Pinngortitaleriffimmi Silap Pissusianik Ilisimatusarfik (GCRC) Nuummi Kalaallit Nunaanni ilisimatusartumik/ilisimatusartuunermik sulisussarsiorpoq.

Atorfimmut MarineBasis Zackenberg-imik ingerlaavartumik malinnaaffigininnermik pilersaarummik akisussaasuuneq ilaavoq, taanna Greenland Ecosystem Monitoring-ip (GEM) ilagaa. Atorfinittussaq ilisimatusarnikkut suliniutinut allanut ineriartortitseqataanissamut peqataanissamullu periarfissaqassaaq.

GCRC pillugu
GCRC Kalaallit Nunaanni kangerlunni imartanilu tigussaasunik, kemi iluaqutigalugu kiisalu uumassusilinnut tunngatillugu ataqatigiissaakkamik pisunik suliassaqarfiit assigiinngitsut akimorlugit siunissarlu ungasinnerusoq eqqarsaatigalugu ilisimatusarnernik ingerlaavartumik malinnaaffiginninnermik suliaqartarpoq. Aammattaaq ilisimatusaatigalugu ilinniartitsinerni tapertaasarpoq, issittumi uumassusilerinermi Arctic Science Study Programme (ASSP) aamma SILA-mi bachelorinngorniarneq ilanngullugit. GCRC taakku saniatigut kalaallit oqartussaasuinut ilisimatuussutsikkut paasisat tunngavigalugit siunnersuisarpoq kiisalu Kalallit Nunaannut nunanilu tamalaanut attuumassutilinnut Kalaallit Nunaanni imaq pillugu ilisimatusarnerni Kalaallit Nunaat sinnerlugu aallartitatut sulisarpoq.

Atorfik
Atorfinittussaq MarineBasis Zackenberg-imik pilersaarummut Principal Investigator-itut (PI) sulissaaq. Kalaallit Nunaanni Tunup Avannaarsuani Zackenbergip nalaani ukiumoortumik asimi sulineq pilersaarusiorlugulu peqataaffigissavaa kiisalu pilersaarutip naammassinissaani suliarinerata aaqqissuussaaneratalu pitsaassutsimikkut qaffasissuunissaat qulakkiissallugu.

Atorfinittussaq aaqqissuussaanikkut piginnaasaqarluassaaq, kisitsisitigut paasissutissanik suliaqarnermi misissueqqissaarnermik misilittagaqassaaq (piffissami sivisuumi ingerlaavartumik malinnaaffiginninnermik uteqqiasumillu misissueqqittarnerit pitsaassaqaat) kiisalu ilisimatusarnermi avataaninngaanniit aningaasaliisinnaasunik kajungilersitsisinnaassalluni. Atorfinittussaq nunani tamalaani ilisimatusarnerup silarsuaani peqataassaaq, taakku tigussaasumik imavissualerinermik, imaani uumassusillit ataqatigiinnerannik ilinniarnermi kiisalu silap pissusaata kingunerisaanik pisunik ilisimatusartuupput, taamaaliornikkut issittumi imaani uumassusillit avatangiisaasalu ataqatigiinneranni allanngorarnerit nalinginnaasut silallu kingunerisaanik allanngornerit paasisaqarfiginiarneqarput.

Qitiusumik akisussaaffiit
Atorfinittussaq naatsorsuutigineqarpoq:

• MarineBasis Zackenberg-imi Pi-ussasoq suliamullu tunngatillugu ingerlatsisuussasoq
• Ukiumoortumik asimi sulinermi pilersaarusiorlunilu peqataasassasoq
• Ingerlaavartumik malittarinninnermit ilisimatusarnermilu kisitsisitigut paasissutissanik suliaqartassasoq, misissueqqissaartassasoq nalunaarusiortassasorlu
• Ilisimatusarluni suliniutini susassaqarfiit assigiinngitsut akimorlugit nutaanik ineriartortitsissasoq aningaasaateqarfinnullu qinnuteqaasiortassasoq
• Nunani tamalaani ilisimatusarneq pillugu atuagassiani
• saqqummersitsisassasoq
• Ilinniartitsinermut aamma ilinniarfeqarfinni sammisaqartitsinernut tapertaasassasoq

Piginnaasat
Qinnuteqartussat tigussaasumik imavissualerinermik imaluunniit faagimut assingusumi imaanut tunngatillugu ph.d-qassapput.
Nalilersuinermi uku tunngavigineqassapput:

• Tigussaasumik imavissualerinermi imaluunniit faagimut assingusumi imaani tunngatillugu kiisalu issittumi imaani ingerlaavartumik nakkutiginninnermi suliamut tunngatillugu immikkut ilisimasaqarnissaq imaluunniit takorluugaqarneq
• Nunani tamalaani atuagassiani saqqummersitsisarsimaneq pillugu nalunaarsuiffimmik kiisalu allaaserisanik saqqummersinneqannginneranni ilisimatusartunit nalilersorneqarsimasunik peqassaaq
• Ilisimatusarluni suliamut avataaninngaanniit aningaasaliisussarsiornermut piginnaasaqarneq pillugu uppernarsaateqassaaq

Imaani imaluunniit avatangiisinut tunngasuni ingerlaavartumik nakkutiginninnermik suliniutini misilittagaqarneq

•  Susassaqarfiit assigiinngitsut akimorlugit nunanillu tamalaanik suleqateqarnermik misilittagaqarneq
• Kisitsisitigut paasissutissanik annertuunik piffissamilu sivisuumi sulianik misilittagaqarneq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Pinngortitaleriffik inissiamik attartortakkamik atorfeqarnermi ukiumi siullermi attartortitsisinnaavoq. Tamatuma kingornatigut nammineq inissarsiornissaq naatsorsuutigisariaqarpoq.

Sukumiinerusumik paasissutissat
Atorfik pillugu sukumiinerusumik paasisaqarusukkuit immikkoortortaqarfimmi pisortaq Malene Simon Hegelund attavigisinnaavat, masi@natur.gl imaluunnit oqarasuuat +299 54 89 77.

Qinnuteqarnissamut killissarititaasoq: 15.april 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.