaloqatigiinnerit: Sapaatip akunnerini 28 aamma 29 ingerlanneqassapput
Atorfiniffissaq: Isumaqatigiissuteqarnikkut
Suliffiup sumiiffia: Nuuk

Pinngortitap aqutsivigineqarnera suleqataaffigerusuppiuk – allaffissornermilu suliat ataqatigiissaarneri suliarisinnaallugit?
Aaqqissuussamik suliaqarnermik, sulianik malittarinninnermik, suliamillu pingaarutilimmik suliaqarnermik kajumissusilimmik aammalu pinngortitamut, nunat tamalaat isumaqatigiissutaannut pisortat suliaannut soqutigisalimmik ilinniarnerup saniatigut sulisussarsiorpugut.

Maani pinngortitamik illersuinerit nunallu tamalaat isumaqatigiissutaat qanoq nunatsinni tigussaasumik suliarineqartarnersut paasisaqarfigissavatit – ulluinnarnilu sulinerup ingerlaneranik pingaaruteqartutut inissisimassallutit.

Atorfik pillugu
CITES (Washington-imi isumaqatigiissut) suleqataaffigilissavat, nunat assigiinngitsut akornanni niuernermik uumasunillu nujuartanik naasunillu assartuinermik nungutitaanissamut navianarsiortitaasunik illersuiniarluni malittarisassaliisoq.

Atorfiup pinngortitap aqutsivigineqarneranik misilittagaqalersissavaatit, ilutigalugu allaffissornikkut suliassanik ikiuineq pingaarnertut ukkatarissavat, tassani eqqortumik iluamillu sullissinermik qulakkeerinnillutit.. Ulluinnaat ingerlalluarnissaannik peqataassaatit sulianik malittarinnillutit, saaffiginnissutinik suliaqarlutit, paasissutissanik nutarterillutit, arsaarinnissutinut toqqorsivimmi torersaallutit, taamaasillutit atortussiat digitaliusut tigussaasullu aaqqissorluagaanissai tigoriaannaanissallu qulakkeerlugit.

Akunnermut suliffiusussat
Atorfik sapaatip akunneranut 10 tiimit missaanik suliffiuvoq, atuanngiffeqarfiup nalaani amerlanerunissaannik periarfissaqarluni.

Suliassatit
Allaffissornermut suliassanik, sammisamut tunngasunik, naleqquttunillu suliaqartassaatit ilaatigut:

• Akuersissutinik tunioraanermi tapertaaneq (ass. CITES atortuinik pequtinik nuussiussuineq)  
• Innuttaasut saaffiginnissutaannik akissutissaannik nassiussuineq
• Sulianik tulleriaarineq ingerlanneqarneranillu qulakkeerinninneq
• CITES pillugu paasissutissanik nutarterineq atajuartitsinerlu
• Uumasunik naasunillu illersuinermik malittarisassanik paasinartumik ingerlatitseqqiineq
• Toqqorsivinni aaqqissuussani tigussaasunillu atortunik torersaaneq
• Allagaatinik naatsunik allattuineq suleriaatsinillu pitsanngorsaanernik ikiuineq
• Allaffissornermut pinngortitamullu aqutsinermut tunngasunik suliassanik takkuteriataartunik suliaqarneq

 

• Naatsorsuutigaarput
• pinngortitamik aqutsinermut, avatagiisinut imaluunniit nuani tamalaani malittarisassanut soqutiginnittuusutit
• allaffissornermut suliassat sungiusimagitit, ilutigalugu suliamut tunngasunik kajumissuseqartutit
• aaqqissuussamik sulisinnaasutit annikitsunillu tappiffeqartutit
• akisussaassuseqartutit suliallu naammassinissaata tungaanut malinnaavigisinnaagitit
• sullisserusussuseqartutit innuttaasunillu attaveqaqateqallaqqittutit
• alapernaatsuusutit, iluarsiissummik nassaarsinnaasutit aperinissannullu ernumassuteqanngitsutit
• allaffimmi suliassanillu ajornaatsunik suliaqarsinnaasutit
• suliffimmi qiimasuunissat

Oqaatsit piumasaqaatigineqartut: Kalaallisut, qallunaatut tuluttullu
Pisortani allaffissornermi pinngortitamillu aqutsinermik misiliittagaqarneq iluaqutaasinnaavoq, piumasaqaataanngilarli.

Neqeroorutigaagut:

• suliffik ilinniakkamut attuumassutilik, tigussaasumik pinngortitamut aqutsinermik nunanullu tamalaanut naleqqussaanermik paasisimasaqalerneq
• pisortat suliaasa iluanni sulianik piviusunik ajornartoorutinillu suliaqarnissamut periarfissqarneq
• suliassat allaffissornerup iluani tamatigoortut
• nikerartumik ilinniarfinnutut tulluarsakkamik sulineq
• suliamut ilisimasalinnik tunniusimasunik ulluinnarsiorpalaartunillu suleqateqarneq
• suliffik ineriartornermik, suleqatigiinnermik akisussaassuseqarnermillu ukkatalik.

Uagut pilluta
Pinngortitamut Immikkoortortaqarfik Avatangiisinut, Pinngortitamut, Nukissiuutinut Ilisimatusanermullu Naalakkersuisoqarfiup ataaniippoq. Naalakkersuisoqarfimmi sulisut 40-rut missaanniippugut suliaqarfinni assigiinngitsunut agguataaqalluta nunatsinnilu suliassat qitiusutut suliaralugit.

Maani suliffiup avatangiisai immikkut ittumik pitsaassuseqarluarnerup, suleqatigiinnerup aammalu pisariitsumik attaveqatigiittarneq malunnaateqarput, tassani ikioqatigiinneq aammalu ilisimasanik avitseqatigiinneq pingaaruteqarlutik.
 
Ilisimasaqarnerorusuppit?
Immikkoortortami pisortaq Mettelise Fritz Hansen attavigiuk oq. +299 34 52 57 imaluunniit e-mailitigut: mtha@nanoq.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut. Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.