Atorfininneq: Julip aallaqqaataa 2026
Sammiviliinermi, aaqqissuusseqataanermi tamatumalu saniatigut ulluinnarni kialaassutsip inuppalaassutsillu attannissaanut peqataaffeqarusuppit?
Angerlarsimaffimmi Pilutami tullersortimik immikkoortortaqarfinni ulluinnarni aqutsisuunertut inissisimasinnaasumik ujartuivugut, suliatigut pitsaassutsimik, ersarissumik aaqqissuussinikkut kiisalu suleqatinut nivissanullu qanilaartumik sullivimmi avatangiiseqartitsisinnaasumik.

Uagut pilluta
Pilutaq nuna tamakkerlugu ulloq unnuarlu angerlarsimaffiuvoq Isumaginninnermut, Ilaqutariinnermut Inatsisinullu atuutsitsinermut Naalakkersuisoqarfiup ataaniittoq.
Nivissat 11-niit 17-inut ukiullit najugaqartippagut, nunatsinni sumiiffinni tamalaaneersut. Amerlasuut inuunerminni imaannaanngitsunik misigisaqarsimasuupput, inersimasunik toqqissisimanermik, aalaakkaassusermik aammalu allannguisoqarsinnaaneranik upperinnittunik amigaateqartuullutik.
Perorsaanikkut paasinninneq, nukissanik samminninneq naligiimmillu pinninneq sullitanut periuseraarput avatangiisini aaqqissugaasuni avatangiiseqartumi suliaqartuulluta. Tullersortitut suliami tassani qitiusumik inissisimassaatit, taavalu suleqatit nivissallu ineriartornissaannut akisussaaqataallutit.

Pingaarnertut suliassatit

• Ulloq unnuarlu angerlarsimaffiup aningaasatigut suliatigullu sinaakkutai malinneqarnissaat qulakkeerlugu
• Immikkoortortami aqutsisut peqatigalugit suliffissat pilersaarusiorneri
• Suliatigut anguniakkat aaqqissuussallu aallaavigalugit sulisoqarnissaanik peqataaneq qulakkeerinninnerlu
• Suleqatinik oqilisisaassilluni oqaloqatiginninnerit suliallu pillugit avitseqatigiinnerit
• Killiffinnik nassuiaarusiornerit, ineriartornissamut pilersaarusiornerit kiisalu nalunaarusiat immikkoortortami aqutsisut peqatigalugit suliarineri
• Suliassaqarfinni attuumassutilinni akimut suleqatigiinnerni peqataaneq
• Pingaarnertut angajoqqaanik suleqateqarneq
• Najugaqartunik isertertussanik anisussanillu pilersaarusiornerit
• Immikkoortortami aqutsisut peqatigalugit suleqatinik ilisarititsineq
• Allaffissornermi suliat pisortaq peqatigalugu suliarineri
• Pisortaq peqanngitsillugu pisortaagallartarneq

Akisussaaffitit

• Immikkoortut akimorlugit ulluinnarni sulisut aqutsisuuffigalugit
• Najugaqartut kontuinik missingersuutitigut akisussaaneq aamma pisariaqartillugu suliffeqarfiup missingersuutaanik aqutsineq
• Ingerlatsinermi suliassani minnerni suliffissallu pilersaarusiornerini aalajangiisinnaatitaaneq
• Aalajangiinerit suliallu annertuut pillugit pisortamik qanimut suleqateqarneq

Ilinni ujartorparput

• Perorsaasutut ilinniarsimasoq assingusumulluunniit, aqutsinermik misilittagalik, aqutsinermi ilinniaqqissimaneq pitsaassaaq
• Meeqqanik inuusuttunillu angerlarsimaffiup avataanut inissinneqarsimasut ilungersunartumik inuuneqartunik sullissinermik misilittagaqartutit
• Allannermik piginnaasaqarluartutit killiffimmik nalunaarusiorsinnaasutit
• Ersarissuusutit, aaqqissukkamik periuseqartutit aqutsininnilu qanilaartuusutit
• Ulluinnaat pisoqarfiullualeraangata tamakkiisumik isiginnissinnaasoq
• Siuttuunissamik sapiissusilik uummateqarlunilu sulisinnaasoq

Neqeroorutigaagut

• Illumi nukittuunik pingaartitalimmi aqutsisuuneq pingaaruteqartoq aammalu illumut meeqqanik inuusuttunillu najugaqarfiusumi uummateqartoq
• Pisortaq suleqatillu qanimut suleqatigineri
• Oqilisaassilluni oqaloqatiginninnerit, avitseqatigiinnerit aamma aqutsisuunermi ineriartorneq
• Sullivimmi avatangiisit sulianut tunngasut inuppalaarnerlu ingerlaqatigiittut
• Ulluinnaat sunniuteqarfigisinnaassavatit ineriartortitsillutillu

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Suliamut tunngasut

• Piffissaq suliffiusoq: Sapaatip akunneranut nalunaaquttap akunneri 40-t
• Atorfininneq: Julip aallaqqaataa 2026 imaluunniit isumaqatigiissuteqarnikkut
• Pineqaatissinneqarsimannginnermut meeqqanillu pinerliisimannginnermut allagartaq Inatsit naapertorlugu atorfinittoqartinnagu pissariarineqariissapput. 
• Qinnuteqarnissamut piffissaliussaq: Qinnuteqartitsineq taamaatissaaq atorfimmut tulluartumik nassaarutta.
• Attaveqaat: Pisortaq Miacecilia Munch Ingemann
  • 📧 E-mail: forst@pilutaq.gl
  • 📞 Oqarasuaat: +299 38 24 51

Uagutsinni upperaarput aqutsineq aqqutissamik attaveqaatinillu pilersitsisartoq. Atasinnaaguit kiisalu allat ammasumik kialaartumillu naapissinnaagukkit uagutsinni Pilutami nuannivissumik tulluassaatit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.