Applikationssupporterinngorit – Kalaallit Nunaanni qitiusumik allattoqarfimmilu allanngueqataallutit!
Allanut ikiuunneq, qarasaasiaqarnernut tunngasunik suleqatillu oqinnerusumik ulluinnaqarnissaat sulissutigissallugu nuannaraajuk?
Taava atorfiuteqarpugut, tassanilu ullut tamaasa iliuutsitit sunniuteqarsinnaapput.
Digitalinngortitsinermut Aqutsisoqarfimmi applikationssupporterissarsiorpugut, taannalu nalunaarsuinermut systemimut F2-mut suleqataarusussuseqassaaq, systemi ulluinnarni Qitiusumik Allattoqarfimmi sulisunit 1.000-it missaanniittunit atorneqarpoq.
F2 ilisimareertariaqanngilat. Ilisimasaqarnerli iluaqutaasinnaavoq, kisianni qanorluunniit inissisimagaluaruit aallartikkuit ilinniartilluarneqarumaarputit. Atorfik sumut attuumassuteqarpa?
Applikationssupporteritut suleqatigiit ikitsut pikkorissullu ulluinnarni suleqatigissavatit. Pingaarnertut suliassatit tassaassapput:

• Ulluinnarni F2-mi sulisut ikiorlugillu ilitsersornissaat
• Atuisut pilersuisullu peqatigalugit ulluinnarni supporteriinerit annikitsut
• Systemi pitsaanerpaamik qanoq atorneqarsinnaanersoq ilitsersuussillutillu ikiuissaatit
• Suleriutsit pitsanngorsarnissaannut aammalu paasissutissat uppernarsaatillu pitsanngorsaarnissaannut ikiuunneq

Taakkualu saniatigut F2-Produck Owner suleqatillu ukunannga ikiussavatit:

• Suleriutsit aalajangersimasut atornissaat, pitsanngorsaanissaq suleriutsillu pitsanngorsarnissaat taamaalilluni F2 assigiissaakkamik atorneqalersillugu suliffeqarfimmilu atornera pitsanngorsaaffigalugu
• Ilinniutit sungiusaatillu (ass. ilitsersuutit, nittartakkatigut ilinniutit hands-on-imillu taasamik ilitsersuutit) inerisaaqataaffiginissaat
• Suleqatit F2-Produck Ownerilu peqatigalugit systemip sulianik naammassinninnissaanut inerisarnissaa

Qarasaasialerisut, suliffeqarfimmi sulisut avataaneersullu suleqatigisat qanimut suleqatigissavatit – pisortaqarfinni digitalinngorsaaneq qanoq ingerlanneqarsinnaanersoq paasisaqarfigingaatsiarlugulu misilittaaffigissavat. Kinaavit?
Takorloorparput:

• Qarasaasialerinerup iluani piginnaasaqarnissat naapertuuttumilluunniit ilinniarsimanissat - misilittagaqarnissalluunniit
• Namminersorlutit suleqateqarlutilluunniit sulinermik nuannarisaqarnissat
• Ilakkuminartuunissat, sullisserusuttuunissat ikiuinermillu nuannarisaqarnissat
• Aaqqissuussaasumik sulisinnaassasutit ukkataqarsinnaassasutillu – aamma saaffiginnittut amerlagaluaraangata
• Allannguerusussuseqarnissat allallu sulinerinut naleqalersitserusunnissat
• Qarasaasianut, systeminut digitalimillu suleriutsinut soqutigisaqarnissat
• Qallunaatut, tuluttut ajornanngippallu kalaallisut sapinnginnissat
• Pinerlussimannginnermut uppernarsaateqarnissat

Pingaarnerpaatitarput tassaavoq kajumissuseqarnissat, alapernaatsuunissat ilikkarusussuseqarnissallu – aallaqqaammut suut tamaasa ilisimasariaqanngilatit. Suut neqeroorutigisinnaavagut?

• Suliffeqarfimmi inuiaqatigiinnut sunniuteqarluartumi atorfik imartooq
• Piginnaasatit aallaavigalugit paasissutissiineq ilitsersuinerlu
• Ullut assigiinngisitaartut, akisussaaffik sunniuteqarsinnaassuserlu
• Suliffimmi avatangiisit qeratanngitsut ikioqatigiiffiusullu
• Sulisut pikkorissut aallussisullu qanimut isumasioqatigisinnaaneri
• Qarasaasiaqarnerup, supportip digitalinngortitsinerullu iluani piginnaasatigut ineriartorsinnaaneq

Digitalinngortitsinermut Aqutsisoqarfimmi, Kalaallit Nunaanni digitalinngortitsinermut siuttuuffiusumi, atorfinissaatit. Uagut pilluta
Digitalinngortitsinermut Aqutsisoqarfimmi Kalaallit Nunaanni digitalinngortitsineq isumannaatsoq nutaaliaasorlu sulissutigineqarpoq.
Sulisut 35-t missaanniippugut, Naalakkersuisut Siulittaasuata Naalakkersuisoqarfiata ataani inissisimavugut.
Uani paasisaqarnerugit Digitalimik.gl

Unammilligassanut nutaanut piareerpit?
Taava qinnuteqaatit kingusinnerpaamik [indsæt deadline] nassiuguk.
Apeqqutissaqarpit?
Immikkoortortaqarfimmi pisortaq, Aputsiaq Gudbrand Petersen, attavigiuk:
                                 Mail: apu@nanoq.gl
                                 Oqarasuaat: +299 345887
Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.