Kujataani Ilinniarnertuunngorniarfimmi ilinniartitsisunngorusuppit?

Immikkoortoq:
Facebook Twitter LinkedIn E-mail Udskriv

Qinnuteqarnissamut piffissaliussaq:
aggustip 5.-at, 2025 13:00

Saaffigisassaq:
Tulla Motzfeldt
+299 64 78 54

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Ilinniartitsineq perorsaanerlu

Nunap immikkoortua:
Kommune Kujalleq

Naalakkersuisoqarfik:
Campus Kujalleq
Vestervej B 1266

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

GUX Qaqortoq ukiumi ilinniarfiusumi aggersumi ilinniarfimmi atuartitsissutinut arlariinnut ilinniartitsisunik pissarsiorpoq. Ukiut pingasut qaangiuppata Kalaallit Nunaannit Qallunaat Nunaannut pigisanik angallassineq angerlamullu aqqutaa GUX Qaqortumit akilerneqassapput. Immikkut ittunik pisoqarpat atorfininneq ukiut ataasiakkaarlugit isumaqatigiissutit naapertorlugit pisinnaavoq.

Atuartitsissut una atuarfimmut immikkut soqutiginaateqarpoq: Matematik.

GUX Qaqortoq Campus Kujallermut ilaavoq, tassani EUD- aamma GUX-imik immikkoortortaqarpugut. Pingaarnertut GUX Qaqortumi ilinniartitsissaatit, kisianni immikkut ittunik pisoqartillugu atuarfiup immikkoortortaqarfiini allani aamma ilinniartitsinissamut periarfissaqarpoq.

GUX Qaqortumi tigussaasunik sinaakkuterpassuarsiuuvugut. Ilinniartitsisuuvoq atuarfimmi ingerlalluartumik sulisartoq, ilinniartitsisut allat sulisut allatillu ulluinnarni pitsaanerpaamik ingerlanissaannut suleqatigiinneq pisariaqartillugu pitsaasumik suliaqarsinnaasoq, taava illit uagutsinni pisariaqarpugut.

Campus Kujalleq pillugu paasisaqarnerorusukkuit cak.gl -imi aamma iserasuaat.gl -imi atuarnerusinnaavutit. Ilinniartut amerlanersaat Campus Kujallermi kollegiani najugaqarput. Ilinniartunik qanimut attaveqarnissaq naatsorsuutigisinnaavat, piffissallu ilaani ilinniartitsinerup saniatigut suliassanik allanik annikinnerusunik suliaqarsinnaanerit pisariaqartinneqassaaq.

Uatsunnut soqutiginarputit:

Tunngaviusumik kandidatitut assigusumilluunniit ilinniagaqarsimanissat.
Aqutsisut ilinniarfimmut siunniussaannut, kiisalu suleqaternut ilinnartunullu tatiginnittutit.
Ilinniartunut akuersaarpalaartumik periuseqartutit.
Ilinniartitsinermi misilittagaqartutit aamma gymnasiami perorsaanermut.
Gymnasiamut tunngasunik taakkulu ataani kalaallinut tunngasunik ilisimasaqartutit.

Uagut ilinnut soqutiginarsinnaavugut:

Suleqatigiinnerit annikinnerusut piumagukkit, ataatsimut kivitseqatigiinnissami tamatta uagutsinnut pisariaqartippugut.
Kalaallit gymnasiaat avatangiisini kusanartuni ingerlateqqinnissaa kissaatigigukku.
Sulinerni inuttut namminiussuseqarlutit akisussaaffeqarlutillu sulinissat toqqarukku.
Nutaamik misileerusukkuit, taamaattoq gymnasiami ilinniartitsisuunerit ingerlatiinnarlugu.
Suleqatit ikiuukkumatuut suleqatigerusukkukkit.
Pinngortitami alianaatsumi najugaqarusukkuit, qaqqanut pisuttuarnernut, immakkut angalaarnernut, piniarnermut aalisarnermullu periarfissaqarlutit.

Suliffimmut soqutiginnikkut qinnuteqannginninni tunulequtat oqaloqatigissavat. Manna suliffik nutaaginnaanngilaq, kisianni qinnuteqartunut amerlanernut inooriaatsimik allannguineruvoq – taamaattumik ilaquttanit tapersersorneqarnissaq pingaarutilerujussuuvoq.

Nalinginnaasumik atorfininnerni vakantboligimut inissinneqassaatit. Inissinneqarallarnerup sivisussusaa GUX Qaqortumut attuumassuteqanngilaq.

Qinnuteqarnissamut killigititaasoqassaaq marlunngorneq aggustip tallimaani 2025, nal.13.00 (Qallunaat Nunaanni nal. 16.00). Qinnuteqaatit tiguneqartut ingerlaavartumik suliarineqarsinnaapput.

Atorfininneq pisassaaq septemberip aallaqqaataani 2025 imaluunniit isumaqatigiissuteqarnikkut.
Annerusumik paasisaqarusukkuit, rektoriugallartoq Heidi Rosing hr@cak.gl imaluunniit oqarasuaatikkut +299 54 89 64 imaluunniit aqutsinermi inspektoriugallartoq Delvir Begovic db@cak.gl imaluunniit oqarasuaatikkut +45 28 30 51 33 attavigisinnaavatit.
Qinnuteqaativit tigunissaanut qilanaarpugut. Ilinniarsimanermut uppernarsaatinik kiisalu CV-nik ilaliussinissat eqqaamajuk.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.