Avatangiisinut Aatsitassanullu Immikkoortortaqarfik aatsitassarsiornermi ujaqqat sananeqaataannik allanngorarnerannillu kemimik misissuilluni suliniummut (geokemi) ilisimatusartussamik PhD-limmik sulisussarsiorpoq.
Pinngortitaleriffiup Namminersorlutik Oqartussat pisuussutit uumassusillit aamma pinngortitami pissutsit pillugit apeqqutinut siunnersortarpaa.
Avatangiisinut Aatsitassanullu Immikkoortortaqarfimmi suliassat tassaapput aatsitassarsiornermi avatangiisit pinngortitallu isumannaallisarneqarnissaannik siunnersuineq ingerlaavartumillu malinnaaffiginninneq, silap allanngorarnerani nunamik ingerlaavartumik malinnaaffiginninneq, kiisalu Kalaallit Nunaanni immap naqqa, pinngortitaq avatangiiserlu pillugit kisitsisitigut paasissutissanik suliaqarneq. Suliniutit taakkununnga tunngasut arlallit ilanngullugit.

Pinngortitaleriffimmi immikkoortortaqarfik pillugu annertunerusumik uani paasisaqarsinnaavutit: https://natur.gl/.

Suliassat 
Aatsitassarsiornermi qaarsup aatsitassap tikinnissaanut piiaarneqartariaqartup kiisalu mineralit tunineqarsinnaasut tigoreerneratigut sinnikut (tailings) matoorunneqarneranni ujaqqat sananeqaataannik allanngorarnerannillu kemimik misissuineq pingaarnertut suliassarissavat. NordForskip aningaasalersugaanut nutaamut ”RestoMine: – Responsible mine restoration – integrating local engagement, ecology, and engineered solutions in arctic environments”-imik taaguutilimmut atatillugu atorfininneq pissaaq. Suliatit annerusumik suliakkiissummi ”Sustainable cover material supply”-imiissapput.

Uku peqataaffigisassagitit naatsorsuutigineqarpoq:

• Suliniummi Nunani avannarlerninngaanneersunik suleqateqarneq.
• Aatsitassarsiornermi qaarsup aatsitassap tikinnissaanut piiaarneqartariaqartup kiisalu mineralit tunineqarsinnaasut tigoreerneratigut sinnikut (tailings) matoorunneqarneranni atortussat suussusersineqarneri nassuiaasiornerlu.
• Kalaallit Nunaanni Skandinaviamilu sumiiffinni attuumassutilinni asimi sulineq.
• Atortussanik kingunerinillu laboratoriami paasiniaaqqissaarneq.
• Suliniummut atortussiorneq:
  • Paasiniaaqqissaarnerit asimilu sulineq pillugu nalunaarutit
  • Atortussat pillugit nalunaarsuutit
  • Ilisimatusarneq pillugu allaaserisanut saqqummiinernullu ilanngussaqarneq
• Suliatit tunngavigalugit immikkoortortaqarfimmi ilisimasanut ilanngussaqarneq.

Immikkoortortaqarfimmi sulisut suliniaqatigiiffinni nunani tamalaaninngaanneersunik ilaasortalinni arlalinni suleqataasarput, aamma illit Kalaallit Nunaanni, Danmarkimi aamma nunani allani ilisimatusartut suleqatigissavatit.

Piginnaasat pillugit piumasaqaatit
Pinngortitaq pillugu ilisimatusarnermut tunngasumik, soorlu biologitut, avatangiisit pillugit ingeniøritut, ujarassiuutut assinganilluunniit tunuliaqutalimmik avatangiisillu pillugit siunnersuinermik sulialittut ingerlaqqiffiusumik ilisimatusarfimmilu ilinniarneqarsinnaasumik ilinniagalimmik (Ph.D) sulisussarsiorpugut. Qinnuteqartoq immikkoortortaqarfimmi suliamut ataatsimut arlalinnulluunniit ilisimasaqassaaq.
Kalaallisut oqaatsinik inuiaqatigiinnillu ilisimasaqarnissaq pitsaassaaq, piumasaqaataananili.

Sulilerfissaavoq 1. septembari 2025 imaluunniit taassuma kingornatigut. Atorfik 31.december 2026-imut killeqarpoq sivikinnerusumillu sivitsuinissamut periarfissaqarpoq.
Sapaatip-akunnerani sulisarneq nalunaaquttap akunnerini 40-nik sivisussuseqartassaaq.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.