Ilisimatusarfik misilittagaqartumik tunniusimasumillu instituttip pisortassaanik pissarsiorpoq, Ilisimatusarfiup Peqqissaanermik Pinngortitalerinermillu Ilisimatusarfiani ilinniakkanik inerisaanissamut aamma ilisimatusarnermi piginnaasatigut annertusaanissamut suliatigut aqutseriaasikkullu nukittuumik ilisarnaatilimmik, instituttillu ineriartortinneqaqqinneranut ulluinnarnilu aqunneqarneranut akisussaasussamik.

Atorfiup septembarip 1-ani 2025 isumaqatigiissuteqarnikkulluunniit inuttalerneqarnissaa kissaatigineqarpoq.

Institutti – Issittup qeqqani inissisimaffeqarluni – anguniagalik
Peqqissaanermik Pinngortitalerinermillu Ilisimatusarfiup suliassatigut avatangiisai uummaarissuupput, tamatumanilu ilisimatusarneq ilinniartitaanerlu illugiisillugit ineriartortinneqarput. Instituttimi bacheloritut ilinniakkat marluk – peqqissaasutut aamma Silami uumassusilerinermik ilinniakkanik – neqerooruteqarpoq, aammattaaq nukittuumik ineriartortumik ilisimatusarnerullu silarsuaani pingaarutilittut inissisimaffeqartumik Peqqissutsimik Ilisimatusarfeqarpoq.

Ullumikkut 8-inik piffissaq tamakkerlugu sulisoqarpugut projektimilu sulialik ataaseq, arlalinnik professorinik ikiorteqarlutalu ilisimatusartuuteqarpugut. Institutti 31-nik bachelorinngornianik 1-millu ph.d.-nngorniamik ilinniartuuteqarpoq.

Instituttip pisortaatut suliassatit
Instituttip ulluinnarni aqunneqarnera aamma periusissiatigut ineriartortinneqarnera, instituttit siunnersoqatigiivi aamma pisortat qanimut suleqatiginerisigut, instituttip pisortaata pingaarnertut akisussaaffigai. Suliassanut makku ilaapput:

• Sulisoqarnermik aqutsineq – tamatumunnga ilanngullugit atorfinitsitsisarnerit soraarsitsisarnerillu
• Ilinniartitsinermi ilisimatusarmilu suliassanik pilersaarusiorneq agguaassinerlu
• Missingersuutinut ilinniakkallu aaqqissugaanerinut siunnersuusiornerit
• Ilinniakkanik aqutsineq aamma ilinniartitsinerit pitsaassusaannik qulakkeerinnittarneq
• Ilisimatusarnermik ingerlassanik siuarsaaneq aamma ilisimatusarnerup avatangiisianik ineriartortitsineq
• Sulianut aaqqissugaanernullu atatillugu pissutsit pillugit rektorimut aamma Ilinniagartuut Siunnersuisoqatigiivinut innersuussuteqartarneq

Aalajangiipallassinnaasut, kiffaanngissuseqarlutik iliorsinnaassuseqarluartut aamma suliatigut qaffasissumik innarlerniagassaanngissusillit aaqqissugaanermi peqatigilissavatit. Qanimut aamma suliassaqarfiit akimorlugit suleqatigiittarpugut, kulturilu persuarsiorfiunngitsoq aaqqiissutissarsisarnissamullu sammisoq pingaartipparput.

Ilisarnaatitit
Pisortamik aqqutissiuisinnaasumik ulluinnaallu iluamik ingerlanissaannut qulakkeerinnissinnaasumik pissarsiorpugut. Illit:

• Uumassusilerisutut imaluunniit peqqissaasutut ilinniagaqaqqissimasutut tunuliaquteqarputit (ph.d.-tut, kandidatitut assingusumilluunniit)
• Nunatsinni nunanilu tamalaani – peqqissaanermik uumassusilerinermillu ilinniakkat ilisimasaqarfigilluarpatit
• Ilinniartitsinissanik pilersaarusiornermik, ilinniakkanik sulisunillu aqutsinermik misilittagaqarputit
• Ilisimatusarnermik inerisaanermillu suliaqarneq uppernarsaatitaqartumik soqutigalugulu misilittagaqarfigaat
• Misissueqqissaarsinnaallutillu ataqatigiissaarillaqqipputit
• Ilisimatusarfittut avatangiisini mikisuni, angusaqarluarniarfiusunili, eqaassuseqarlutit sulerusussuseqarputit
• Kalaallisut, qallunaatut tuluttullu oqaatsinik piginnaasaqarneq iluaqutaangaatsiassaaq, soorluttaaq Kalaallit Nunaanni aammattaaq nunani tamalaani pissutsinik ilisimasaqarluarneq annertuumik piumasaqaatigaavut.

Piginnaasassatut piumasaqaatit
Instituttimi pisortassap ilaatigut uku uppernarsarsinnaasariaqarpai:

• Ilisimatusarnerup, ilinniartitaanerup inuiaqatigiinnillu sunniivigeqatiginnittarnerit iluanni aqutsinermik naleqquttumik misilittagaqarneq.
• Instituttip suliassaqarfiisa iluanni ilisimatusartutut akuerineqarsimaneq, tamatumunnga ilanngullugit ph.d.-tut doktoritulluunniit allagartaqarneq, kiisalu ilinniartitsinermik misilittagaqarneq.
• Sulisunik aqutsinermik misilittagaqarneq ilisimasaqarluarnerlu kiisalu aningaasaqarnikkut aqutsinermik aamma missingersuusiornermik soqutigisaqarneq.

Qinnuteqaat
Qinnuteqaammut uku ilaliunneqassapput:
Ilanngussaq 1: Curriculum Vitae, oqaaseqaatit attuumassutillit ilanngullugit.
Ilanngussaq 2: Soraarummeersimanermut uppernarsaatit.
Ilanngussaq 3: Saqqummersissimasat allattorsimaffiat.

Qinnuteqaat aamma attaveqarfissat
Atorfik pillugu apeqqutissaqaruit rektorip Gitte Adler Reimerip attaviginissaanut tikilluaqqusaavutit oqarasuaammut uunga +299 520558.
Ilisimatusarfimmi suleqataalerit, – najukkami, nunatsinni nunanilu tamalaani – suliniutitit allanngueqataassapput.

Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Akissarsiat atorfeqartitaanermilu atugassarititaasut:
Atorfinitsitaaneq killissaleriikkamik ukiunik pingasunik sivisussuseqassaaq – sivitsorneqarnissaanik periarfissaqartumik.

Atorfik akissaateqarfimmi LR 38-mi maanna inissisimavoq, Atorfik akissaateqarfimmi LR 38-mi maanna inissisimavoq.  1. april 2025 LR 38-mi akissarsiat imak isumaqagitiissutigineqarnikuupput qaamammut  Kr. 74.648 ukiumullu Kr. 895.776. pisortat pillugit Namminersorlutik Oqartussat isumaqatigiissutaat maanna atuutsinneqartoq.

Sivisussusileriikkamik atorfinitsinneqarnermut tapisiaqarnissaq ilaavoq.

Aallaavittut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq annerpaatut sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngimmata, piffissap suliffiusussap sivisussusissaa aallaavittut sap. akunneranut nal. akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput. Atorfiniffissaq Nuummiippoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.