Pinngortitaleriffiup Miluumasunut Timmissanullu immikkoortoortaqarfiani postoc-itut ukiuni marlunni sivisussusilimmik atorfik juulip aallaqqaataaniit imaluunniit piaarnerpaamik aallartissinnaasumik inuttassarsiorneqarpoq.

Pinngortitaleriffik Kalaallit Nunaanni uumassusilinnik ilisimatusarnermi qitiusumik inissisimaffeqarpoq pingaarnerpaatullu suliaralugu Kalaallit Nunaanni Namminersorlutik Oqartussanut pisuussutinik uumassusilinnik piujuaannartitsinermik tunngaveqarluni atuinissaq aammalu avatangiisit uumassusillillu assigiinngisitaartuunerannik illersuinissaq pillugu siunnersuisarneq. Miluumasunut Timmissanullu Immikkoortortaqarfik imaani nunamilu uumasunik, uumassusillit ataqatigiiaarnerinik inuuniarnermut aningaasaqarnermullu pingaaruteqartunik ilisimatusaatigalugu misissuisarnermik malinnaaviginnittarnermillu suliaqarfiuvoq.

Atorfimmi ukkatarineqartut
Atorfinittussaq uumasut naasortortut nunap naasoqassusianut sunniisarnerannik (herbivori) ukkatarinnillunilu sumiiffiit assigiinngitsut akimorlugit naasoqarfinnik, uumasunit angisuunit naasortortunit allanngorartumik neriniarfigineqartartunik nalunaarsuinermik ineriartortitsillunilu suliaqassaaq.

Suleriaatsit ilaatigut sumiiffinni naasoqatigiiaat assigiinngitsut katitigaanerannik sumiiffiillu ataasiakkaat qanoq naasoqartigineri pillugit misissuisarnermik, assilisanik paasissutissanillu ungasianiit uuttortaanermeersunik silassorissuusiaq (AI) atorlugu misissueqqissaartarnermik ilaqarput. Sumiiffik tuttut umimmaallu ukioq kaajallallugu ataatsimoolutik najortagaat telemetri dronellu atorlugit malinnaavigineqarpoq. Sumiiffimmi tassani misileraasoqarpoq, tassa sumiiffiup ilaa assigiinngitsunik naasulik, assigiinngitsunillu eqimassusilinnik naasulik naasortortunit iserfigineqarsinnaajunnaarlugu misileraaffiuvoq. Atorfik paasissutissanik aamma misissueqqissaarnermik imaqarpoq. Ilisimatusaatigalugu misissuinerit inerneri suliani maanna ingerlasuni ilutigalugulu tuttunik umimmannillu peqassutsit pillugit piujuaannartitsinermik tunngaveqarluni aqutsineq uumaffigisaannilu avatangiisit pillugit Namminersorlutik Oqartussanut siunnersuinermi tapertatut atorneqassapput.

Atorfinittussaq Cambridge University-timik aamma Scott-Polar Research Institute-mik (SPRI) qanimut suleqateqassaaq. Atorfik Pinngortitaleriffimmi Nuummi inissisimavoq sulinermullu atatillugu piffissami sivikitsumi SPRI-mukartarnissaq aammalu Silap Pissusianik Ilisimatusarfimmi sulisunik qanimut suleqateqarnissaq naastorsuutigineqassapput.

Suliat akisussaaffiillu

• Naasoqassutsinik nalunaarsuineq
• Nunap ilarujussuani naasoqassutsimik misissuineq (sumiiffiit piniarnermik aqutsiviusut) misissueriaatsit assigiinngitsut atorlugit
• Naasoqarfiit assigiinngitsut uumasunit naasortortunit qanoq neriniarfigineqartartiginerannik misissuineq
• Issittumi asimi sulineq
• Misissueriaatsimik Kalaallit Nunaanni sumiiffinni assigiinngitsuni atorneqarsinnaasumik ineriartortitsineq
• Ilisimatusaatigalugu misissuinerit inernerinik Kalaallit Nunaanni oqartussanut ingerlatitseqqiisarnermi eqeersimaartumik peqataaneq

Piginnaasat
Pinngortitaq pillugu ilisimatusarnermi ph.d-nngorsimasumik pissarsiorpugut. Qinnuteqartoq tulluarnerpaaq naasoqatigiiaat ataqatigiinnerannik, uumasut angisuut naasortortut atagiinnerinik ungasianiillu misissuineq ”remote sensing” atorlugu ilisimatusarnermi misilittagaqassutsimigut uppernaatissaqarluartuussaaq.

Qinnuteqartunik nalilersuinermi immikkut isiginiarneqassapput:

• Uumassusillit ataqatigiinneri pillugit, tamatumani naasoqassutsinik misissuisarnermik, sumiiffinni uumasunit misissugassanik tigusarnermik uumasullu naasortortut najukkaminni naasoqassutsimut qanoq sunniisarnerat pillugu misissuisarnermik misilittagaqarneq. Kalaallit Nunaanni issittulluunniit ilaani allami uumassusillit ataqatigiinnerat pillugu suliaqartarnermik misilittagaqarneq
• Paasissutissat asimi misissuinerneersut drone atorlugu nalunaarsukkanut ilanngullugit suliaqarsinnaaneq (ass. multispektral, struktur-fra-bevægelse-fotogrammetri, LiDAR-workflows).
• Maskiinalerisinnaaneq (ass. ”random forest”, itisuumik ilinniarneq) naasoqarfinnik suussuserniaaneq peqassutsinillu missiliuisarneq
• Google Earth Engine atorlugu sulisinnaaneq aammalu ungasianiik uuttortaanermi platforminik cloud-imik tunngavilinnik atuisinnaaneq
• R aamma/imaluunniit Python atorlugit kisitsinik misissueqqissaarsinnaaneq, tamatumani misissueqqissaarnerit assilillugit suleriaatsit (ass. versionskontrol, struktureret dokumentation).
• Sammisat akimorlugit namminersorluni sulisinnaanermut uppernarsaateqarneq ilisimatusarnermilu inernerusut aallaavigalugit periutsinik atorneqarsinnaasunngortitsineq

Qinnuteqartut tuluttut allalluarsinnaallutillu oqalulluarsinnaassapput. Kalaallisut qallunaatullu oqaatsinik ilisimasaqarneq iluaqutaaginnassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Suliffik Nuummiippoq. Sulinermut atatillugu angalasarnissaq, soorlu asimi misissuisarfinniittarnissaq ataatsimiigiarlunilu angalasarnissat naatsorsuutigineqassapput.

Ulloq sulilerfik: 1. juuli 2026 imaluunniit sukkanerpaamik

Akunnerit suliffiit: Sapaatit akunneranut 40 tiimet

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfininnermut atillugu inissaqartitsisoqanngilaq, taamaattorli Pinngortitalertiffik malittarisassat malillugit ineqarnermut atillugu ikiuussinnaavoq.

Annerusumik paasisaqarusinnermi
Atorfik pillugu annerusumik paasisaqarusukkuit attavigissavat ilisimatusartoq Mathilde Le Moullec, malm@natur.gl, +299 244752 imaluunniit Immikkoortortaqarfimmi pisortaq Fernando Ugarte, feug@natur.gl

Qinnuteqarfissaq kingulleq: 31. maaji 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.