Immikkoortoq:FacebookLinkedInE-mailUdskrivQinnuteqarnissamut piffissaliussaq:juulip 25.-at, 2025 12:00
Saaffigisassaq:Egon Skindhøj
346726
Atorfinitsitsinerup suussusaa:Piffissaq tamakkerlugu suliffik
Atorfinitsitseriaaseq:Isumaqatigiissutit tunngavigalugit piumasaqaatit
Suliassaqarfik:Aningaasaqarneq aningaasarsiornerlu
Nunap immikkoortua:Kommuneqarfik Sermersooq
Naalakkersuisoqarfik:Regnskabsafdelingen - DcR
Aqqusinersuaq 5
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit
http://www.naalakkersuisut.gl/job
Namminersorlutik Oqartussani Qitiusumik naatsorsuuserivik (DcR) pikkorissumik aamma pimoorussisumik Siunnersortaanermik pissarsiorpoq.
Aningaasaqarnermut- aamma Sulisoqarnermut Aqutsiveqarfiup ilaattut Aningaasaqarnermut Tunngasunik aamma immikkut ittumik Naatsorsuuserivik Qitiusumik naatsorsuuserivimmi immikkoortortaavoq. Immikkoortortaqarfik piffissap ilaani ulapaarfiusarpoq, taamaattorli suleqatigiinnermik nukittuumik aamma suliffimmi avatangiisinik pitsaasunik atugaqarluni suliffiulluni. Naatsorsuuserivimmi anginerusumi suleqatigiit ikittunnguuvugut.
Illit namminersorluinnarlutit suliassat makku ingerlatissavatit:
- Namminersorlutik Oqartussat naatsorsuuseriviani naatsorsuuserinermi pilersaarusiornerit aamma ingerlatsinerit.
- ASA-mi suleriutsit, ingerlatseriaatsit aamma suleriaatsit pillugit suleqatinik aamma ilinniartunik suleqateqarnerit kiisalu ilinniartitsinerit.
- Periutsimut ERP-mut attuumassuteqartunik ilitsersuutinik aamma suleriaatsinik ineriartortitsinermut aamma nutarterinermut peqataaneq.
- Suliffeqarfiup iluani pissusissamisoortutut nalilerneqarpat suliakkersuinermi ataqatigiissaarineq.
- Ingerlaavartumik pitsaassutsimik qulakkeerinninniarluni Ilitsersuutinut aamma allaaserinninnernut pissarsiffiusumik utertitsisinnaaneq.
- Immikkoortortami pisortap peqannginnerani sulisut aamma ilinniartut naleqquttunik suliaqarnissaat qulakkeerlugu.
- Kukkunersiuisut avataaneersut suleqatigalugit ukiup naaneranut atatillugu suliassanik ataqatigiissaarinermi peqataaneq.
- Aningaasaqarnikkut aqutsissutini Prisme-mi aamma IRIS-mi aningaasaqarnikkut naatsorsuutinik nalunaarsuinerit.
- Akissarsianik ilinniagaqarnersiutinillu tunniussuinerit
- Naatsorsuutini killiffinnik akiligassanik naligiisitsineq
- Namminersorlutik Oqartussat naatsorsuusiornermi atortagaannik IRIS-imik ilinniartitsineq ilitsersuinerluunniit
- Suliareqquneqartartut assigiinngitsut
Naatsorsuutigaarput illit:
- naatsorsuuserinermut tunngasutigut attuumassutilimmik ilinniagaqarsimasutit
- aningaasaqarnermut naatsorsuuserivimmi minnerpaamik ukiuni arfinilinnik inuussutissarsiutigalugu misilittagaqartutit
- inunnik allanik assigiinngitsunik suliaqarnikkut tunuliaqutalinnik suleqateqarusussuseqarlutillu ilitsersuerusussuseqartutit
- ataatsikkut arlalinnik suliaqarnermi takunnissinnaassuseqartutit
- Ilinniaqqinnermut ingerlaqqillunilu ilinniartitaanermut peqataanissamut piareersimasutit
- Namminersorlutik Oqartussat naatsorsuuserinermi periusaanut ilisimasaqartutit (iluaqutaasinnaavoq, kisiannili piumasaqaataanani – ilinniartitsisoqassaaq)
- Qaffasissumik imminut aqussinnaassuseqartutit
- patajaatsuusutit pimoorussisuullutillu
Neqeroorutigaavut:
- suliffik pissanganartunik avatangiisilik
- Ilinniarsimasatigut inuttullu siuarsarneq
- assigiinngisitaartunik aamma isumalinnik suliaqarneq, aaqqiissutissatigut illit sunneeqataaffigisinnaasatit
- suleqatit pikkorissut kajumissuseqartullu
Atorfiniffissaq: 15. august 2025 isumaqatigiissuteqarnikkulluunniit.
Atorfik pillugu paasisaqarnerorusukkuit Naatsorsuuserinermi pisortamut Egon Skindhøj
egsk@nanoq.gl-mut imaluunniit oqarasuaat 34 67 26-mut attaveqarnissannut tikilluaqqusaavutit.
Qinnuteqarnissamut killissarititaq tassaavoq ulloq 29. juli 2025.
Aningaasarsiatigut atorfinitsitaanermilu atugassarititaasutAkissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
NajugaqAtorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.