Pinngortitaleriffik misilittagalimmik siunnersortinik ujaasivugut piaarnerpaamik sulilertussamik imaluunniit isumaqatigiinnikkut kingorna.

Atorfik assigiinngiiaartunik suliassartaqarpoq, suliassatigut inuttullu unammillernartoqartartumik.

Pinngortitaleriffiup allatseqarfiani sulisut tunniusimasuupput iluminni aammali immikkoortortaqarfinnik assigiinngitsunik qanimut suleqatiginnittartunik. Taamaattumik suleqatissarsiorpugut suliaminut pikkorissumik, suleqatiginnikkusuttumik qiimasumillu.
Aningaasaqarnermi imm. suliassaqarfii makkuupput soorlu:

• Aningaasartuutit nalilersorneri ingerlaatsillu nakkutigineri
• Pinngortitaleriffimmi ulluinnarni ingerlatsineq nakkutigalugu
• Missingersuutit naatsorsuutillu
• Fakturanik akuersisarneq naatsorsuutinik allattuineq
• Fakturalerinerit assigiinngitsut
• Allatseqarfimmi isumagisassat (journali, arkivi, oqarasuaat, allagarsiat, inniminniinernillu suliaqarneq)
• Karsimi tigoriaannaat aqullugit
• Allaffissornermi ingerlaatsit pitsaasuunissaat qulakkeerniarluarlugit atoruminarsartarlugit
• EUmit aningaasaliissutit nalunaarsorneqarnerinut ikiuulluni
• Pinngortitaleriffiup umiarsuaatileqatigiiffiata allaffeqarfiani umiarsuatsinnilu attaveqarnissamut ikiuulluni (MARAD)

HR-ip suliassaqarfii makkuupput soorlu:

• Atorfinitsitsinermi aqutsisut tapersersorlugit, ilaatigut atorfinnik nalunaarsuinermi pitsaassutsimik qulakkeerineq, qinnuteqartunik misissuineq, pilersaarusiorneq aamma atorfimmut apersuinernut peqataaneq.
• Akissarsiat pillugit paasissutissat, sulinngiffeqarneq napparsimalerneq pillugit aqutsineq aammalu inatsisit atuuttut aammalu isumaqatigiissutit malinneqarnissaat qulakkeerlugu
• Sulisunik politikkimik atuinissaq aammalu aaqqissuuteqqinnernut atatillugu HR.imik suliamik tapersersuineq
• Sulisoqarnermut apeqqutigineqarsinnaasunut pisortanut sulisunullu avitseqatigiissinnaanermut tunngassutillit
• Atorfinittsitsinernut soraarsitsinermut seniorordninginut tunngatillugu isumaqatigiissutinut ikiuuttassaaq aammalu tassunga atatillugu oqaloqatigiinnernut peqataarsarluni

Piginnaanigitikkusutat:

• Merkonom’imut, HD’tut assingusumulluunniit naapertuuttumik ilinniarsimanissat.
• Pisortani allaffissuussinissamut aningaasatigut ingerlatsinissamut misilittagaqarluarnissaq
• Aaqqissuussilluartartoq, tamakkiisumik isiginnissinnaassusilik, torersuunissaq akisussaassuseqartuunissarlu
• IT-lerissutit atorsinnaassavai (Microsoft Office, bookingsystem, IRIS, ERP il.il.)
• Sullissillaqqissuuneq
• Ullormi suliffiusumi allanngorartaqisumi assigiinngiiaartumik suliaqarsinnaassusilik 
• Sulisinnaassuseqarluarneq

Kalaallit Kulturiannut inuiaqatigiinnullu  kalaallinut ilisimanninninnissaq pisariaqarpoq.
Neqeroorutigaagut:

• Suleqatit pimoorissisinnassusillit
• Nammineerluni akisussaaffeqarlunilu suliaqarnissamut periarfissiisuuvoq
• Suliffik pitsaasumik avatangiiserissaartoq

Allaffeqarfiup tamakkiisumik suliassaasa isumaginissaannut suliaqassaatit, aammali nammineq akisussaaffigisannik suliassaqartinneqartussaallutit.
Suliassat agguataarneqarneri ataavartumik tulluarsaaffigineqarsinnaasuupput.
Atorfik sukkanerpaamik inuttassarsiorneqarpoq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.