Ilinniarlutit naammasserlaajuit imaluunniit sungiusimasanniit allaanerusumik suliaqalerusuppit?

Pissusitoqqavit suleriuseriuaannakkavillu unammillerneqarnissaannut sapiutinngilatit?

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik akademikerimik anguniagaqarusussusilimmik ataqatigiissaarinermik, sulianik ingerlatsinermik aningaasaqarnermik sulianik ingerlatserusuttumik ujaasivoq.

Illit ujarpatsigit sulianut nutaanut pularusuttoqt, naalakkersuisoqarfimmi aningaasanut inatsimmi 1,2 mia. kr. sinnerlugit isumaginnittumi, ilinniartitaanerup, kulturilerinerup, timersornilerinerup ilageeqarnilerinerullu iluani politikkikkut pingaartitanik suliaqarfiusumi inissisimarusuttoq

Atorfiup ulluinnatit unammillernartuutissavai, taamaalillutit killissarisartakkatit inittorsarneqassallutik akademikeritullu sakkussatit aamma amerlisarneqassallutik.

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Naalakkersuisoqarfimmi suleriuseraarput sulisut tamarmik aaqqissuussaanerup suleriutsillu pitsanngorsarnissaannut nutaamik eqqarsaatigeqqinneranut tunniussaqarnissaannik periarfississallugit. Immikkoortortaqarfinnut tallimanut aggulugaavugut; Aqutsisut allattoqarfiat, Inatsisilerinermut Immikkoortortaqarfik, Kultureqarnermut, Timersornermut Ilageeqarnermullu Immikkoortortaqarfik, Ilinniartitaanermut Immikkoortortaqarfik, aammalu Aningaasaqarnermut Ilinniartunillu Sullissinermut Immikkoortortaqarfik.

Ilinniartitaanermut, kultureqarnermut, timersonermut ilageeqarnermullu aningaasanut inatsimmi aningaasaliissutit Aningaasaqarnermut Ilinniartunilllu Sullissinermut Immikkoortortaqarfimmit qitiusumik ataqatigiissarneqartarput, taakkuuppullu illit suliassannut ilaajumaartut.

Atorfimmut tunngasut
Aningaasaqarnermut Ilinniartunillu Sullissinermut Immikkoortortaqarfimmi akademikeritut ulluinnarni ingerlatsinernik pisariillisaanerit ineriartortillugit nukittorsarlugillu tamakkiisumik pilersaarusiukkamillu suliarineri akisussaaffigissavatit

Immikkoortortaqarfiup ilinniartitaanerup, kultureqarnerup, timersornerup ilageeqarnerullu iluini akimuilluni ulluinnarni ingerlatsinernik siuarsaallunilu naammassinninneq qanimut ukkataraa.

Ilinniartitaanerup, kultureqarnerup, timersornerup ilageeqarnerullu iluani aningaasanut inatsisip ataani ingerlatsiveqarfinnut attaveqarnerit immikkoortortaqarfimmi suleqatitit qanimut suleqatigalugit peqatigalugillu sulissaatit.

Suliassatit makkuninnga ilaqassapput:

• Ilinniartitaanerup, kultureqarnerup, timersornerup ilageeqarnerullu iluani aningaasaqarnikkut pingaarnersiuinerup ataqatigiissaarinerullu nukittorsarneranut tapersersuineq
• Aningaasaqarnermut Ilinniartunillu Sullissinermut Immikkoortortaqarfiup Pisortaata pilersaarusiornerani politikkikkullu pingaartinneqartut suliarinerini ingerlaasiinilu tapersersuineq
• Aningaasanut inatsimmi suliassaqarfik 40-p ataani ingerlatsiviit tamakkerlugit ingerlariutsinut paasinninnerulernissaannik ingerlariutsillu oqilisaaviginissaannik oqaleqateqartarnerit
• Aningaasanut inatsimmi suliassaqarfik 40-p ataani aningaasanut inatsisiliornerup ataqatigiissarnermut peqataaneq
• Aningaasanut inatsimmi suliassaqarfik 40-p ataani ukiup naanerani matusinissanik ataqatigiissaarinermut peqataaneq

Nammineerlutit akisussaaffimmik tigusinissat, immikkoortortaqarfimmullu uummaarissumik tunniussillutit immikkoortortaqarfiup qitiusumik ingerlatsiveqarfinni ineriartortuarnissaannik qulakkeerinninneranut tunniussaqarumaarnerit naatsorsuutigaarput.

Aningaasaqarnermut Ilinniartunillu Sullissinermut Immikkoortortaqarfiup Pisortaata pisortarissavat.

Ilinnut tunngasut
Illit ujarpatsigit strategiskimik politikkimillu paasinnissinnaasoq. Naatsorsuutigaarput ilinniarlutit naammasserlaajusutit imaluunniit suliassaqarfinni allani ukiualunni misilittagaqartuusutit pisortallu aningaasaqarnerat pulaffigalugu allamik misileerusuttutit. Naatsorsuutigaarput qulaaniit isiginnillaqqissuusutit, taamatuttaarlu sulianik nammineerlutit aqutsillutillu ataqatigiissaarisinnaasutit, eqqumaffigalugit anguniakkat, piffissaliussat isumalluutinillu atuinerit

Aalajangersimasumik ilinnut takorluugarput tassaavoq, illit:

• Tulluuttumik akademikeritut ilinniagaqartutit, soorlu cand.scient.adm., cand.scient.oecon. imaluunniit assingusumik erhvervsøkonomiimi imaluunniit inuiaqatigiilerinermi qaffasissumik ingerlariaqqiffiusumik ilinniagaqartutit
• Namminersorlutik Oqartussani kommuneniluunniit misilittagaqartutit
• Sukuiaallaqqissuusutit aningaasaqarnerullu iluani naatsorsueqqissaarnernik suliaqallaqqissuusutit
• Sulianut pikkoriffigisaqarluni suleqatigiinnernut tatigeqatigiiffiusunut ineriartorfiusunullu ukkataqartuusutit
• Atassuteqaatinik ingerlalluartunik pilersitsisinnaasutit, aammalu illup iluani illullu avataani soqutigisaqaqatigiinni suleqatigeeriutsinut pitsaasumik periuseqartartuusutit
• Ersarissuliullaqqissoq, suliassannullu erseqqissumik suleriusissiortartoq, takorusussinnaavarpullu suleqatinnut taamaatut pissuseqarfiginnittartuusutit aamma

Naatsorsuutigaarput Kalaallit Nunaat TAMAKKERLUGU pissutsinut ilisimasaqarluartuullutillu nalunngisaqarluartuusutit. Takorusussinnaavarput iliuuseqarusuttartuusutit, taamatuttaarlu kalaallisut, nordiskisut tuluttullu oqaatsitigut piginnaasaqarluartuusutit.

Paasissutissat allat
Atorfik pillugu apeqqutissaqaruit Afdelingschef for Økonomi & Studieservice Ilannguaq K. Møller attavigisinnaavat ugguuna; telefon 34 56 84 imaluunniit mailikkut ILMO@nanoq.gl

Aningaasarsiat atorfininnermilu atugassarititat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Toqqagassamut tulluussarluarsimasumut ukiuni arlalinni misilittagalimmut, immikkullu nalilersuereernerup kingorna, atorfininneq specialkonsulentit atugassarititaat aallaavigalugu pisinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq.

Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.