Akileraartarnermut Aqutsisoqarfimmi sulerusuppit inuiaqatigiinnillu ingerlatsinermut inerisaanermullu peqataallutit? Ulluinnaat pissanganartut assigiinngiiaartullu suliffigalugit nuannaraajuk, suleqatitit peqatigalugit ukiumi akileraarfiusumi suliassat assigiinngitsut suliarissallugit? Taamaappat Akileraartarnermut Aqutsisoqarfimmi immaqa illerpiaq pisariaqartippatsigit!

Akileraarnermut Aqutsisoqarfimmi Kukkunersiuisarnernut Allaffik Nuummiittoq nutaamik 1. august 2025 isumaqatigiissuteqarnikkulluunniit atorfinittussamik suleqatissarsiorpoq.  Ingerlatseqatigiiffinnut immikkoortortami atorfeqassaatit, maannalu sulianik sullissisut pingasut atorfeqartinneqarput.    

Kukkunersiuisarnermut Allaffik Akileraartarnermut Aqutsisoqarfimmi pingaaruteqarluinnartumik ilaavoq.  Allaffiup taamaalilluni akileraartarnermut suliassat pingaarutillit arlallit isumagisaralugillu suliarisarpai.
Nammineerluni nalunaarsuiffinnik ingerlatseqatigiiffiillu ukiumut naatsorsuutaannik tiguneqartunik misissuineq suliarinninnerlu suliassat pingaarnerit ilagaat.
Tamatuma saniatigut suliarineqartarput:

• Siunnersuisarneq aamma ilitsersuisarneq
• Sulianik suliareqqiinernut kukkunersiuinermilu sulianik sullissineq.
• Pigisanik nalilinnik kattussinermi, avissaartitsinermi imaluunniit nuussinermi il.il. aaqqissuusseqqinnerit 
• Akileraartutit uppernarsaataat aamma tigoriaannarnik aningaasaateqarneq imaluunniit akiliisinnaajunnaarnerit
• Ilaatigut nalikilliliinermi tunngavinnik, amigartoorutinik saqqummiussinernut il.il. immikkut akuerineqarnissamik qinnuteqaatit 
• Ingerlatseqatigiiffiit/suliffeqarfiit maani inatsisit malillugit aalajangersimasumik sumiiffimmit ingerlatsisunut inatsiseqartitsineq/ marloriaammik akileraarusiinissamik isumaqatigiissutit malillugit akileraartussaatitaanerannut apeqqutinik paasiniaaneq
• Ingerlatseqatigiiffiit pillugit inatsiseqarneq/ suleriaaseqarneq pillugit immikkoortortaqarfimmut saaffiginnissutit Akileraartarnermut Aqutsisoqarfimmi akissuteqarneq kiisalu ingerlatseqatigiiffiit sinniisuutitaannut kukkunersiuisut, eqqartuussissuserisut il.il. avataaneersunit saaffiginnissutinik akissuteqarnerit
• Nakkutilliinernut arlalinnit peqataaffigineqartumut suleqataaneq, tassani ilanngullugit anisussanik sulianik nakkutilliinerit ilaatigut sulinermut nakkutilliisunik oqartussanillu allanik suleqateqarluni nakkutilliinernik suliaqarneq

Kikkut ujartorpavut?
Suleqatissarsiorpugut aaqqissuussaanitsinni peqataarusuttunik, ataatsimoorluta suliassanik kivitseqatigisinnaasatsinnik kalaallillu inuiaqatigiivinik sapinngisamik pitsaanerpaamik ineriartortitsinissatsinnik peqataarusuttunik.

Atorfimmit assingusumit ilinniagaqarlutillu misilittagaqarnissat kissaatigaarput, tamannali piumasaqaataanngilaq, aamma ilinniakkat naammasseqqammisinnaavat.
Naatsorsuuserinermik, kukkunersiuinermik assingisaanilluunniit ilinniagaqarlutit aamma/ imaluunniit misilittagaqarnissat naatsorsuutigaarput.

Uatsinnut aalajangiisuussaaq suliassaqarfimmut soqutiginnilluarlutit nutaanillu ilisimasaqalernissamut piumassuseqartuuguit.  Suliassat assigiinngitsut kiisalu ilinniaqqinnikkut suliannut tunngatillugu pikkorissaqqinnissannut periarfissaqarluassaatit.

Suliffimmi persuarsiunngitsumi pimoorussilluinnarfiusumili sulinissamut kissaateqaruit, ilaanni ulluinnaat ulapaarfiusinnaalluartumi sulerusuppit?  Suleqatigiinnissamik pingaartitsivit kiisalu ataatsimut kivitseqatigiinnissaq pingaartippiuk?  Malittarisassat inatsisillu iserfigilluarlugit suliassanik aaqqitassanik aaqqiinissamut soqutigisaqarpit? Oqalunnikkut allakkatigullu aporfinnik aaqqiissutissanillu ersarissumik ingerlatitseqqillaqqippit, taamaaliornermi suleqatitit innuttaasullu paasitilluarlugit ikiuisinnaalluartuuit?
Qulaani taagorneqartut ilinnut tulluarpata Akileraartarnermut Aqutsisoqarfimmi amingaatigaatsigit.

Suliffimmi qanoq ittumi suleqataalissavit?
Akileraarnermut Aqutsisoqarfik suliffeqarfiuvoq ulapaarfiusoq katillugit 130-t sinnerlugit sulisoqarluni.  Tassani suliassaqarfimmi ulapaarfiullunilu pimoorussiffiuvoq, inuiaqatigiinnut pingaaruteqartorujussuulluni naalakkersuinikkullu eqqumaffigineqarluartuulluni.  Allatut oqaatigalugu aaqqissuussamiilissaatit kalaallinut inuiaqatigiinnut tunngavisseeqataasumut suleqataalissallutit.
Naak ullut suliffiit ulapaarfiusaraluartut suleqatigiilluarnermik Akileraartarnermut Aqutsisoqarfiup ilisarnaateqarpoq.  Tassani immikkoortortaqarfiit akimorlugit suliassat ikioqatigiissutigisarpavut – suliassat annertungaluarpata minnerungaluarpataluunniit.  Akileraartarnermut Aqutsisoqarfimmi qungujulluta naapittarpugut – ullaakkut suliartoraangatta ualikkullu soraaraangatta.  Aamma suleqatitaavut tikilluaqqulluartarpavut, siunnersorluartarlugit ilitsersortarlugillu.  
Suliffiup sumiiffissaa tassaasinnaavoq Kalaallit Nunaanni Aalborgimiluunniit Akileraartarnermut Aqutsisoqarfiup allaffiisa ilaanni
   
Atorfik pillugu arlalinnik apeqqutissaqassaguit uunga attaveqarnissannut tikilluaqqusaavutit Immikkoortortami pisortaq Thomas Holm Jensen  oqa. (+299) 34 65 29, e-mail thoj@nanoq.gl

E-mailikkut qinnuteqaatit tiguneq ajorpavut.

Ulloq qinnuteqarfissaq kingulleq: Qinnuteqaatit Akileraartarnermut Aqutsisoqarfiup tigoreersimassavai kingusinnerpaamik ataasinngorneq 21. maj 2025.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.