SAQQUMMIUTEQQITAQ: Inulerivik marlunnik oqalutsissarsiorpoq

Immikkoortoq:
Facebook Twitter LinkedIn E-mail Udskriv

Qinnuteqarnissamut piffissaliussaq:
februaarip 23.-at, 2026 12:00

Saaffigisassaq:
Naja Lund Kielsen
+299 34 60 54

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Inunnik isumaginnittoqarfik

Nunap immikkoortua:
Kommuneqarfik Sermersooq

Naalakkersuisoqarfik:
Socialstyrelsen

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Inulerivimmi Tarnip Pissusaanik Ilisimasalinnik Tarnikkullu Katsorsaasunik suleqateqalernikkut Isumaqarluartumik suliffittaarusuppit?

Taava imaassinnaavoq Inulerivimmi suleqatitaarissagitsigit. Inulerivik – Nuna Tamakkerlugu Katsorsaavik Siunnersuisarfillu suliatigut nukittuumik tunniusimasumillu katsorsaavinnut allaffissornermullu oqalutsissarsiorpoq. Inuiaqatigiinni pingaarutilinnik suliaqarnermut ulluinnarnilu suliassanut isumaqarluartunut tunngatillugu ineriartornermi Inulerivimmi qitiusumik inissisimaffeqassaatit.

Inulerivik pillugu
Inulerivik meeqqanut, inuusuttunut inersimasunullu tarnikkut atugarliortunut katsorsaanissamullu tunngatillugu neqerooruteqartarpoq. Tamatuma saniatigut inersimasunut nakuusertartunut, kinguaassiuutinulluunniit tunngasunik pissusilersortartunut eqqarsaateqartartunulluunniit immikkut ittumik ingerlataqarnissamut Inulerivik neqerooruteqartarpoq. Inulerivik Kalaallit Nunaat tamakkerlugu kommunimi isumaginninnermik suliaqartunik qanimut suleqateqartarpoq aamma nuna tamakkerlugu katsorsaanermi pinaveersaartitsinermilu qitiusumik inissisimavoq.

Atorfik pillugu
Inulerivimmi oqalutsitut pingaarnertut katsorsaavinni torrutiinnarlugu oqaluttaaneq oqaloqatigiinnerniluunniit oqaluttaaneq suliassarissavatit. Tamatuma saniatigut oqalutsit Inulerivimmi nalinginnaasumik suliniutinut ikiuisassapput. Atorfik Nuummi Inulerivimmiippoq, tassanilu suleqatigiit suliatigut nukittuunut ilanngunnissaq periarfissaavoq taamaalillunilu ineriartornissaq aamma atorfimmut atatillugu suliarineqartussatut eqqarsaatigineqartunik atulersitsinissaq periarfissaassaaq.

Pingaarnertut suliassatit tassaapput:

Inulerivimmi oqaloqatiginninnermi oqaluttaaneq/torrutiinnarlugu oqaluttaaneq.
Inuleriviup qanimut suleqatigineratigut qallunaatuumiit kalaallisuumut killormullu allatanik nutserineq.
Suliassat allat soorlu kommunimut/kommunimit saaffiginnissutinik nutserineq.

Naatsorsuutigaarput illit:

Attuumassuteqartumik ilinniagaqartutit.
Isumaginninnermut suliassaqarfimmi oqaatsit ilisimasaqarfigigitit aamma suliassat assigiinngitsut eqqarsaatigalugit aqutsisoqarfik taaguusersuutinik assigiiaartumik atugassanik ineriartortitsisinnaaniassammat akisussaaffimmik tigusisinnaasutit.
Eqaatsumik suleriuseqartutit, kiffartuussinermi tunniusimasutit aallarasuarsinnaasutillu.

Ilinnut neqeroorutigisinnaavarput:

Suleqatigiit nuannersut peqatigalugit angalaneq.
Meeqqanik inuusuttunillu isumaginninnermut tunngatillugu politikkikkut suliniutini annertuunik paasisimasaqarneq.
Suliffik persuarsiorfiunngitsoq ataqqinnittumillu oqaloqatigiinneq, aamma ulapaaraluaraangatta.

Paasissutissat nalinginnaasut
Piffissaq tamakkerlugu (sapaatip akunneranut 40 tiimit) suliffiusassaaq aamma atorfik Nuummi katsorsaavitsinni inissisimavoq. Atorfimmut atatillugu angalangaatsiartarnissaq naatsorsuutigineqarsinnaavoq.

Paasissutissat allat
Atorfik pillugu paasisaqarnerorusukkuit Inulerivimmi aqutsisup Naja Lund Kielsen-ip oqarasuaataanut +299 34 60 54-imut e-mailianulluunniit nalk@nanoq.gl attaviginissaanut tikilluaqqusaavutit.

Ulloq 1. marts 2026 atorfik isumaqatigiissuteqarnikkulluunniit inuttalerneqarusuppoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.