Aningaasaqarnermut Sulisoqarnermullu Aqutsisoqarfik (ASA) Sulisoqarnermut Inatsisilerinermullu Allaffimmi sulisoqarnermut siunnersortinut pisortassarsiorpoq. Ernereernermi sulinngiffeqartumut taartaanissaq oktober 2025-miit juli 2026-mut piffissaligaavoq.

Allaffimmi pisortatut ASA-mi sulisoqarnermut siunnersortit suliaallu akisussaaffigissavatit. Sulininni inatsisilerituunut pisortaq qanimut suleqatigissavat.  Ataatsimoorlusi immikkoortortaqarfimmi aqutsinermi aammalu suliassanik ataatsimoorussanik isumaginnittuussaasi, tassunga ilanngullugit suleriaatsinik aaqqissuussinerit immikkoortortaqarfimmillu ineriartortitsineq. 

Sulisoqarnermut siunnersortinut allaffimmi pisortatut ingerlatsineq, pitsaassutsimik- ineriartornermillu anguniagaqarneq qitiutillugit, tassunga ilanngullugit immikkoortortaqarfiit atorfinitsitsisut Namminersorlutik Oqartussat aamma Peqqinnissaqarfik suleqatigalugit  piffissaalluartillugu atorfinitsitsinermut isumaqatigiissutinik suliaqarneq.

Allaffeqarfimmiipput siunnersortit 11-t sinnerlugit, taakkua sulisoqarnermut inatsisilerituut 2-3 qanimut suleqatigaat. Aaqqissuussaanikkut, suliassatigut ikorfartoqatigiinnikkullu immikkoortortaqarfinnut allanut ASA-p iluani avataanilu qanimut attuumassuteqarpoq, tamanna pillugu uani paasisaqarnerugit www.asa.gl

Sulisoqarnermut immikkoortortaqarfiup suliassai ilaatigut tassaapput.:

• Namminersorlutik Oqartussanut taakkulu ataanni immikkoortortaqarfinnut suliassat sulisunut tunngasut, siunnersuinerit aqutsisunillu ikorfartuinerit
• Namminersorlutik Oqartussanut kommuninullu isumaqatigiissutinik nassuiaanerit
• Atorfinitsitsinerni isumaqatigiissusiornerit akissarsianillu piffissaagallartillugu eqqortunik innersuussisarnerit
• Immikkoortortaqarfimmi sulinernik attuumassuteqartunik ikiuunnerit
• Tjenestemandspensionit tunniunneqartarnerat

Allaffimmi pisortap ilaatigut suliassai:

• Sulisoqarnermi immikkoortortaqarfimmik ingerlatsineq ineriartortitsinerlu, tassunga ilanngullugit suliassanik agguaanerit, isumaginninnerit pingaarnersiuinerillu.
• Immikkoortortaqarfimmi immikkoortortaqarfimmilu suleriaatsinik ataqatigiissaarinerit, pitsanngorsaanerit taavalu aaqqissuinermut ikorfartuineq.
• Aqutsisut sulisullu akornanni aqutsisutut paasissutissiinissamik  qulakkeerinninneq.
• Tamatumunnga atatillugu Sulisoqarnermut Inatsisilerinermullu Allaffimmi inatsisilerituunut pisortaq suleqatigalugu akisussaaffeqarfilersuineq.

Ilinniakkatigut imatut tunngaveqarnissat naatsorsuutigaarput:

• Cand.jur/Cand.merc.jur, imal. allaffimmiutut naleqquttumik ilinniagaqarnissat.
• Aqutsinerup tungaatigut soqutigisalik immaqaluunnit misilittagalik
• Atorfinitsitsinermut inatsimmi sulisoqarnermullu inatsisilerinermi misilittagaqaruit iluaqutaasaaq.
• Pisortani ingerlatsinerannik misilittagaqaruit iluaqutaasaaq, Namminersorlutik Oqartussaniusinnaavoq.
• Isumaqatiginninniartarnerit pillugit aaqqissussaanermik ilisimasaqarneq iluaqutaasaaq.

