Meeqqanut, Inuusuttunut Ilaqutariinnullu Naalakkersuisoqarfik tunniusimalluartumik immikkoortumi pisortassarsiorpoq,  Meeqqanut, Inuusuttunut Ilaqutariinnullu Naalakkersuisoqarfimmi suliniutit tamanit peqataaffigineqartut siuarsarnissaannut inerisarnissaannullu

Pisortaqatigiinni peqataarusuppit meeqqat, inuusuttut ilaqutariillu atugaat pitsanngorsarniarlugit qulakkeerinninnissamut siuttuusuni?  Naalakkersuinikkut anguniakkanut qanittumik sulinissat kajumeraajuk kiisalu sulianik aqutsinissamut pikkoriffeqarlutit kiisalu suleqatigiinnermik pinngorartitsisinnaavit?  Meeqqanut, Inuusuttunut Ilaqutariinnullu Naalakkersuisoqarfik immikkoortumi pisortassarsiorpoq ataqatigiissaarinermik, sulianik aqutsinermik suleqatigiinnermillu aallussilluarsinnaasumik anguniagalimmillu.  Immikkoortortami pisortaq suliassat eqqortumik suliarinissaannik ukkatarinnittoq, meeqqat, inuusuttut ilaqutariillu pillugit sullissinermi naalakkersuinikkut aallartinneqartunik iliuusissatut pilersaarutinik periusissanillu ingerlatsinissamut, ataqatigiissaarinissamut naammassinninnissamullu nuannarinnittoq.

Meeqqanut, Inuusuttunut Ilaqutariinnullu Naalakkersuisoqarfimmi meeqqat, inuusuttut ilaqutariillu atugaannik pitsanngorsaanissaq qitiutipparput aammalu suliassaqarfimmi naalakkersuinikkut suliallit anguniagaannik piviusunngortitsinissamik qulakkeerinnissalluta.  Immikkoortumi pisortassarsiorpugut naalakkersuisoqarfimmi pisortaqatigiit sulisullu peqatigalugit siuarsaanissamik kiisalu suliassaqarfimmik pigaarutilerujussuarmik kivitsinissamut ukkatarinnittumik.


Immikkoortortaqarfimmi pisortatut atorfik aaqqissuusaanikkut Suliassaqarfiit assigiinngitsut akornanni suliniutinut malittarinninnermullu immikkoortortaqarfimmi inissisimavoq, suliassallu ilaatigut meeqqanut, inuusuttunut ilaqutariinnullu periusissianik iliuusissatullu pilersaarutinik  ineriartortitsinermik atuutilersitsinermillu imaqassapput anguniakkanik aalajangersakkanik naammassinninnissamut iliuuseqarnissamullu suliaritineqartussanik.

Periusissianut Ineriartortitsinermullu Immikkoortoqarfiup taakku saniatigut meeqqanut,inuusuttunut ilaqutariinnullu isumaginninnikkut suliniutit arlallit inerisarlugillu atuutsilernissaannik suliaqartarput ataani immikkoortut suleqatigilluinnarlugit – assersuutigalugu imminut toquttarnermut pitsaaliuineq, ilaqutariinnut siusinaartumik ujartuisumillu suliniuteqarneq, meeqqat angerlarsimaffiup avataanut inissinneqannginnissaannut suliniutit kiisalu eqqarsartaatsikkut peqqissuuneq. 

Atorfik pillugu

Ulluinnarni sulinermi  sulisunut sisamanut tunniusimalluartunut anguniaqarluartunullu aqutsisutut akisussaassaatit,  naalakkersuisoqarfimmilu qanimut suleqatigissallugit.
Immikkoortortami pisortatut suliassat ilaatigut tassaapput:

• Sulianik aqutsineq, periusissianik suliaqarnermi pitsaassusaannik siuariartornerannillu qulakkeerinninneq kiisalu naalakkersuisunit aallartinneqartunik sulianik allanik isumaginninneq
• Immikkoortortami sulisunik aqutsisuuneq
• Immikkoortortap suliassaanik agguataarinninneq aamma pingaarnersiuineq
• Immikkoortortaqarfimmi sulisunut sulinermi siunnersueqatigiinneq
• Suliffeqarfimmi aqutsinissamut sakkunik ineriartortitseqataanermut ingerlatsinermullu qulakkeerinninneq

Atorfimmi suliassanut attuumassuteqartunik arlalinnik allaffissornikkut aningaasaqarnermullu tunngasunik suliassaqartassaaq.

