AQQUMMI inerisaanermik siunnersortimik/Immikkut siunnersortimik pissarsiorpugut. Atorfiup inuttalernissaa kissaatiginarpoq Juunip aallaqqaataani imal. taassuma kinguninngua pissasoq.  

Uagut pilluta
AQQUT suliffeqarfiuvoq pissanganartoq, eqeersimaartoq assigiinngitsorpassuarnik ukioq naallugu pisoqarfiusartoq.  AQQUT assigiinngitsunik tunuliaqutalinnik 8-inik sulisoqarpoq atuartitsisunik, inerisaanermik siunnersortit/immikkut siunnersortit allaffimmiorlu. Assigiinngitsunik ilinniakkatigut tunuliaqutaqarpugut kiisalu suiaassutsitsigut ukiutigullu aamma assigiinngitsuulluta.
AQQUT aaqqissuussaanikkut Ilinniartitaanermut, Kultureqarnermut Ilageeqarnermullu Naalakkersuisoqarfiup ataani inissisimavoq ilaatigullu siunertaralugu aqqutissiuussinerup naliliiviginissaa inerisarnissaalu kiisalu ilinniarfinni assigiinngitsuni aqqutissiuussisut ilinniartitaanerannik pikkorissarnerannillu neqeroornissaq.
Suleqatigiiuvugut aqqutissiuussinermik suliaqarnermik soqutigisaqarluartut. Ulluinnarni suliagut pillugit eqqartueqatigiissinnaaneq isumasioqatigiissinnaanerlu pingaartippagut soorlu aamma suleqatigiit akornatsinni sulinermi atugassarititaasut pitsaasuunissaat pingaartikkigut. Suleqatigiittut suliniutit assigiinngitsut akimorlugit aqqutissiuussinerup inerisarneqarnissaa anguniarlugu sulivugut. Aqqutissiuussinermik suliaqartunut, allanut suleqatigisatsinnut soqutigisaqaqatigisatsinnullu saqqumilaarnissarput, kajumisitsilernissarput aqqutissiuussinissarpullu pingaartipparput.  

Atorfik pillugu
AQQUT inerisaanermik siunnersortimik/Immikkut siunnersortimik kivitseqataasinnaasumik pissarsiorpoq. Inerisaanermik siunnersortimik tamatigoortumik, siumut isigisumik iliuuseqarsinnaassusilimmillu pissarsiorpugut, aqqutissiuussinermik suliaqarusuttoq aqqutissiuussinermullu tunngatillugu isumassarsiullaqqissoq angusaqarusussuseqarluartorlu. Inerisaanermi siunnersorti inerisaanermi suliniutinik aqutsisutut akisussaaffeqassaaq naatsorsuutigineqarporlu suliniutinik aqutsinermik ilinniagaqareersimanngikkuni ilinniakkamik ingerlatsissasoq. 

Ulluinnarni suliassat ingerlaavartut assigiinngitsut immikkoortortaqarfiup akisussaaffii suleqataaffigissavai, soorlu pikkorissartussat angalanissaannik inniminniineq, aqqutissiussisunik ataatsimiitsitsineq kiisalu ataatsimeersuarnissanut seminarinullu piareersaaqataaneq. 

Inerisaanermik siunnersortip/Immikkut siunnersortip sinerissami ilinniartoqarfinni aqqutissiuussisut suleqatiginissaat akisussaaffigissavaa, inatsisitigut allannguutit aqqutissiuussinermilu pisut nutaat pillugit malinnaatitsinissaq isumagissallugu. Naalakkersuisoqarfinnik ilinniartitaanermut inuussutissarsiutinullu tunngassuteqartunik qanimut suleqateqarnikkut suliaq ingerlanneqassaaq.  


Inerisaanermik siunnersortip/Immikkut siunnersortip suliassarai:
•    Aqqutissiuussinermut atatillugu suliassanik ingerlatsineq, tassani eVejledningi aamma     
     suliassanut ilaalluni
•    NLL-imut suliassanik isumaginninneq (Nordisk Netværk for Livslang Læring)
•    Immikkoortortaqarfimmi allaffissornermi assigiinngitsunik suleqataaneq IRIS-imullu
     ilisimasaqarneq
•    Aqqutissiuussinermut tunngatillugu inerisaanermik suliniutinik aqutsineq 
•    Majoriaqarfinni ilinniarfinnilu aqqutissiuussisut nunatsinni Danmarkimilu ilinniartitaanerni
      maleruagassanik atuuttunik ilisimasaqarnissaannik qulakkeerinninneq 
•    Meeqqat Atuarfiisa, ilinniarfiiit Majoriaqarfiillu akunnerminni suleqatigiinnerannik
     inerisaaqataaneq 
•    Pikkorissaanernik suleqatigiissuteqarnernillu (workshops) pilersaarusioqataaneq
     ingerlatseqataanerlu 
•    Atuartunut, ilinniartunut aqqutissiuussisunullu aqqutissiussinermi atortussanik
     inerisaanermi peqataaneq 
Nalinginnaasumik naatsorsuutigineqarpoq:

•   Suleqateqarluarsinnaassasutit sulinerillu aaqqissuussaalluakkamik ingerlassinnaallugu 
•   Ineriartornissamut pingaartitsisutit
•   Aqqutissiuussisutut tunngaviusumik ilinniagaq ingerlassimassagit imaluunniit
    aqqutissiuussinerup iluani allamik ilinniagaqartutit
•   Ilinniarnermut tunngassutilinnut ilisimasaqarluartutit
•   Ammasuusutit inussiarnersuullutillu kiisalu suliassanut tunngatillugu
    nammineersinnaassuseqartutit, ujartuisinnaallutit angusaqarluarniartuusutillu
•   Suleqatissat susassaqartullu allat qanimut suleqatigalugit Meeqqat Atuarfianni
    aqqutissiuussinermik ineriartortitsinissamik misilittagartutit soqutigisaqartutillu 
•   Nunanik Avannarlernik suleqateqarnermik misilittagaqarneq imal.
    misilittagaqalerusunneq
•   Ataatsimut isiginnissinnaassuseqarneq ulapaarfimmilu Naalakkersuisoqarfiit arlallit
    qanimut suleqatigalugit sulisinnaaneq, kiisalu ingerlatsinerni paasilertoruminaatsuni 
    ataqatigiissaralunilu aqutsisinnaaneq
•   Kalaallisut, danskisut tuluttullu oqalunnikkut allannikkullu paasinarluartumik
    attaveqarsinnaaneq
•   Bacheloritut ilinniagaqarsimanissat kissaatiginarpoq 



Qinnuteqaat qinuteqarfissarlu kingulleq:
Inerisaanermik siunnersortimik inuttassarsiorneq soqutiginnilersitsisimappat imal. atorfik pillugu paasissutissanik annertunerusumnik pissarserusukkuit, AQQUMMI aqutsisuugallartoq Helle Hansen Rosing attavigisinnaavat oqarasuaatikkut: +299 346843, imal. e-mailikkut: hhro@aqqut.gl. 

Qinnuteqaat AQQUMMIT tiguneqareersimassaaq kingusinnerpaamik 2. maj 2025. Qinnuteqarfissatut killiliussap kinguninngua qinnuteqartunik oqaloqateqarnerit ingerlanneqarnissaat naatsorsuutigineqarpoq.
Atorfiniffissaq: 1. juni 2025 tamatumaluunniit kinguninngua.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.