Sillimmasiisarnermi siunnersorti

Immikkoortortaqarfimmi politikkikkut annertuumik eqqumaffigineqartumi sillimmasiissutinik, Risk Management-imik aqutsinermillu suliaqarnissat kajungeraajuk?

Ineqarnermut, Attaveqaasersuutinut Isorliunerusunullu Naalakkersuisoqarfimmi Sanaartornermut Immikkoortortaqarfik siunnersortimik/AC-fuldmægtigimik tunniusimasumik, Namminersorlutik Oqartussani sillimmasiisarnermik suliaqarnermut nukittorsaasussamik pissarsiorpoq. Atorfik ulorianartorsiorfinnik aqutsinermik, allaffissornermik, suliassaqarfimmilu periusissiornikkut suliassanut tapersersuinermik suliaqarfiuvoq.

Sanaartornermut Immikkoortortaqarfik pillugu
Sanaartornermut Immikkoortortaqarfimmi suliassarpassuit, ineqarnermiit attaveqaasersuutinilu sulianit angisuuniit illuutinik ingerlatsinermut, sillimmasiissutinut, aningaasanut inatsisilerinermut aammalu digitaliusumik ineriartortitsinermi sulianut tunngasut isumagineqarput. Naalakkersuisut aalajangiinissamut tunngavissat, periusissiat misissueqqissaarnerillu aqqutigalugit tapersersorpagut, aammalu kommunit, ingerlatseqatigiiffiit sinnersortillu qanillugit suleqatigalugit.

Atorfik pillugu
Sillimmasiisarnermi siunnersortitut Namminersorlutik Oqartussani sillimmasiissutit tamarmiusut ingerlanneqarnerinut, allaffissornermut ineriartortitsinermullu tapersersuinissaq namminersorfigalugu akisussaaffigissavat. Atorfimmi immikkoortortaqarfiup immikkut ittumik siunnersortaa/siunnersortaanera qanillugu attaveqarfigineqarpoq, aammalu ulluinnarni ataqatigiissaarinermi malinnaanermilu qitiusumik inissisimaffeqassaatit.
Suliassatit pingaarnerit tassaassapput:

• Namminersorlutik Oqartussat sillimmasiissutaannik ingerlatsineq aqutsinerlu – suliassaqarfinni imminut sillimmasiiffiusuni aammalu niuernermiktunngaveqarluni sillimmasiiffiusuni.
• Ajoqusernernik sulialinnut attaveqartarneq, aammalu ajoqusernerit suliarineqarnerini pitsaassutsinik qulakkeerniarlugu piffissarlu eqqorlugu iliuuseqarnissaq anguniarugu malinnaaneq.
• Sillimmat.gl-imik nutarterisarneq ineriartortitseqqinnerlu, kiisalu sillimmasiisarnermi kisitsisitigut paasissutissanik katersuisarneq suliaqartarnerlu, taakkununngalu ajoqusernernut kisitsisitigut paasissutissat ilaatinneqarput.
• Namminersorlutik Oqartussani immikkoortortanik takuniaanissamut pilersaarusiortarneq, ingeniørinut immikkoortortanullu attaveqartarneq, kiisalu suliaqarnermut atatillugu ikiuuttarneq.
• Takuniaanerniit inassuteqaatinik malitseqartitsisarneq, aamma politikkit malinneqarnissaannik nutarterneqarnissaannillu qulakkeerisarneq.
• Ikuallattoornissamut misissuinernik pilersaarusiortarneq, aamma pilersuisut suleqatigalugit qatserinermi atortunik misissuisarneq, tassungalu nuna tamakkerlugu ataatsimut pilersaarusiornissaq ilaavoq.
• Periusissianik ineriartortitsinermut, neqerooruteqartitsinermut missingersuutinillu malinnaanermut atatillugu ikiuuttarneq, kiisalu Aningaasanut Inatsisiliornermi isummersuisarneq.
• Immikkoortortaqarfimmi siunnersortaaneq suleqatigalugu attaveqaasersuutinut pisariaqartunut upalungaarsimanermik ineriartortitsineq.

Piukkunnaatilik eqqortoq

• Attuumassutilimmik ilinniagaqarneq iluaqutaassaaq, piumasaqaataanngilarli.
• Aqutsinermik allaffissornermillu soqutigisalik. Tamatumunnga misilittagaqarneq iluaqutaassaaq, piumasaqaataanngilarli.
• Sillimmasiissutinik, Risk Management-imik pisortalluunniit aqutsinerannik soqutigisalik, ajornanngippallu misilittagalik, tassungalu aningaasaqarneq ilaatinneqarpoq.
• Ataqatigiissumik sulisinnaasoq, aamma sulianik ingiaqatigiinnik amerlasuunik suliaqarsinnaasoq.
• Ingerlatitseqqinnissamut nukittuffilik, allakkatigut oqaluinnarnikkullu.
• Suleqateqarnissamik pingaartitsisoq, aammalu suliffeqarfiup iluani avataanilu sullissisunik attaveqarnissamik nuannarisalik.
• Tulleriiaarisinnaasoq, misissueqqissaartoq aammalu immikkoortukkaanik ilivitsuusunillu suliaqarsinnaasoq.

Neqeroorutigaavut

• Atorfik tamatigoortoq unammillernartorlu, politikkikkut aalajangiisarnerit qanillugit suliaqarfiusoq.
• Avataaniit siunnersortinik, ingeniørinik suliffeqarfiullu iluani suleqatinik suleqateqarnerit pissanganartut.
• Suliffeqarfik nutaaliornermik, ineriartortitsinermik sulianillu aallussiffiusoq.
• Sullivimmi avatangiisit pingaartorsiorfiunngitsut, tunniusimasunik suleqateqarfiusut aammalu ulluinnarni nuannisarnissamut inissaqartitsiffiusut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.