Kalaallit Nunaanni teknikkimut tunngasutigut ilinniartitaanerit uummateqarfigaagit aamma suliassaqarfimmi siuttuullutit piffissami allanngorangaatsiartumi sunniuteqarusuppit, ineriartortitseqataallutit nukittorsaaqataallutillu? Ingerlatsinermi aaqqissuinermilu piginnaasaqarluarpit Kalaallit Nunaannilu inuiaqatigiinnut tunngasunik ilisimasaqarluarlutit, ineriartornermullu malinnaallutit?  Perorsaanermut ilisimasaqarluarpit avatangiisinullu ilinniarfiusunut ilinniartitsisunut ilinniartunullu ineriartortitsisunut, aqutsinermik misilittagaqarlutit? Taamaappat imaassinnaasoq illit KTI-mi forstanderertaarigitsigit.

Kalaallit Nunaanni Teknikkimik Ilinniarfimmi forstanderitut - ulluinnarni KTI-mik taaneqartartumi - immikkoortortani aqutsisut suleqatigalugit, suliassaqarfimmi suliatigut ineriartorneq Naalakkersuisut politikkikkut akuerisaanut ikorfartuisup ingerlannissaa, suliassaqarfinnilu Kalaallit Nunaanni aaqqissuussinermi unammillerfiunerpaami ilinniarfinnik pilersitsiortornermut aallussinerit akisussaaffigalugit tigussavatit.

Suliffeqarfimmullu tunniusimasunik angusaqarusuttunillu sulisulimmik akisussaaffik tigusavat, sulisugut ilinniartuutitsinnut uummateqarluartuupput ilinniartullu tamaaviisa nammineq inuttut, inoqatit akornanni inooqataanermikkut suliatigullu ingerlalluarnissaat sulissutigisarlugit.   Ilinniarfik suliffigissallugu toqqissisimanartuuvoq, qiimmassaarineq nuannisarnerlu inissaqartinneqarlutik, tassani aamma kikkunni tamani suliassat assigiinngitsut naammassissagaanni ikiuukkumatussuseq piuvoq.

KTI kingullertigut assut malunnaatilimmik allannguiffiuvoq, tassani ilinniarfimmi inerisaaneq allisitsinerlu suli ingerlalluni, forstanderitullu nutaatut taassumunnga suliamut siuttuussaatit.  Forstanderitut nutaatut KTI-ip Saviminilerinermik Ilinniarfik nutaaq ilanngullugu allisarnerata ineriartortinnerata nukittorsarnissaanut ilaassaatit aamma nuna tamakkerlugu kiisalu nunani tamalaani suleqatigisartakkagullu suleqatigiittarnerput ineriartortillugu. 

Taamaammat sapiitsuussaatit aamma makkununninnga sunneeqataassallutit

• ilinniarfiit avatangiisit isumassarsiorfiusut inuusuttunut kalaallinut kajungerilersitsisussat itisiliineq, nutaaliorneq suleqatigiinnerlu ukkataralugit ineriartortillugit pilersitassavatit
• Kalaallit Nunaanni issittumi, teknikkikkut imarsiornermilu ilinniarfiit suliassatigut patajaatsumik avatangiisinik pilersitsinissaq, taamaalilluni sulisinnaasut ilinniarsimasut pitsaassumik qaffasissuusilimmik sulisinnaaneri pilersinneqartassapput
• pikkorissarnissanik ilinniakkanillu neqeroornerit aqqutigalugit ataqatigiinnermik siuariartornissamillu qulakkeerinninninnerit
• Suleqatigiinneq, ammasuuneq nunatsinnit aamma nunanit allanit soqutiginnittunik peqataatitsinermik qulakkeerinninneq
• Nunarsuaq tamaat eqqarsaatigalugu Kalaallit Nunaata qitiusutut inissinneqarnera

Aamma naalakkersuinermik suliaqartarneq pillugu  paassisimasaqarluarsimassaatit - naalakkersuinermik suliaqartunit suliffeqarfik aqunneqartoq illit aquttuuffigilertussaavat, illit  suliassaqarfiit ukiuni tulliuttuni aggersuni malugineqaleraluttuinnassaaq taamaattumik Naalakkersuisut tassunga tunngasunik apeqqutaannut siunnersuinissannut piareersimassassaatit.

Taamaammat ukunannga piginnaanilimmik forstanderissarsiorpugut:

1. Aqutsinermik sulisoqarnermullu aqutsinermik misilittagalik, ajornanngippat aqutsinermik ilinniagalik (tamannali piumasaqaataanngilaq) aamma aaqqissuussamik aqutseriaaseqarsinnaasumik imminut isigisinnaasoq - inuussutissarsiornermut ilinniarfeqarfimmi ilisimasaqarneq misilittagaqarnerlu iluaqutaangaatsiassapput.
2. Aqutsinikkut aningaasaqarnikkullu piginnaasalerujussuaq -  forstanderigut aningaasaqarnermik missingersuusiornermillu aaqqissuillaqqissuussapput
3. Ulluinnarni allanngorartuni pisariusinnaasunilu imminut aqussinnaalluarluni tamakkiisumik isigisinnaassuseqarluni ingerlatsisinnaasoq
4. Periusissiullaqqisoq aamma takorluukkat anguniaganngortissinnaallugillu angusaqarfigisinnaanngorsinnaagai
5. Ilinniartitsisunut namminersullaqqissunut suliassatigullu immikkut ilisimasalinnut takussaasumik, qajannaatsumik erseqqissumillu aqutsisinnaasoq, sulisunut sammiviliisinnaasoq, soqutiginnilersitsisinnaasoq malitseqartitsilluarnermillu pilersitsisinnaasoq.
6. Siammasissumeersunik peqataatitsisinnaasoq aamma anguniakkanik, piviusorsiorpalaartunik pitsaassusilinnillu anguniagaqartitsisinnaasoq, anguniakkanullu malitseqartitsisinnaasoq kiisalu siuariarnissamik qulakkeerinnissinnaasoq
7. Suleqatiginnikkusuttoq suliffeqarfiullu iluani avataanilu patajaatsumik attaveqaatinik pilersitsisinnaasoq.
8. Suliaqarfimmi aalajangikkat inissilluarnissaanut iluaqutaasussamik attaveqarluarsinnaasoq periusissiullaqqissorlu.
9. Kalaallisut, danskisut tuluttullu oqalussinnaallunilu paasisinnaasoq

