Atorfik ilinniartitsinermik, inerisaanermik suliaqarnermik ilisimatuutullu misissuinermik ilaqartoq pissanganartorlu neqeroorutigaarput.
Ilinniartunik qanimut attaveqarneq, ilinniartitsisoqatigiit amerlanngitsut tunniusimalluartulli aamma ilisimatusartutut avatangiisit eqeersimaartut - pilerigaagit?

Ilisimatusarfiup Peqqissaanermik Pinngortitamillu Ilisimatusarfiani studieadjunkt/-lektoritut imaluunniit adjunkt ph.d./lektoritut atorfik 01.07.2025 isumaqatigiissuteqarnikkulluunniit inuttassarsiuupparput.

Peqqissaasutut ilinniarfik instituttip isumagisaraa 2025-milu februaarimi uumassusilerinermi ilinniakkami SILA-mi ilinniartoqatigiit siullerpaat aallartipput. Napparsimasunik sullissinermi siunnersortitut ilinniagaq pikkorissaanerillu ataasiakkaat instituttip aammattaaq neqeroorutigai. Kalaallit Nunaanni Peqqissutsimik Ilisimatusarfik aammattaaq instituttip ataaniippoq, taannalu ilisimatusarfiuvoq ingerlassaqarfiusoq ineriartortorlu. Instituttimi atorfillit 10-t missaanniittut professoriupput, lektoriupput attuumassuteqartumillu ilisimatusartuullutik. Peqqissaasunngorniarfik 45-50-it missaannik bachelorinngorniartunik aamma 10-12-it missaannik ph.d.-nngorniartunik ilinniartuuteqarpoq

Suliassatit

• Peqqissaasutut ilinniakkap teorii periutsillu pillugit fagiani aamma ilisimatusaatini allani ilinniartitsineq
• Suliassanik allaaserinninnermi aamma projektiliornermi ilitsersuineq
• Suliffinnik misiliiffiusunik aamma ilinniartunik suliffinnik misiliisunik suleqateqarneq
• Ilinniartitsinerup ilisimatusarnermit aallaaveqarnissaanik ineriartortitsinermut atatillugu pilersaarusiornermi ineriartortitsinermilu suliassanik isumaginninneq.
• Piginnaasat naapertorlugit ineriartortitsilluni ilisimatusarnernilu suliniutinut peqataasarneq

Piginnaasassat

• Tunngaviusumik ilinniarfimmi ilinniartitsinermik ilitsersuinermillu misilittagaqarneq
• Ilisimasanik soqutigisaqarneq aamma ilisimatusarnermik ineriartortitsinermillu suliaqarnermi misilittagaqarneq
• Napparsimasunik peqqissaasutut misilittagaqarneq
• Kalaallit Nunaanni peqqissaasutut akuerineqarsimaneq
• Naleqquttumik kandidatitut ilinniagaqarneq, Ph.d.-gradeqaruit aamma iluaqutaassaaq

Makkua neqeroorutigisinnaavagut

• Sulisut ilinniartullu atugarissaarnissaannik pingaartitsiviusumi sullivimmi avatangiisit pitsaasut
• Suleqatit kajumissuseqartut, qanimut suleqatigiittartut akunnerminnilu avitseqatigiillutillu tapersoqatigiittartut
• Suliffik sunniuteqataangaatsiarnissamut periarfissalik
• Ilisimatusartutut avatangiisit eqeersimaartut ineriartortullu

Atorfik pillugu paasisaqarnerorusukkuit Instituttip pisortaata Anna Kleist Egedep attaviginissaanut tikilluaqqusaavutit uunga ankl@uni.gl imaluunniit immikkoortortaqarfiup pisortaanut Louise Lennert Olsen lolo@uni.gl
Peqqissaanermik Pinngortitamillu Ilisimatusarfik pillugu uani atuarnerusinnaavutit: www.uni.gl

Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut aqqaneq marluupput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.