Immikkoortoq:FacebookLinkedInE-mailUdskrivQinnuteqarnissamut piffissaliussaq:juulip 23.-at, 2025
Saaffigisassaq:Anne Hansen-Heilmann
+299 5513
Atorfinitsitsinerup suussusaa:Piffissaq tamakkerlugu suliffik
Atorfinitsitseriaaseq:Isumaqatigiissutit tunngavigalugit piumasaqaatit
Suliassaqarfik:Allaffimmioq allaffissornerlu
Nunap immikkoortua:Kommuneqarfik Sermersooq
Naalakkersuisoqarfik:Skattestyrelsen
Intaleeqqap Aqqutaa 1
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit
http://www.naalakkersuisut.gl/job
Kontorfuldmægtig/konsulent-imik aningaasaqarnermut immikkoortortaqarfitsinni akiitsunik akilersitsisartussamik pimoorussisumik pissarsiorpugut, 01. september 2025 atorfinittussamik
Atorfik pilluguAkiitsunik akilersitsisartutut pisortanit akiitsunik – soorlu akileraarnermut akiitsut kiisalu aningaasatigut pisussaaffiit allat – akilersinneqarnissaanut suliassaqarfiit pingaarnersaassapput. Innuttaasut atugarisaat ersarissumillu oqartussaaqataanerup akornanni naleqquttumik suleqatigiissinnaanissat naatsorsuutigineqarpoq.
Innuttaasut, suliffeqarfiit, Eqqartuussivik aammalu pisortat allallu suleqatigissavatit.
Suliassatit
- Akiitsunik pisortanit akilersitsisarneq inatsisit atuuttut naapertorlugit
- Akiitsunut aaqqissuussamik akilersuinissamut isumaqatigiissuteqartarneq
- Akiitsunik akilersitsineq (soorlu isertitanit, pigisanik inissiinerit)
- Akiitsoqarfiit soorlu Namminersorlutik Oqartussat, Kommunillu suleqatiginerat
- Sulianik suliarinninneq allattorsimaffinnilu nalunaarsuinissaq
Pisinnaasatit naatsorsuutigisat
- Pisortani aqutsinermut, aningaasarsiornermut imaluunniit inatsisilerinermut attuumassutilimmik ilinniagaqarsimaneq imaluunniit misilittagaqarneq
- Sulianik namminersorluni ingerlatsisinnaaneq, aaqqissuussaanikkut suleriuseqarneq
- Sulerusussuseqarluartuuvutit aammalu attaveqatigiinnermut pikkorissuullutit – aamma ajornartorsiutaasinnaasuni
- Kalaallisut danskisullu oqalussinnaassaatit – tuluttut oqaluussinnaaneq iluaqutaassaaq
Neqeroorutigaarput
- Inuiaqatigiinnut pingaarutilimmik atorfik ineriartortitsinissamut periarfissaqarfiusoq
- Suleqatit pitsaasut kiisalu suliatigut siunnersuuteqartarneq
Atorfik pillugu paasisaqarnerorusukkuit attaveqarsinnaavutit ukununnga:
Kontorchef Anne Hansen-Heilmann - Mail: annh@nanoq.gl
Afdelingschef Hans-Lars Mathiesen - Mail: hama@nanoq.gl
Aningaasarsiatigut atorfinitsitaanermilu atugassarititaasutAkissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
NajugaqAtorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.