Inuiaqatigiilerinermik, Aningaasaqarnermik Tusagassiornermillu Ilisimatusarfik, Innuttaasut Peqqissusiannik Ilisimatusarfimmik suleqateqarnermigut ilisimatusaatitut ingerlassaata annertunerusup ilaattut suliniutaanut atatillugu ph.d.-tut ilinniartussarsiorpoq. Kalaallit Nunaanni meeqqanik kinguaassiuutitigut atornerluisarnerup pinaveersaartinneqarnissaa akiorneqarniarnissaalu suliniummi siunertarineqarpoq.

Ukiuni pingasuni killileriikkamik atorfeqartitsisoqassaaq. Januaarip aallaqqaataani 2026, imaluunniit tamatuma kingorna piaarnerpaamik, aallartinnissaq naatsorsuutigineqassaaq. Atorfik sapaatip akunneranut 40 tiimit suliffiuvoq.

Najukkani inuiaqatigiinni isumalluutit, nukittuffiit aamma naleqartitat immikkut qitiutillugit Indigenous Knowledge kulturimilu pisaatsit ulluinnarni pinaveersaartitsinermut qanoq tapersiisinnaanersut misissuivigineqarput. Tamatuma saniatigut najugaqarfinni ingerlanneqartut ineriartortinneqarsimasut, siullertut pingaarnertullu, Kalaallit Nunaanni meeqqanik atornerluisarnermut pinaveersaaqataatitsisussat peqqissaartumik misissorneqassapput, aammattaarli ingerlanneqartut pingaaruteqassusaat sumiiffinnilu allani atorneqarsinnaanersut nalilersorneqarnissaat siunertarineqarpoq.

Siunertarineqartoq tassaavoq ilisimasanik, nunat inoqqaavinut allanut Indigenous Communitiesinut ingerlateqqitassaasinnaasunik tulluarsarneqarsinnaasunillu pilersitsinissaq, taamaasillunilu nunat killingi akimorlugit meeqqat isumannaatsuunissaannut siuarsaaqataanissaq. Ph.d-nngorniutigalugu suliniut Center for Children, Adolescent Research Environmentimut (CARE) ilisimatusarfik aallaavigalugu ingerlanneqarpoq.

Ukua neqeroorutigaagut

• Tunngaviusumik ilinniagaqarnermut misilittakkanullu naleqqiullugu suliniutip inaarutitut nassuiarneqarneranut sunniuteqataanissamut periarfissaq.
• Instituttit aamma ilisimatusarfiit assigiinngitsut suleqatiginerisigut suliassaqarfiit assigiinngitsut akimorlugit suleqatinik imminnut tunniusimasunik avatangiiseqarneq.
• Kalaallit Nunaanni meeqqat, inuusuttut inuiaqatigiillu pillugit immikkut ilisimasalinnik aamma misilittagalinnik ilisimatusartunit siunnersorneqarneq aamma siunersiueqateqarneq.
• Najukkani inuiaqatigiit qanimut suleqatiginissaannut aamma suleriaatsinut toqqaannartumik attuumassuteqartunik ilisimatusarnernut tapersiineq.
• Attaveqarfiit nunanit tamalaaneersut taakkualu suleqatiginissaannut periarfissat, tamatumunnga ilanngullugu Indigenousit sammiviliinerannik aallussaqarneq.
• Ilinniartutut avatangiisit peqataatitsisuusut, tamatumani suliatigut inuttullu ineriartorneq pingaartinneqarluni.

Ukununnga atatillugu piukkunnaatilimmik ujaasivugut

• Naleqquttumik ingerlaqqiffiusumik ilinniarsimasoq (ass. inuiaqatigiilerinerup, inuup ineriartorneranik ilisimatusaatit, isumaginninnermik suliaqarnerup, peqqinnissamut suliassaqarfiilluunniit assingusut iluanni).
• Kalaallisut, tuluttut qallunaatullu oqaatsinik allattariarsornikkut oqaluttariarsornikkullu qaffasissumik atuisinnaaneq.
• Najugaqarfinni inuiaqatigiit aamma Indigenous Knowledge pillugit sulinissamut soqutigisaqarneq misilittagaqarnerluunniit.
• Missueqqissaarsinnaaneq, namminersorluni aamma allanik suleqateqarluni sulisinnaaneq.
• Ilisimatusarnernut meeqqat atugarissaarnissaannut isumannaatsuunissaannullu toqqaannartumik attuumassutilinnut taperseerusussuseqarneq.
• Ph.d.-nngorniatut allatsinnissamut piumasaqaatinik aamma eqquutsitsineq.

Ilisimatusarfimmi ph.d.-tut ilinniagaq ukiunik pingasunik sivisussuseqarpoq piffissaq tamakkerlugu ilisimatuutut misissuinermik imaqartoq, tamatumani nammineq suliniutit pillugu namminersorlutit sulissaatit ilisimatusarnermilu avatangiisit eqeersimaartut peqataaffigissavatit. Ilinniakkamut ilaapput fagini peqataaneq, inernernik paasissutissiorneq, ilisimatuutut allaaserisanik saqqummersitsineq kiisalu nunamut allamut piffissami sivisunerusumi ilisimatusariarneq. Siunertarineqartoq tassaavoq nunani tamalaani qaffasissutsinut naleqquttumik ilisimatusartunik namminersortunik ilinniagaqartitsinissaq.
Paasisaqarnerorusukkuit ilisimatusarfimmi CARE-mi aqutsisoq Bonnie Jensen attavigisinnaavat uunga boje@uni.gl imaluunniit 228971

Atorfimmut Ph.d-inngorniatut atorfinitsitseriaaseq
Atorfinitsitsinermut atatillugu ataatsimiititaliap qinnuteqaatit tiguneqartut tamaasa suliarissavaat.

Qinnuteqaat
Tunngavilersukkamik qinnuteqaat aamma CV ilinniarsimasat siornatigullu suliarisimasat pillugit paasissutissartalik, kiisalu soraarummeersimanermut uppernarsaatit assilineri filitut ataasinngorlugit nassiunneqassapput.
Qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae.
Ilanngussaq 2: Soraarummeersimanernut uppernarsaatit.
Ilanngussaq 3: Inuit pingasut tikillugit oqaaseqaatinik aallerfiusinnaasut attaviginissaannut  paasissutissanik tunniussineq.
Ilanngussaq 4: Ilaatigut saqqummersissimasat aamma/imaluunniit ilaatigut ilisimatuutut misissuilluni paasissutissiornermilu suliat kiisalu ilinniartitsisimanerit allattorsimaffiat.

Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.