Teknikkinut aaqqissuussaanernillu paasisimasaqarluarpit? Taamaappat atorfimmik peqarpugut akissarsianik tunniussisarnissamut suliffimmi – Akissarsialerissummut immikkoortortaqarfimmi.

Suliffik pillugu
Akissarsialerissummut immikkoortortaqarfimmi maanna sulisuupput allaffimmi pisortaq siunnersortillu marluk, taakkulu tamarmik Sulisoqarnermut isumaqatigiinniartarnermullu pisortamut sullissisuullutik.

Akissarsialerissummut immikkoortortaqarfimmi suliarineqartartut tassaapput ikkussuinerit aserfallatsaaliineq kiisalu Kalaallit Nunaanni Namminersorlutik Oqartussat akissarsisitseriaasianik ingerlatsineq, taanna aamma kommuninit atorneqarluni.
Akissarsialerissummut immikkoortortaqarfiup aamma akisussaaffigaa serverimi paasissutissat isumannaatsuunissaat kiisalu isumaqatigiissutinut takussutissiat ataavartumik ikkussuuttarnissaat, taakku isumaqatigiissutinut atuuttunut naapertuunnissaat anguniarlugu. Namminersorlutik Oqartussani aamma Kommunini akissarsialeriffinni atuisunut qarasaasiakkut ikiorsiineq, ilitsersuineq pikkorissartitsinerillu Akissarsialerissummut immikkoortortaqarfimmit akisussaaffigineqarput.
Akissarsialerissummut ilaapput Mit Perspektiv aamma Webtas. Sullississutit tamarmik Aningaasaqarnermut Sulisoqarnermullu Aqutsisoqarfimmi ingerlanneqartarput.

Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliatigut isumasioqatigiiffiusartoq immikkoortortaqarfimmilu pisortaanernut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq.

Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Namminersorlutik Oqartussat ataatsimoorussamik kiffartuussinermut sullissivigaat. ASA-p makkua ilaatigut akisussaaffigai Nunatta Karsiata ukiumoortumik naatsorsuutaat, Qitiusumik Pisiortortarnermut Immikkoortortaqarfik, isumaqatigiissutit, akissarsiat sulisullu pillugit sullissineq, nutserisoqarneq kiisalu illunut immikkoortortaqarfik aserfallatsaaliinerlu.

ASA-mi pingaartitat pingasut tassaapput:
Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
Suleqatigiinneq - Suleqatigut sullitavullu pitsaasumik suleqatigaavut
Isumassuineq - Ikiuukkumatuujuvugut akunnitsinnilu paareqatigiilluta

Illit suliassatit
Siunnersortitut allaffimmi suliassat tamaasa isumaginissaannut akisussaaqataassaatit.  Piginnaasat aallaavigalugit atorfik nalimmassarneqarsinnaavoq sullissutillu atorneqartut iluanni ineriartoqqittoqarsinnaalluni.

Kissaatigaarputtaaq, illit makkuninnga piginnaasaqassasutit

• Teknikikkut naleqquttumik allaffissornermilu ilinniagalik
• Ataqatigiissaarisinnaaneq, akisussaassuseqarneq peqqissaartuunerlu
• Akissarsialerissutinik akissarsianillu suliaqarnissamut paasisimasaqarluartoq imaluunniit akissarsialerissutinik assigisaannilluunniit ikkussuinermut tunngasunik ilinniarluarsimasoq
• Isumaqatigiissutinik ilisimasaqarneq iluaqutaassaqaaq
• Namminersortumik suleqatigiinnilu sulisinnaaneq
• IT-mik aamma matematikimik paasisimasaqarluarneq
• Pikkorissarnernik ingerlatsinermi ersarissumik paasiuminartumillu attaveqarsinnaaneq.
• Iluaqutaalluinnassaaq kalaallisut oqalussinnaaguit aamma kalaallit inuiaqatigiivinik kulturiannillu ilisimasaqaruit

Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.

Qinnuteqaat paasissutissallu
Paasissutissanik annertunerusumik pissarsiniarnermi allaffimmi pisortaq attavigineqarsinnaavoq Susanne Kreutzmann Pedersen, e-mail.: susanne@nanoq.gl  imaluunniit oqarasuaat 34 64 70, kiisalu Isumaqatiginninniartarnermut Sulisunullu pisortaq Frederik Schmidt, e-mail: fsch@nanoq.gl imaluunniit oqarasuaat 34 66 81.

Qinnuteqarfissap killinga tassaavoq 24. februar 2026. Ulloq atorfiniffissaq tassaavoq 1. maj 2026 imaluunniit isumaqatigiissuteqarnikkut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.