Nukissiornermut immikkoortortaqarfiup piujuartitsinissamik tunngaveqarnissaa sulissutigerusuppiuk nuannaralugillu politikkikkut pisoqarfimmiinnissat aammali periusissianik suliaqartarnissat kiisalu naalakkersuisoqarfiit kattuffiillu akimorlugit suleqateqarneq nuannaraajuk? Immaqa tassaavutit suleqatitaassarput.
Tamatigoortumik suleqatissarsiorpugut, makkuninnga piginnaasalimmik:

• Naalakkersuisut isummernissaminnut tunngavissaannik suliarilluakkanik pilersuisinnaasoq aamma politikkikkut kiffartuussisinnaasoq.
• Peqatinik suliffimmiittunik avataaniittunillu suliassat pillugit ataqatigiisserisinnaasoq.
• Politikkikkut ineriartornermut atatillugu misissueqqissaarnernik aningaasaqarnermilu nalunaarusianik suliaqarsinnaasoq.

Peqataaffigissavat nukissiornermik politikikkut ineriartortitsineq, inuiaqatigiit aningaasaqarnerannik nalunaarusiornerit kiisalu naalakkersuisumik kiffartuussinermut peqataaneq assigisaalu. Suleqatissatut ujartukkavut arlaqarsinnaasut tassaapput suliassanik kivitsisinnaassusillit pisunullu malussarissut.

Immikkoortortaqarfimmi piginnaasatigut ikorfartoqatigiittarpugut qularutissaanngitsumillu suliassaaleqinngilagut. Suliassani tulliuttuni pingaarnerit akuuffigilersinnaasatit ilaatigut makkuupput:
 

• Kalaallit Nunaanni erngup nukinganik nukissiorfissuanngorsinnaasunik suliariumannikkusussinnaasunut tunngavissiornissaq, ilaatigut misissuiffigineqassallutik isertitat qanoq ingerlaartarnerat, suliariumannittussarsiuussinermi atortussanik ineriartortitsineq kiisalu aningaasaliinissamik soqutiginnittunik ataavartumik attaveqarniarneq.
• Nukissiornermut immikkoortortap ineriartortinnissaanut nutaamik pilersaarusiornissaq, piujuartitsinermi periarfissanik misissueqqissaarnernik suliaqarluni, tassunga ilanngullugit taaneqarsinnaapput umiarsuit nunami innaallagissamik pilersorneqarsinnaalernissaannik misissuinerit, erngup nukinganit nukissiorfiit sarfamik sinneqartoorutaannik tuniniaanissaq, erngup nukinganit nukissiorfiit illoqarfimmut qanittut allissutissaannik misissuinerit. Taakkua saniatigut Kalaallit Nunaanni silaannaap allanngoriartornera pillugu siullerpaamik periusissiortussat silaannaallu allanngoriartornerani anguniagassanik suliaqartut qanimut suleqatigineqassapput.
• Nukissiornermut immikkoortortaqarfimmi pilersuinerup isumannaatsuunissaa patajaatsuunissaalu sammisassaapput, tassani aningaasaqarniarnermi nukissiornerup iluani selskabit isumannaatsumik aningaasarsiortarnerannik paasisimasaqarnissat kisisa samminagit aammali upalungaarsimanermi sungiusartitsisarnissat suliassat ilagaat.

Suleqatissaqqissoq:
Suligasuarsinnaaneq suliassallu sivisunerusumik ingerlatassat killissinnaasariaqarpatit, suliassatit paasillugit aammali ingerlarsorsinnaallutit. Misissuisinnaaneq pikkoriffigisariaqarpat kisitsillaqqissuullutillu. Iluarissavatsigit:

• Ilinniarluarsimasuuguit suliatsinnut attuumassuteqartumik.
• Kisitsisinik suliaqarneq, paasissutissanik misissueqqissaarneq paasiuminaassinnaasunillu paasinarsaasinnaaneq erseqqissuliorsinnaanerlu piginnaasaqarfigigukkit.
• Kattuffiit oqartussaasullu akimorlugit suleqatigiittarneq misilittagaqarfigigukku.
• Suliassanik piareersaasarneq aamma/imaluunniit suliassanik aqutsineq misilittagaqarfigigukkit.
• Suliffeqarfimmi politikkikkut aqunneqartumi misilittagaqaruit.
• Iliuuseqarsinnaaneq, peqqissaartuuneq suliassanullu aaqqiissutissanut alapernaatsuuneq ileqqorigukkit.
• Kalaallisut aamma danskisut oqalussinnaaguit.

Kissaatigineqarpoq 1. december 2025-mi atorfinitsitsinissaq imaluunniit tamatuma kingunitsianngua.

Qinnuteqarnissamut killigititaavoq 5. oktober 2025. 8. aamma 9. oktober oqaloqateqassaagut.

Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut, Naligiissitaanermullu Naalakkersuisoqarfik pillugu
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut, Naligiissitaanermullu Naalakkersuisoqarfik arfineq-marlunnik immikkoortortaqarpoq. Nukissiornermut immikkoortortamiilissaatit tassanilu sulisutut atorfiit tallimaapput immikkoortortamilu pisortaqarluni ataatsimik. Immikkoortortami qanimut suleqatigaagut pisortat ingerlataat Nukissiorfiit, Kalaallit Nunaanni Innaallagiaqarnermut Oqartussaasut kiisalu NunaGreen A/S.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.