Inuttut piginnaasatit makkununnga tunngappata pitsaanerpaassaaq:

• Tatiginartoq, ammasoq, kajumissaarisoq
• Suliniuteqallaqqissoq, qasujaatsoq sulianillu ingerlatsillaqqissoq
• Suleqatikkuminartuussaatit atuisullu paasinnittariaasiat aallaavigalugu sullissisinnaassaatit
• Eqaatsumik sulisinnaavutit ulluinnarnilu allanngorartumi sulilluarsinnaavutit
• Inuiaat kalaallit, kulturi aamma kalaallit oqaasiinik ilisimasaqaruit iluaqutaassaaq

Uagut neqeroorutigaavut:

• Suliffeqarfik Qitiusumik Allaffeqarfissuarmi aamma pisortat suliffeqarfiini tamani ersarissoq.
• Suliffik allannguinissanik tusaasoq aamma immikkoortortaqarfimmi sulisunilu ataasiakkaani ineriartortitsinernik qitiutitsisoq.
• Aqutsisoqatigiit aqutsisut ataasiakkaat ineriartortinneqarnissaannik qitiutitsisut aamma aaqqissuussaanermi assigiinngitsuni suliffeqarfimmi aqutsinissamut tunngavissamik atulersitsineq.
• Suliassanut inuttullu piginnaasat aallaavigalugit suliassanut sunniuteqarluarsinnaasuseqarneq.

Attavissaq
Atorfik pillugu annertunerusumik paasisaqarusukkuit, Sulisoqarnermut- taavalu Isumaqatiginninniarnermut pisortaq Frederik Schmidt tikilluaqquneqarputit attavigissallugu email-imut fsch@nanoq.gl immaqaluunnit oqarasuaatikkut +299 346681, imal. allaffimmi pisortaq Barbara Svenningsen Østergaard e-mailikkut: baso@nanoq.gl imaluunniit oqaarasuaatikkut +299 346441

Atorfinitsitsinerup suussusaa
Piffissalikkamik ernereernerup kingorna sulinngiffeqartumut taartaaneq

Ulloq atorfiniffissaq
1. oktobarip 2025 isumaqatigiissuteqarnikkulluunniit.

Qinnuteqarfissamut killigititaq
Sisamanngorneq ulloq 11. september 2025
Atorfinitsitsinissamut oqaloqateqarnissat sapaatip akunnerani 38-imi ingerlanneqarnissaat naatsorsuutigineqarpoq.

Atorfeqarnermi atugassarititaasut
Atorfik akissaateqarfiit immikkoortuani LR 36-mi massakkut inissisimavoq. Akissarsiat aalajangersimasut LR 36-mi imatut isumaqatigiissutigineqarsimapput: 1. april 2025-imiit qaammammut kr. 62.812,70 ukiumullu kr 753.749,04 (soraarnerusutisiutit ilanngullugit).

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput. Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Nunamut namminermut ministereqarfiup aammattaaq kommuninut immikkoortortanullu Kalaallit Nunaanni Namminersorlutik Oqartussani atorfinitsinneqarnermi aningaasarsiaqarani sulinngiffeqarnissamut qinnuteqaatit tigulluarneqartarnissaannik innersuussutigisimavaa.

Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput.

Aallaavittut sapaatip akunneranut sulineq akunnernik 40-nik sivisussuseqarpoq, aamma ukiumut akunnerni 320-ini qaammatillu pingasuugaangata akunnerni 80-ini suliartoqquneqarsinnaaneq atorfininnermut attuumapput, ullullu sulinngiffiusussat annaaneqarsimasut ajunngitsorsiassaqarfiginissaat pillugu aalajangersakkat atuutinngillat.
 
Inissaqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq.
Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Qinnuteqaat, imminut ilisaritinneq, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.