Nalunaarasuartaateqarnermi Aqutsisoqarfimmi immikkut ittumik siunnersortissamik

Immikkoortoq:
Facebook Twitter LinkedIn E-mail Udskriv

Qinnuteqarnissamut piffissaliussaq:
aggustip 18.-at, 2025 12:00

Saaffigisassaq:
Kasper Juul-Nielsen

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Attaveqaqatigiinneq

Nunap immikkoortua:
Kommuneqarfik Sermersooq

Naalakkersuisoqarfik:
Departementet for Boliger og Infrastruktur
Imaneq 1A - 601

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Radio- aamma nalunaarasuartaateqarneq pillugu suliffiup inerisarnissaanut peqataarusuppit?

Nalunaarasuartaateqarnermi Aqutsisoqarfik immikkut ittumik siunnersortissarsiorpoq, taanna nalunaarasuartaateqarneq- aamma radioqarnermut tunngasunik inerisaanerup qularnaarniarnissaanut suleqataassaaq.
Nalunaarasuartaateqarnermut Aqutsisoqarfik suliassanut tunngasuni ilisimasanik tunniussisarpoq, frekvensemik atuisinnaaneq naammaginarluartoq qularnaarluartarpaa taamatullu imaani nunamilu navianartorsiortoqartillugu- sillimaniarnermullu tunngasunik suliaqartoqartillugu suliaqarnermut ikorfartuisarpoq

Atorfimmi suliassanik nassuiaat
Suliassaqarfiit ilaqassapput frekvensinut qinnuteqaatinik sullissinernik ilaatigut atuisinnaanermut periarfissanut assigiinngitsunut makkununnga:

Kiffartuussinerit silaannakkoortut Aeronautiskiusut
Aallakaatitsinernik kiffartuussiffiusut
Ataavartumik kiffartuussinerit
Kiffartuussissutit nunakkut angallanneqarsinnaasut
Imaatigut kiffartuussinerit

Tamakkua saniatigut Aqutsisoqarfiup suliassaataasa allat suliaqarfigineqarnerannut peqataasassaatit, ilanngullugu radiomut misilitsitsinerni censoriusassaatit kiisalu nalunaarasuartaateqarnermi- aamma nuna tamakkerlugu frekvens pillugu inatsit malinneqarnersoq nakkutilliineq suliassappit ilagissavaat.
Radiomik atuisinnaanermut misilitsinnerni censoritut sulisinnaanermut piumasaqaataavoq GOC-certifikateqarnissat. Pigeriinngikkukku, pikkorissarnissarnissat isumagissavarput.

Suliassaqarfik frekvensinut tunngasoq suli Nunatsinniilinngilaq, pissutsillu taamaannerat tunngavigalugu allaffissornikkut ingerlatsineq danskit nalunaarasuartaateqarneq pillugu allaffiat Digitaliseringsstyrelsep ataaniittoq qanimut suleqatigalugu ingerlanneqarpoq.

Tamanna pillugu suliamut naleqqulluartumik suleqatissarsiorpugut, taannalu tassaassaaq suliamut sunniuteqarluartoq suliassanillu pitsaasumik qularnaarisinnaasoq.

Naatsorsuutigaarput, imaattuussasutit:

Teknikkimut tunngasuni ingerlaqqiffiusumik ilinniagaqarsimassasutit
Suliassamut pikkorilluarfeqassasutit nalilersuillaqqittuussasutillu
Suliassanik isumaginninneq misilittagaqarfigilluarsimassagit
Allattariariarsornikkut oqaatsillu atorlugit paasissutissiissutinik ingerlatsitseqqiillaqqissuussasutit
Kalaallit Nunaanni nalunaarasuartaateqarnerup aaqqissuussaanera ilisimaarissagit

Paasissutissiissutit allat
Nalunaarasuartaateqarfiup Aqutsisoqarfianni qiimasaarneq ileqquuvoq taamatullu suleqatinut akuersaarneq kiisalu nutaanut unammillernartortalinnut kutsimannginneq pigineqarpoq. Attaveqatigiinneq toqqortorfiunngilaq ammasuuvorlu, pingaarteqaarpullu pikkorissiartortuarnissannut periarfissaqarnissat.

Tusarfiginissannut qilanaarpugut apeqqutissaqaruillu akinissannut piareersimavugut. Suliffik pillugu paasisaqarnerorusukkuit, Aqutsisoqarfimmi pisortaq Kasper Juul-Nielsen attavigeriaannaavat oqarasuaat +299 345133 imaluunniit uunga allallutit kajun@nanoq.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.