Greenland Business School / Niuernermi ilinniarfimmi attaveqaqatigiinnermi sullissisussaq
attaveqaqatigiinneq siammarterinerlu ilinniartitaanerup silarsuaani suliarerusuppigit, ilinniarfimmilu eqeersimaartumi sulinermut ilaalerusuppit? Taava illiuvoq ujagarput.

Greenland Business School tassaavoq ilinniarfik eqeersimaartumik Namminersorlutik Oqartussat ataani inissisimasoq, ilinniakkanik suliffeqarfiit pisortallu peqatigalugit neqeroorutilik. Greenland Business School/NI ilinniakkat nutaat, ineriartortitsinissarlu qitiutippai, angusaqarluarnissamik ilinniartussanillu kajungilersitsinissamik nukittorsaanissaq anguniarlugu aammalu inuussutissarsiornerup silarsuaata pisariaqartitaanut naapertuuttumik piginnaasatigut sulisoqalernissaanut.   

Suliassatit:
Attaveqaqatigiinnermi sulisutut qitiutillugu atuarfiup attaveqaqataa, atuarfimmilu pisartut qitiutillugit pilersaarusiortarnissaq naammassinnittarnissarlu. Atuarfiup aqutsisui, ilinniartitsisui kiisalu avataaniit suleqatigisat suleqatigilluassavatit, GBS-illu nittarsaanneqarnera, kalaaliusutullu ilinniartitaaneq, suliffeqarnerlu tunaartaralugit nukittorsassallugit.

Akisussaaffeqarfiit ukuupput:

• Pilersaarusiorneq, pisut ataqatigiissarlugit ingerlallugillu (soorlu conference-t, illumik ammatitsineq, naammassinerit, atuffassisunillu tikeraaqarneq)
• Attaveqariaatsinik suliaqarneq, ingerlataqarnerlu.
• Atuarfiup nittartagaata imarisai inerisaaffigalugit, nutaarsiassanik allanneq aaqqissuinerlu, inuillu attaveqaqatigiittarfianik.
• Tusangassiutinut attaveqarneq aqutsisut peqatigalugit
• Ilusilersuinermik sulineq annikitsumik, ataqatigiissaarineq avataani suleqatit peqatigalugit.
• Pisunik aaqqissuussanik ikorfartuineq

Ulluinnarni atuartunik, ilinniartunik aammalu suleqatinik attaveqassaatit, allallu avataani suleqatigut suliaqartullu allat, aammalu atorfimmut annertuumik piumasaqaataavoq akuersaartumik pissuseqarnissat, attaveqarnissamut avatagiisinullu atanissamut piumassusilik. Naatsorsuutigaarputtaaq, torersumik suleriuseqarnissat, pilersaaruteqarlutit nammineq naammassisinnaasannik. Sulisut pisortamut atasut ilagalugit sulissaatit.

Kissaatigaarput…

• Qaffasinnerusumik attaveqaqatigiinnermi assigisaanillu ilinniagaqassasutit
• Attaveqaqatiinnermi suliassanik pilersaarusiornermik ingerlatsinissamillu misilittagaqassasutit
• ”oqaluttuatsialaat” oqaluttuarinissaannut takunnilluarsinnaassasutit, pissanganartunillu, nutaaliorluni imaqartitsineq, ilangutassiinerlu
• Nammineersinnaassuseqarlutit kusanartumik sulisinnaassasutit.
• Kalaallitsut qallunaatullu oqaluttariarsornermi allattariarsornermilu piginnaasaqassasutit.

Neqeroorutigaarput:
Suliffik pissanganartoq, ilinniarfimmi ineriartortumi, nammineq ineriartortitsinermi peqataassalluni periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut, suliatigullu ineriartornissamik periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma

Atorfiup inuttalerneqarnissaa kissaatigineqarpoq 1. februar 2026 pissasoq imaluunniit isumaqatigiissuteqarnikkut.

Paasissutissat allat
Attaveqaqatigiinnermi sulisutut imminut takorloorsinnaavit, atorfimmilu annerusumik paasisaqarusullutit, Pisortap tullersortaa Carl Grann attavigisinnaavat,  mail cagr@gbs.gl atorlugu.

Greenland Business School pillugu paasisaqarsinnaavutut ugguuna www.gbs.gl

Qinnuteqaammut killigititaq
Qinnuteqarnermut killigititaq 16. januar 2026.
atorfik pillugu oqaloqateqarneq ataavartumik ingerlanneqassapput.

Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.