Immikkoortumi pisortap makku piginnaaneqarfigissagai naatsorsuutigaarput:

• Naleqquttumik kandidatitut qaffasissusilimmik ilinniagaqarsimanissat
• Isumaginninnermut atatillugu Kalaallit Nunaanni meeqqanut, inuusuttunut ilaqutariinnullu suliassaqarfiit pillugit siammasissumik ilisimasaqarnissaq
• Aqutsinermik matumani suliniutinik aqutsinermi misilittagaqarnissaq
• Paasissutissiissutinut ajornakusoortunut amerlaqisunullu tamakkiisumik isiginnissinnaasoq
• Oqaloqatigiissitsinermut suleqatigiinnermullu aqqutissiuillaqqissoq suliffeqarfiup iluani avataanilu
• Allattariarsornikkut oqaatsitigullu atassuteqallaqqissoq
• Namminersortoq iliuuseqarluarsinnaasorlu
• Inuttut ammasuusoq, akuersaartoq tatiginninnermillu tunngavilimmik attaveqaqatigiinnermik pilersitsisinnaasoq
• Suliffeqarfimmik politikikkut aqunneqartumik misilittagaqarluartutit
• Naalakkersuinikkut siunnersuinissamik piareeqqasoq
• Inuiaqatigiinnut kalaallinut kulturiannullu ilisimasaqarluartutit
• Isumaginninnermut tunngasunik suliassanik pisariusunik paasinnillaqqissoq, aaqqiissuteqarsinnaasoq tamannalu pillugu pisariitsumik paasititsillaqqissoq  

Meeqqanut, Inuusuttunut Ilaqutariinnullu Naalakkersuisoqarfik pillugu
Meeqqanut, Inuusuttunut Ilaqutariinnullu Naalakkersuisoqarfimmi sulisut 18-init missaanniippugut immikkoortunut marlunnut avissimasut. Aqutsisoqatigiinnut allattoqarfik aammalu Suliassaqarfiit assigiinngitsut akornanni suliniutinut malittarinninnermullu immikkoortortaqarfik. Naalakkersuisoqarfik taakku saniatigut immikkoortoqarpoq, Isumaginninnermut Aqutsisoqarfik kiisalu arlaannaannulluunniit attuumassuteqanngitsoq pisinnaatitaaffinnik suliaqarfiusoq MIO.

 
Akissarsiat aamma atorfeqarnermi atugassarititaasut
Atorfik akissarsiat sinaakkutaannut 38-mut massakkut akissaateqartinneqarpoq/ aalajangersimasumik akissaateqartinneqarpoq. Akissarsiat sinaakkutaannut 38-mi akissaatit immikkoortui aalajangersimasut ilanngullugit akissarsititsisoqartassaaq, 1. april 2025-mi qaammammut Kr. 63.550 Kr.-upput ukiumullu 762.601.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq. Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Akissarsianut atorfeqartitaanermullu atugassarititaasut, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Inissaqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Qinnuteqaat   
                                                                                                                                                  Qinnuteqarnissamut ulloq killigititaq tassaavoq 7. august 2025 nal. 12.00 (Kalaallit Nunaata nalunaaqutaa malillugu). 
Ulloq sulilerfissaq 1. september 2023 imaluunniit isumaqatigiissuteqarnikkut.
Oqaloqatigiinnissat piffissap ingerlanerani ingerlanneqarnissaat naatsorsuutigineqarpoq.

Paasissutissat annertunerusut
Atorfik pillugu paasisaqarnerujumaguit, immikkoortortami pisortamut Heidi Lindholmimut attaveqarnissamut tikilluaqqusaavutit, uunga heli@nanoq.gl imaluunniit oqarasuaammut +299 54 73 71.