Atorfik pilersinneqaqqammerpoq ilisimatusarnermullu allaffeqarfimmi allaffissornikkut suliassanik ineriartortitseqataanissamut periarfissagissaartitsisuulluni.
Ilisimatusarneq soqutigisaraajuk? Peqqissaartumik aaqqissuulluakkamillu sulisarpit aamma suliassanik naammassinnittarpit?
Ilisimatusarfimmi Ilisimatusarnermut Allaffeqarfitta ineriartortinnissaanut suliassaq pissanganartoq aallartilerparput. Ilisimatusarnermut Allaffeqarfiup Ilisimatusarfimmi ilisimatuutut misissuisut ilisimatusarnerat tamaat ilisimasalittut ikiortassagaat anguniarneqarpoq. Siunnersuinermit, aningaasaliisussarsiornernut, siumoortunik missingersuusiornernut, suliniutit nassuiaataannik allannernut aamma nalunaarusiornernut tunngasuni.
Ilisimatusarnermut Allaffeqarfimmi sulisut tamarmik immikkut pingaarnertut akisussaaffeqassapput, kisianni akunnerminni suut suliassarinerlugit ilisimaarissagaat aammattaaq naatsorsuutigineqarpoq, taamaasillutik imminnut ikioqatigiissinnaallutillu isumasioqatigiissinnaanngussapput, piffissani ulapaarfiusuni akunnerminni oqilisaaffigisinnaanngussapput aamma ilisimatuutut misissuinermut suliassaqarfik tamaat nalinginnaasumik ilisimasaqarfigisinnaanngussavaat. Ilisimatusaatigalugu misissuinissamut qinnuteqaatit suliarineqarneranni Ilisimatusarnermut Allaffeqarfimmi sulisut tamarmik peqataasassapput makkununnga atatillugu: missingersuutit pitsaassusaannik qulakkeerinninneq, suliniutit nassuiarneri il.il.

Atorfik pillugu:
Ilisimatusarfik Ilisimatusarnermut Allaffeqarfimminut aqutsisussarsiorpoq pingaartumik Oqaluttuarisaanermik Qulaajaanermut allaffissornikkut ingerlatsinermi ikiuuttussamik. Aqutsisussap oqaluttuarisaanermik qulaajaanermi ilisimatusarnermut aqutsisut, allaffissornikkut tigussaasumik pisariaqartitaannut atatillugu, qanimut suleqatigissavai. Piffissap ingerlanerani ilisimatusaatigalugu suliaq taanna nutaaq pissanganaqisorlu kiisalu Issittoq pillugu nalinginnaasumik ilisimatusarneq ilisimasaqarfiginerulissavatit. Ilisimatusarnernik aqutsinermi suliamik ilinniarsimasut amingaatigineqarput, tamatumanilu oqaluttuarisaanermik qulaajaanermit misilittakkat aallaavigineqassapput.
Ilisimatusarnermut Allaffeqarfiup ingerlanneqarnerani suliassanut nalinginnaasunut aamma ikiuuttassaatit, assersuutigalugu tamatumunnga ilanngullugit:

• • suliniutissatut qinnuteqaatit pitsaassusaannik qulakkeerinninneq
  • aningaasaliisussarsiorneq
  • siumoortunik missingersuusiornerit
  • nalunaarusiornerit
  • ph.d.-nngorniarfimmut tunngasut
  • avataaniit ilisimatusariartortunut programmi
  • ilisimatuutut misissuineq pillugu najoqqutassiorneq
  • Ilisimatusarfiup iluanit avataaniillu saaffiginnissutit suliarineri

Naatsorsuutigaarput illit

• Kandidatitut ilinniarsimasutit
• Allaffissornikkut ingerlassinermik misilittagaqartutit
• Nunat Avannarliit suleqatigiinnerannut tunngasunik misilittagaqartutit
• Suliniutinut aamma aningaasaliisussarsiornernut tunngasut misilittagaqarfigigitit
• Suleqateqarusussuseqartuusutit
• Namminersorlutit sulisinnaasutit Ilisimatusarnermullu Allaffeqarfimmik ineriartortitseqataasinnaasutit

Ilisimatusarnermut Allaffeqarfik pillugu:
Ilisimatusarnermut Allaffeqarfik maannakkuugallartoq taamaallaat ilisimatusarnermik ataqatigiissaarisumik sulisoqarpoq. Allaffeqarfimmullu tassunga sulisussarsiorneq Ilisimatusarfiup maanna ingerlatileruttorpaa.
Ilisimatusarnermut Allaffeqarfik Ilisimatusarfiup pisortaanit aqunneqarpoq Ilisimatusarfiullu, tamakkiisumik isigalugu, ineriartornerata siuarsarnissaanut ulluinnarni suliassanik naammassinnittarneranut ikiuuttarluni.
Ilisimatusarnermut Allaffeqarfimmi sisamanik atorfinitsitsinissaq sulissutigineqarpoq, taamaasilluni ataatsimik aqutsisoqalissaaq, inatsisileritooqalissaaq ingerlatsisoqalerlunilu pilersaarutinik ataqatigiissaarisoqalissaaq. Tamatuma saniatigut aamma suliniutinik ataqatigiissaarisortaassaaq.
Atorfik pillugu apeqqutissaqaruit Ilisimatusarfiup pisortaata Christine Tønnesenip attaviginissaanut tikilluaqqusaangaarputit oqarasuaammut uunga +299 38 56 02 mailimulluunniit uunga chrt@uni.gl. www.uni.gl-imi uagut pilluta atuarnerugit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut inissaqartitsisoqanngilaq. Namminersorlutillu Oqartussani atorfinnut atatillugu ineqartitaareersimaguit tigummiinnarsinnaassavat. Atorfeqarunnaarnermili inigisaq qimanneqartussaassaaq.
Qinnuteqaatit, CV, ilinniarsimanernut pikkorissarnernullu uppernarsaatit assingusullu nassiussinnaavatit ”Qinnuteqaat nassiuguk” toorlugu.
E-mailikkut qinnuteqaatinik tigusineq ajorpugut.