Kalaallit nunaanni inuusuttut meeqqaat atuarfianniit inuusuttut ilinniarfiinut pitsaanerusumik ikaarsaarnissaata qulakkeerneqarnissaa, aamma ilinniarnermi ataqatigiissumik aaqqissuussami ingammik inuussutissarsiutinut atuarfinnut ingerlaqqinnissaannut kajumissaarneqarnissaat peqataaffigerusuppiuk? Suliniutit naggataanut naammassineri siulersornerilu aamma suliamut tunngasutigut, piviusorsiortumik peqqissaartumillu qaffasissusilimmik aaqqissuussineq sammivilersuinerlu nuannaraagit? Aamma aqutsisunut pimoorussillutik suleqatigiinnut sulianut tunngatillugu qaffasissunut suliarpassualinnullu ilaarusuppit? 
Taamaappat Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi Ilinniartitaanermut immikkoortortaqarfimmi illerpiaq amigaatigaatsigit.

Ilinniartitaanermut immikkoortortaqarfimmi allaffimmut pisortatut suliassaqarfimmut immikkoortortaqarfimmut pisortamut attaveqassaatit, immikkoortortaqarfiullu ulluinnarni aqutsisuinut ilaassallutit. Taamalu allaffissornikkut suliassat ilaannik aamma suliaqartassaatit, matumani ilanngullugu naalakkersuisoqarfiit akimorlugit suleqatigiissitat aqutsisoqatigiillu ataatsimiinneranni peqataasassallutit suliaqarlutillu, forstanderit rektorillu ataatsimiinnissai piareersartassallugit suleqataaffigissallugillu aamma naalakkersuisoqarfiup politikikkut allaffissornikkullu suliassai illit suliassaqarfippit iluaniittut suliassat ingerlanneqartarneranni torersuunissaat piffissallu eqquutsinnissaa qulakkiissallugu. 

Tamatuma saniatigut allaffimmi pisortatut aamma siunnersueqatigiinneq sulisunillu aqutsinermut tunngasut suliassat suliarisassavatit aamma naalakkersuisoqarfiup iluani suleqatigisallu allat soqutigisaqaqatigiinnullu suliassaqarfiit akimorlugit suliniutit ineriartortitsinermullu suliassat ilaaffigisassavatit.

Ilinniartitaanermut periusissiaq 2024-2030-mi nuna tamakkerlugu anguniakkap atuutsilersinnerani ingerlatsisutut pingaaruteqalissaatit ineriartornerlu kiisalu meeqqat atuarfianniit UU-mut ikaarsaarnerup atuutsilersinneranut, matumani ilanngullugit ingerlanermi tunngaviusut nutaat, ilitsersuinermik suliniuteqarneq aamma meeqqat atuarfiata, UU-p inuussutissarsiutinullu ilinniarnerit akornanni attaviliinissaq paaseqatigiinnissarlu pingaarnertut akisussaaffigilissavatit. Taamaattumik aamma piffissani suliffimmut atatillugu angalasarnissat naatsorsuutigineqassapput.

Suliassatit pingaarnerit ilaatigut makkuussapput: 
•    Suliassap suliarineqarneranut atatillugu allaffissornikkut suliassat Soorlu imaattut suliassat aalajangiiffigineqarneri, allagaatinik piniarneq il. il., tusarniaanermut akissutinik suliaqarneq kiisalu politikikkut sullissinerit suulluunniit tamaasa.
•    Pilersaarusiornermik, ataqatigiissaarinermik nakkutilliinerullu suliarineranik qulakkeerineq
•    EUD-mi suliassaqarfimmi suliniutinik pingaarnertut aqutsineq, ineriartortitsineq ataqatigiissaarinerlu 
•    EUD-mi suliassaqarfimmi ilinniartitaanermut periusissiaq 2024-2030-p atuutsilersinneqarnera qulakkiissallugu 
•    EUD-mut inatsisip nutaap tassungalu suut malittaajumaartut atuutsilersinnissaat qulakkiissallugu
•    Qulaaniittunut atatillugu ineriartornermut, ataqatigiissaarinermut pikkorissarnerit, isumasioqatigiinnerit suleqatigiinnerit ingerlannerinut akisussaaneq 
•    Allat 

