Avatangiisinut Aatsitassanullu Immikkoortortaqarfimmi ilisimatusartoq nalilersueqqissaarnermik aammalu uumassusilerineq pinngortitarlu pillugit paasissutissanik suliaqartussamik inuttassarsiorpugut.

Pinngortitaleriffiup Namminersorlutik Oqartussat pisuussutinut uumasunut pinngortitamullu tunngasutigut siunnersortarpaa.

Immikkoortortaqarfimmi siunnersuinerit aammalu aatsitassarsiortoqassatillugu avatangiisinik pinngortitamillu alaatsinannerit, taamatuttaarlu silap allanngornerani nunami uumasunik alaatsinaannerit ingerlattarpai, soorluttaaq nunatsinni immap naqqanit, pinngortitami avatangiisitsinnullu tunngatillugu nalunaarsukkanik suliaqartartussaassalluni. Aammalumi suliassanik taakkununnga tunngasunik suliaqartartussaassaaq.

Immikkoortortaqarfik Pinngortitaleriffillu sukumiinerusumik uani paasisaqarfigisinnaavat: https://natur.gl/.

Suliassat
Nalilersueqqissaarnerit aammalu naatsorsukkat nunatsinneersut imaqarluartut saqqummiussiffigisartussaassavatit. Pinngortitaleriffimmi immikkoortortani assigiinngitsuneersut ilisimatusartut suleqatigisartussaassavatit siunnersueqatigisarsinnaassallugillu.

Ukua isumagisassagitit naatsorsuutigineqarpoq:

• Satellitsimiit droneniillu nalunaarsukkat suliniutini assigiinngitsuneersut nalilersueqqissaartarlugit, ingammik naasunut tunngasut.
• Nunap assingi allallu saqqummersitassat nalilersuiffigeqqissaarlugit.
• Pinngortitaleriffiup nalunaarsugaatai katersuiviilu aaqqissorlugillu paasissutissiissutigisarlugit il.il. 

Makkua peqataaffigisassagitit naatsorsuutigineqarpoq:

• Suliat aallaavigalugu allataqarlutillu takussutissialiortassaatit ilisimatuussutsikkut saqqummersitsisarfinni.
• Suliniutit allat suliassallu immikkoortortaqarfiit assigiinngitsuneersut peqatigalugit ingerlatat.
• Suleqatit avataaniillu suleqatisartakkat soqutigisaqaqatigiillu nalunaarsukkanut tunngatillugu attavigisarlugit.

Pitsassutsimut piumasaqaataasut
Inummik pinngortitaq pillugu ilisimatusarluni ilinniarsimasumik, soorlu biologimi kandidatimik, naturgeografimi, nunalerinermut ilisimatusartumik assingusunilluunniit ilinniagalimmik pissarsiorpugut. Satellitsit dronellu atorlugit immiussanik misissueqqissaarnissat suliaqarnerlu misilittagaqarfigaatit soorluttaaq R, SQL, Python, QGIS aammalu ArcGIS Pro suliaqarfigisarlugit. Biologimut tunngasunik ilisimasaqarputit, soorlu biologitut asimi suliaqartartutut.

Kalaallit oqaasiinik inuiaqatigiivinillu ilisimasaqarnissaq iluaqutaassaaq, piumasaqaataananili.

Akissarsiassat atorfimmilu atugassarititaastu:
Akissarsiat atorfeqarnermilu atugassarititaasut, soorlu sulilernermi suniunnaarnermilu angalanissaq pisattanillu nuutitsinissaq, Namminersorlutik Oqartussat qinnuteqartullu kattuffiata akornganni isumaqatigiissutaasut, kattuffillu isumaqatiginninniutaasussap akornganni isumaqatigiissutaasut malinneqartussaassapput.  

Atorfik Nuummiippoq. Asimi suliaqassatilluni ataatsimiigiassatillunilu angalasarnissat naatsorsuutigineqassaaq.

Sulilerfissaq 1. December 2025 imaluunniit sukkanerpaamik. Atorfik ukiuni marlunni atorfissatut pilersitaavoq sivitsorneqarsinnaassallunili.

Sapaatip akunneranut akunnerni 40ni sulisoqartarpoq.

Atorfimmut tunngatillugu inissiaq pisatsersugaanngitsoq malittarisassat malillugit neqeroorutaasinnaavoq. Ineqarnermut akiliutit siumoortumillu akiliutissat initaarnermi malittarisassat naapertorugit akilerneqartartussaapput. Inigisarlu atorfeqarnermut atammat suliunnaarnermi qimanneqartussaavoq.

Ineqarnermut akiliut inigisallu pitsaassusaa allanngorarsinnaaqaaq, inigisap pisoqaassusaa, piginnittui il.il. apeqqutaatillugit.

Sukumiinerusumik paasisaqarniaraanni immikkoortortaqarfimmi pisortaq Karl Zinglersen attavigineqarsinnaavoq ugguuna +299 361200, kazi(at)natur.gl.

Qinnuteqarnissaq:
Qinnuteqarnissamut killissarititaavoq 31. oktober 2025 nal. 24:00.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.