Silap Pissusianik Ilisimatusarfik Pinngortitaleriffimmiittoq qaammatini 24ini ilisimatusarluni postdoc’itut atorfeqarluni nunatta imartaani uumassuseqaqatigiinnik uumaqatigiinnerinillu misissuisussamik pissarsiorpoq. Atorfik EU’p suliniutaanut Sea-Quester (Blue Carbon production, Export, and Sequestration in Emerging Polar Ecosystems, https://sea-quester.eu/) -mut attuumassuteqarpoq, issittullu silamut sunniuteqarnera eqqumaffiginerullugu nunanik tamalaanik ilisimatusaqateqartoqarsinnaalluarnissamut periarfissaalluarpoq.

Tunuliaqutaq:
Imaani uumasuaqqat issittup imaani uumaneqaqatigiinnermut aammalu immap qaani kulstoffip immap naqqanukartittarneranut pingaaruteqarluinnartumik inissisimasuupput. Suliniummi uani atortut akustikiusut sumiiffinni atorneqartartussaapput aammalu qaluusat atorlugit qanoq imaani uumasuaraqartiginersoq paasiniarneqartartussaavoq aammalu piffissap ingerlanerani qanoq uumariaaseqarnerinik misissuiffiusussaalluni.

Suliassannut ilaasussaapput:

• Akustikimi aammalumi aallerluni paasisat suussusilersorneqarnissaat aammalu piffissami sumiiffinnilu pissusilersuutaat misissuiffigeqqissaarneqartussaapput
• Imaani uumasuaqqat, uumassutissioqqaarnerit aammalu kulstoffimik nikisitsisarnerit misissuiffigineqartussaapput
• Asimi imaaniluunniit misissuinerni paasissutissanillu suliaqarnermi nunatsinni nunanilu allani suleqatigisat peqatigalugit suliaqartarnissaq
• Ilisimatuussutsikkut allaaserinnittarfinni saqqummersitsinissat ilisimasanillu siammarterilluarnissat

Ujartorparput:

• Ph.d.-mik angusalik assingusumilluunniit tulluuttumik ilinniagaqarsimasoq, soorlu biologimi, ilisimatusarluni paasissutissiissutinik suliaqarneq, fysik, imaluunnit matematik statistikiluunniit atorneqartartoq pillugu ilinniarsimasoq.  
• Nalunaarsukkanik misissueqqissaarnermik piginnaaneqarfilik (R, Python assingusulluunniit).
• Nalunaarsukkanik misissueqqissaarnermik statistikkimillu misilittagaqarluartoq.
• Ilisimatuussutsikkut saqqummersitsisarnermut suliaqarsinnaassuseqarlunilu uppernarsaatilimmik misilittagaqartoq.

Ujartugarput makkunatigut iluaquteqarsinnaassagaluarpoq:

• Akustik misilittagaqarfigilluarlugu.
• Plantonit uumassusillillu ataqatgiinnerinut ilisimasaqaruni.
• Angalalluni misissuinerni misilittagaqaruni, ingammik imaani ilisimatusarnermut umiarsuarni angalanernik.
• Namminersuutigisamik sulisinnaassuseqarlunilu allanik suleqateqarsinnaassuseqarnissaq.

Ujartugarput Nuummi, Kalaallit Nunaanniittussaavoq – nunatta imartaani sulisartussaavoq aamma Sea-Questers internationale suleqatigalugit.

Atorfeqarnermi atugassarititaasut:
Nalinginnaasumik tamakkiisumik suliffiusussaavoq ukiunili marlunni sivisusseqartussaalluni. Akissarsiassat atorfeqarnermilu atugassarititaasut pineqartup kattuffiata Namminersorlutillu Oqartussat akornganni isumaqatigiissutaasoq malillugu pissaaq.
Atorfik Silap Pissusianut Ilisimatusarfiup aqutsisuanut atassuteqartussaavoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Sukumiinerusumik paasisaqarniaruit
Atorfik pillugu sukumiinerusumik paasisaqarniaruit taava attavigikutsoorsinnaavat, Lorenz Meire emailiatigut lome@natur.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.