Illit piginnaasatit
•    Uppernarsarneqarsimasumik aqutsinermut misilittagalik allaffissornermullu piginnaasalik
•    Kalaallit Nunaanni ilinniartitaanermut ataqatigiissumik ataqatigiissumik aaqqissuussamut, matumani ilanngullugit suliassaqarfinnut qulaani taaneqartunut politikimut inatsisinillu ilisimasaqarluartoq
•    Naleqquttunik ingerlaqqiffiusumik ilinniagaqarsimassasutit
•    Suliamut tunngasunik piginnaasaqarluartoq inuttullu sunniuteqartoq
•    Suleqatigiinnermik, ingammik sulianut tunngasut akimorlugit, pilersitsillaqqissoq
•    Aaqqissuussaasumik suleriaasilik, aaqqiissuteqarusuttoq ineriartornissamullu piareersimasoq
•    Akunnermiliuttoq oqaatsitsigut allakkatigut ersarissoq piginnaasalillu
•    Aaqqissuussaasumik, nammineersinnaasumik pitsaassutimillu sianiginnilluni sulisinnaasoq
•    Oqalunnikkut allattarissatigullu oqaatsitsigut piginnaasaqarluartoq, kalaallisoorsinnaasoq, tuluttorsinnaasoq qallunaatoorsinnaasorlu
•    Inunnik assigiinngitsumik assigiinngitsunik tunuliaqutalinnik attaveqallaqqissoq

Naalakkersuisoqarfiup ilinniartitaanermut tunngasunut suliassanut suliassaqarfia ulluinnarni aqutsisinnaanermut tulleriiaarinermullu allaffimmi pisortap piginnaasaannut annertuumik piumasaqaateqarpoq. Taamaattumik inuk patajaatsoq ulluinnarni ulapaarfiusumi sulisunik aqutseqataasinnaasoq kajumissaareqataasinnaasorlu atorfimmut naatsorsuutigineqarpoq.
 
Akissarsiat atorfeqarnermilu atugassarititaasut 
Atorfik akissaateqarfimmi LR 36-mi maanna inissisimavoq.  1. april 2025 LR 36-mi akissarsiat imak isumaqagitiissutigineqarnikuupput qaamammut  Kr. 54.247 ukiumullu Kr. 650.964

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.


Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunaanni Namminersorlutik Oqartussat kattuffiullu isumaqatiginninniarsinaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq  Atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Naalakkersuisoqarfik pillugu:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik Namminersorlutik Oqartussat ilagaat taamalu aaqqissugaavoq politikikkut aqutaq, politikikkut qaffasissusilimmik sullissinermik, ilinniartitaanermut suliassaqarfiit tamarmiusut iluani immikkoortortavut tamakkerlugit kiisalu ilinniartitaanermut suliassaqarfimmut tamarmiusumut ineriartornermik inatsisiliornerlu sulialik. Ulluinnagut ulapaarfiupput allanngorarlutillu, piffissarlu ilaa ilinniartitaanerup iluani ineriartortitsinermut paasissutissanillu katersinermut tunniussuinermullu atortarparput. 

Qinnuteqarneq 
Qinnuteqaat, CV nutartigaq, ilanngussallu attuumassutillit "qinnuteqaat nassiuguk" toorlugu nassiutikkit. Qinnuteqarnissamut killissarititaq tassaavoq ulloq 10. juli 2025
Atorfik pillugu paasisaqarnerorusukkuit tikilluaqqusaavutit uunga saaffiginninnissamut Immikkoortortaqarfimmi pisortaq Trine Egede oqarasuaat +299 559147.

Aallartisarneq 
Isumaqatigiissuteqarnikkut