Akisussaaffik kivitassat angivoq, paarlattuanilli suliffeqassaatit ullut marluk assigiinngisaannartumi, ilinniartitaanermillu suliaqarfimmi assut illit malunnaateqassaatit.  Ulluinnatit akisussaaffinnik assigiinngitsorpassuarnik tigusassannik imaqarumaarput.  Naalakkersuisoqarfimmit naalakkersuinermillu suliallit  ataatsmiititaliaannit arlalinnik piumasaqartoqartarumaarpoq,  suliassaqarfimmut aamma sulisoqarnermut tunngasunik apeqquteqartoqartassalluni. 
 
Akissarsiat atorfeqarnermilu atugassarititaasut                                                                                                         
Atorfik massakkuugallaq inissimavoq LR 37 nalaani, 1. april 2022 LR 37-mi akissarsiat imak isumaqagitiissutigineqarnikuupput qaamammut  Kr. 60.733 ukiumullu Kr. 728.791

Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput. 

Paasissutissat amerlanerit
Atorfik pillugu paasisaqarnerorusukkuit imaluunniit Namminersorlutik Oqartussani sulineq qanoq innersoq pillugu apeqqutissaqaruit ilinniagaqarnermut/ ilinniartitaanermut immikkoortortaqarfimmut Naalakkersuisoqarfimmi immikkoortortaqarfimmi pisortaq Trine Egede +299 559147 imaluunniit treg@nanoq.gl-imut attaviginissaanut tikilluaqqusaavutit.

Forstanderip atorfeqartitaanerminut atatillugu sulisunut inissiamik inniminneeriikkamik piareersimasoqassaaq.  Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

 Qinnuteqaat, imminut ilisaritinneq, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit. e-mail-ikkut qinnuteqaatinik tigusineq ajorpugut.  Oqaloqateqarnerit ingerlaavartumik ingerlanneqassapput.

KTI pillugu 
KTI Kalaallit Nunaanni illuliornermi sanaartornermi, teknikkikkut ilinniarnermi ilinniarnertuunngorniarnermilu tunngaviusumik ilinniarfiuvoq.  Ilinniarfiup issittumi ingeniøritut ilinniarneq maskinmesteritullu ilinniarneq neqeroorutigai.  Qitiusumik ilinniarfiusoq Sisimiuni inissisimavoq tallimanillu immikkoortortaqarluni:

• Saviminilerinermik ilinniarfiit -  Nuuk               
• Sanaartornermik Ilinniarfik, Sisimiut        
• Sanaartugassanut suliaqarnermi - aatsitassalerinermik ilinniarfiit, Sisimiut
• Ilinniarnertuunngorniarnermik Ilinniarfik (GUX), Sisimiut
• Oqaatsinik Pikkorissaavik, Sisimiut

KTI-p ilinniartitsinermi pingaarnertut ullumikkut aallutarivaa.  Ilinniarfik Kalaallit Nunaanni inuussutissarsiornermi, Kalaallit Nunaanni suliffissuarni, nukissiuuteqarnermi, imarsiornermilu (maskinmesteritut ilinniarneq) sulisussanik piginnaasaqarluartunik ilinniartitsinermik pingaartumik inissisimanissamut anguniagaqarpoq pisussaaffeqarlunilu

KTI-p Center for Arktisk Teknologi suleqatigalugu issittumi ingeniørinngorniarfik ullumikkut ingerlappaa taassuma ataani aamma Aalisarnermi atortorissaarusersornermi ilinniarfik Danmarks Tekniske Universiteti (DTU) ilanngullugu.  Arctic DTU pilersinneqarnerminiili nunarsuaq tamakkerlugu silap pissusaata allanngorneranut ilinniartitaanerup ilisimatusarnerullu iluini qitiusumik nunani tamalaani peqataasutut patajaatsumik inissisimavoq. Kalaallit Nunaanni maannakkut ineriartornerup aamma aatsitassarsiornerup ineriartortinneqarnissaanik kiisalu nunami inuussutissarsiuutit nukittorsarneqarnissaannik nunap kissaataanut arlippassuartigut unammilligassaqartartumut atatillugu Kalaallit Nunaata issittumi teknikkip iluani ilisimasaqarnissaminik pisariaqartitsinera ilaatigut sakkortusarpai.
 
Taanna suleqatigiinneq Teknika (siusinnerusukkut Maskinmesterskoleunikoq Københavnimi, MSK) massakkut peqatigalugu allilerneqarpoq, januar 2022-miit issittumi maskinmesteritut ilinniakkamik KTI suleqatigalugu neqerooruteqartoqatalerpoq.  Teknikkilerinermik ingerlaqqiffiusumik ilinniagaqarnerit sapinngisamik amerlanerpaat ingerlaqqinnissaat siunertaralugu qaninnerusumik suleqatigisartakkat marluk taakkua peqatigalugit annerunerusumik ataqatigiissaarinikkut sulisoqassaaq.